Êsai 54:2 - Nau Brah Ndu Ngơi 2023

² Ƀư huy hom ntŭk ngih bok ay, Ăn bu lăk ăn dĭ bok nching ntŭk ay gŭ; Nthăng rse ăn jong, Ƀư nâp mâng rdâng!

Êsai 54:2 ပူးပေါင်းရင်းမြစ်များ

Nau Ntơm 26:22

Y-Isăk chalơi ntŭk nây hăn kuyh du ntu dak êng jêh ri ntu dak aơ mâu geh ôh tâm pit, păng rnha ntu dak nây jêng Rêhôbôt, jêh ri lah: “Aƀaơ Brah Yêhôva hŏ ăn ma phung hên du ntŭk gŭ huy ngăn, jêh ri hên mra geh jêng tâm n'gor aơ.”

Nau Ngluh Êjipt 35:18

lĕ mâng pêr Ngih Bok, lĕ mâng pêr jêh ri rse ndring;

Nau Ngluh Êjipt 39:40

lĕ blah bok rjai ta ndring ngih, n'gâng trôm n'gâng jêh ri bok ta ndring ngih, rse, mâng pêr, jêh ri lĕ rngôch ndơ dŏng ma nau kan ndơ ƀư brah ta Ngih Bok jêh ri Ngih Bok nau tâm rƀŭn;

Êsai 26:15

Ơ Brah Yêhôva, May hŏ ƀư jêh phung ƀon lan aơ đang ktang lơn, May hŏ ƀư jêh phung ƀon lan aơ đang ktang lơn, May geh nau tâm rnê; May pơk ăn dĭ n'har neh bri aơ.

Êsai 33:20

Uănh hom ta Siôn jêng ƀon he kah gĭt prăp lĕ nau rƀŭn toyh! Măt may mra saơ Yêrusalem, Jêng ntŭk gŭ đăp mpăn, jêng ngih bok bu mâu trơn ta ntŭk êng ôh, Lĕ mâng pêr ngih bok bu mâu hôm tŏk ôh, Lĕ rse brăt mâu dơi tăch ôh.

Yêrêmi 10:20

Ngih bok gâp rai jêh, Lĕ rse nthăng ngih bok gâp tăch da dê; Phung kon gâp chalơi gâp, Khân păng mâu hôm đŏng ôh. Mâu hôm geh nơm ndâk ngih bok, Ăt mâu hôm geh nơm nthăng bok nching ăn ma gâp.

Mika 7:11

Nar ndâk tay mpêr ƀon mra tât, Jêng nar pơk huy n'har bri.