Êsai 54:3 - Nau Brah Ndu Ngơi 2023

³ Yorlah ay mra ƀư dĭ mpeh pa ma jêh ri mpeh pa chiau; Phung kon sau ay mra pit in lĕ bri dak jêng ndrăp ndơn, Khân păng mra ƀư ăn lĕ ƀon toyh jêng rngol jêh plơ̆ jêng âk phung ƀon lan.

Êsai 54:3 ပူးပေါင်းရင်းမြစ်များ

Nau Ntơm 26:22

Y-Isăk chalơi ntŭk nây hăn kuyh du ntu dak êng jêh ri ntu dak aơ mâu geh ôh tâm pit, păng rnha ntu dak nây jêng Rêhôbôt, jêh ri lah: “Aƀaơ Brah Yêhôva hŏ ăn ma phung hên du ntŭk gŭ huy ngăn, jêh ri hên mra geh jêng tâm n'gor aơ.”

Nau Ntơm 28:14

Noi deh may mra âk tâm ban ma ndruyh neh, gŭ lam luh nar, nhâp nar, pa dâng, pa lơ, jêh ri lĕ rngôch phung mpôl băl bunuyh tâm neh ntu mra geh nau ueh uĭn yor bơh may jêh ri yor bơh noi deh may.

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

Êsai 14:1

Ngăn yơh, Brah Yêhôva mra yô̆ nđach ma Yakôb jêh ri hôm du tơ̆ đŏng săch Israel. Păng mra ăn ma khân păng gŭ tâm bri khân păng nơm. Phung bu năch mra tâm rnglăp đah khân păng jêh ri mra gŭ ndrel đah ngih Yakôb.

Êsai 14:2

Phung ndŭl mpôl bunuyh mra njŭn leo phung Israel plơ̆ sĭt ta ntŭk khân păng nơm. Ta neh Brah Yêhôva, ngih Israel mra pit rvăn phung ndŭl mpôl bunuyh aơ jêng phung oh mon bu klâu jêh ri oh mon bu ur. Phung Israel mra nhŭp phung hŏ nhŭp jêh khân păng, jêh ri chiă uănh phung tŭn jot jêh khân păng.

Êsai 26:15

Ơ Brah Yêhôva, May hŏ ƀư jêh phung ƀon lan aơ đang ktang lơn, May hŏ ƀư jêh phung ƀon lan aơ đang ktang lơn, May geh nau tâm rnê; May pơk ăn dĭ n'har neh bri aơ.

Êsai 45:14

Pô aơ Brah Yêhôva lah tâm ban pônây: “Drăp ndơ bri Êjipt, ndơ tăch kao bri Kus Jêh ri phung Sabê, bunuyh juat toyh, Mra văch ma may da dê, jêh ri jêng ndơ may; Khân păng mra tĭng ndô̆ may, djôt nse rvăk, Păn tanăp may, khân păng mra vơh vơl ma may jêh ri lah: ‘Nanê̆, Brah Ndu gŭ ndrel ma khân may; Rlau ma Păng, mâu geh Nơm êng ôh, Mâu geh Brah Ndu êng ôh!’”

Êsai 48:19

Noi deh may mra âk tâm ban ma choih, Kon sau may mra âk tâm ban ma ndruyh neh. Amoh khân păng mâu mra rai ôh, Mâu lĕ dơi roh tanăp Gâp.”

Êsai 49:12

Aơ, phung aơ mra văch tă bơh ngai, Phung ri mra văch tă bơh mpeh pa lơ, jêh ri bơh mpeh nhâp nar, Jêh ri phung êng tă bơh bri Syene.

Êsai 49:8

Pô aơ Brah Yêhôva lah: “Gâp dơn jêh nau may ngơi tâm nar găl, Gâp kâp kơl may jêh ta nar tâm rklaih. Gâp mra mât mray may, N'gân may jêng du nau tâm rnglăp đah phung ƀon lan, Gay ndâk njêng tay bri dak, Jêh ri gay tâm pă neh ntŭk rngot njăp ƀư drăp ndơn;

Êsai 52:9

Ơ ntŭk rlâm tâm ƀon Yêrusalem, Troh hom ma nau mprơ ndrel n'grŭp. Yorlah Brah Yêhôva hŏ bonh leng jêh phung ƀon lan Păng, Tâm chuai jêh ƀon Yêrusalem.

Êsai 53:10

Brah Yêhôva maak nuih n'hâm ăn Păng ji, Jêh ri dơn nau rêh ni. Tơlah jêh nhhơr nau rêh Păng jêng ndơ ƀư brah chuai nau tih, Păng mra saơ phung kon sau Păng; Lĕ nar Păng gŭ rêh mra ntop jong, Jêh ri nau Brah Yêhôva ŭch dơi jêng ngăn tâm ti Păng.

Êsai 55:5

“Ngăn yơh, may mra kuăl bri dak may ê hŏ gĭt năl ôh, Jêh ri bri dak ê hŏ gĭt may mra nchuăt ran ta may, Yor Yêhôva Brah Ndu may, Nơm Kloh Ueh Israel, Jêng Nơm ƀư ma may chrêk rmah.”

Daniel 7:27

Rnôk nây, ƀon bri hađăch nây, nau dơi chiă uănh Jêh ri nau toyh ma lĕ rngôch ƀon bri hađăch tâm neh ntu Mra dơi ăn ma ƀon lan phung koh ueh Nơm Dŭt Prêh. Ƀon bri hađăch Păng jêng ƀon bri hađăch n'ho ro Jêh ri lĕ rngôch nau dơi chiă uănh pah kan jêh ri tông bâr Păng da dê.’

Samƀŭt Pôl Njuăl Ăn Ma Phung Nsing Ta Ƀon Rôm 10:18

Ƀiălah gâp ôp: Bu mâu hŏ mâp tăng hĕ? Ngăn khân păng lĕ tăng jêh, yorlah: “Bâr phung mbơh hŏ huy lam neh ntu, Jêh ri nau khân păng hŏ mbơh jêh tât ta dŭt bri dŭt neh.”

Samƀŭt Pôl Njuăl Ăn Ma Phung Nsing Ta Ƀon Rôm 11:12

Tơlah nau ƀư tih khân păng ƀư ndrŏng jêh ma neh ntu, jêh ri tơlah nau rai yot khân păng hŏ ƀư ndrŏng ma phung bu năch, nau bêng ler khân păng mra lơ hô ƀư ndrŏng rlau lơn âk ngăn!

Kôlôh 1:23

knŏng ma khân may nau gŭ nâp tay tâm nau chroh, mâu rdja nuih ôh, mâu trơn chalơi bơh nau kâp gân Nau Mhe Mhan Ueh khân may tăng jêh, jêng Nau Mhe Mhan Ueh hŏ mbơh nkoch jêh ma lĕ rngôch bunuyh tâm dâng trôk; jêh ri gâp, Y-Pôl, hŏ jêng bunuyh pah kan ma Nau Mhe Mhan Ueh nây.