Êsai 54:17 - Nau Brah Ndu Ngơi 2023

¹⁷ Lĕ rngôch ndơ tâm lơh bu ƀư gay tâm rdâng đah may mâu dơi jêng ôh; May mra phat dôih ma lĕ mpiăt phong may. Aơ jêng drăp ndơn ma phung oh mon Brah Yêhôva, Jêh ri Gâp yơh ăn nau sŏng srăng ma khân păng.” Brah Yêhôva lah kơt nĕ.

Êsai 54:17 ပူးပေါင်းရင်းမြစ်များ

Ndrom Samƀŭt bơh Yôp 1:11

Ƀiălah aƀaơ Kôranh Brah yơr ti rlong ƀư tâm lĕ rngôch drăp ndơ păng geh, uănh păng gĭt geh nau suai rak Kôranh Brah tanăp măt đŏng!”

Ndrom Samƀŭt bơh Yôp 2:5

Ƀiălah aƀaơ, dăn Kôranh Brah rlong uănh yơr ti lơh tâm nting mlay Y-Yôp uănh păng geh suai rak tanăp măt Kôranh Brah đŏng mâu!”

Ndrom Samƀŭt bơh Yôp 42:7

Jêh Brah Yêhôva ngơi nau nây ma Y-Yôp, Păng lah đŏng ma Y-Êlipas, bunuyh Têman, pô aơ: “Gâp hao ji nuih ngăn ma may jêh ri ma bar hê mĭt jiăng may yorlah khân may mâu ngơi nau di ma Gâp nâm bu Y-Yôp, jêng oh mon Gâp, hŏ ngơi.

Nau Mprơ Ơm 32:6

Yor nây, lĕ rngôch bunuyh blau yơk Mbơh sơm ma May da dê tâm mông ŭch geh; Nanê̆ tơlah geh dak toyh ler tât Pôri mâu mra tât ma khân păng.

Nau Mprơ Ơm 61:5

Ơ Brah Ndu, May tăng jêh nau gâp ton, Ăn ma gâp drăp ndơn ma phung klach yơk ma amoh May.

Nau Mprơ Ơm 71:16

Gâp mra văch mprơ tâm rnê lĕ nau brah Kôranh Brah Yêhôva; Gâp mra kah gĭt nau sŏng srăng May, Jêh ri knŏng kah gĭt ma nau sŏng srăng May dơm.

Nau Mprơ Ơm 71:19

Ơ Brah Ndu, nau sŏng srăng May Prêh tât tâm trôk. May yơh ƀư jêh lĕ nau kan dŭt toyh, Ơ Brah Ndu, mbu nơm jêng tâm ban ma May?

Êsai 17:12

Ơ, phung ndŭl mpôl bunuyh âk râk ƀư nteh drơu drơu! Khân păng ngrông tâm ban ma nteh rbuh dak mƀŭt! Nteh drơu drơu tâm phung ndŭl mpôl bunuyh Ngrông tâm ban ma nteh âk dak leng hoch!

Êsai 26:2

Pơk hom lĕ mpông Ăn phung ƀon lan sŏng srăng, Jêng phung ƀon lan djôt prăp nuih n'hâm răp jăp, dơi lăp ta nây.

Êsai 29:8

Tâm ban ma bunuyh ji ngot mbơi saơ păng nơm dơi sa, Ƀiălah tơlah păng kah rngăl ndŭl ăt ji ngot; Tâm ban ma bunuyh ji hir mbơi saơ păng nơm dơi nhêt dak, Ƀiălah tơlah păng kah rngăl saơ păng nơm rgănh suan jêh ri ăt ji hir; Phung tahan lĕ bri dak hăn lơh yôk Siôn, Mra tâm ban pônây lĕ.

Êsai 3:10

Lah hom ma phung sŏng srăng, ueh maak yơh ma khân păng, Yorlah khân păng mra sa play bơh kan khân păng ƀư.

Êsai 40:2

Ngơi hom ma nau rdơ̆ ma Yêrusalem, Jêh ri mbơh pô aơ nau păng tâm lơh lĕ dŭt jêh, Nau tih păng yô̆ ăn jêh; Păng hŏ dơn bar tơ̆ bơh ti Brah Yêhôva, Ma lĕ rngôch nau tih păng.”

Êsai 41:11

Aơ, lĕ rngôch phung ji nuih đah may Mra geh nau bêk prêng jêh ri bu mưch. Phung tâm rdâng đah may Mra jêng dơm dam jêh ri rai yot.

Êsai 46:13

Gâp njŭn nau sŏng srăng Gâp văch dăch, păng mâu gŭ ngai ôh, Nau Gâp tâm rklaih mâu mra gŭ kâp jŏ ôh. Gâp mra ăn nau tâm rklaih tâm ƀon Siôn, Ăn nau chrêk rmah Gâp ma phung Israel.”

Êsai 50:8

Nơm kơp Gâp sŏng srăng hŏ tât dăch jêh. Mbu nơm tâm rdâng đah Gâp? Ăn he dâk hom ndrel Gâp! Mbu nơm jêng phung tâm rdâng đah Gâp? Văch hom êp Gâp!

Êsai 50:9

Nanê̆, Kôranh Brah jêng Brah Yêhôva mra kơl Gâp; Mbu nơm mbơh Gâp jêng tih? Aơ, lĕ rngôch khân păng mra mŭnh sat tâm ban ma blah ao Jêh ri nchiăr mra sa khân păng.

Êsai 51:5

Nau sŏng srăng Gâp dăch êp jêh, Nau Gâp tâm rklaih dăch mpơl jêh, Nting tur Gâp mra chiă uănh phung ndŭl mpôl bunuyh. Lĕ rngôch gôl dak mƀŭt, mra kâp gân Gâp, Jêh ri khân păng kâp gân ma nting tur Gâp.

Êsai 54:15

Tơlah geh nơm rduh lơh may, Nau nây mâu tât tă bơh Gâp ôh. Mbu nơm rduh lơh đah may, Mra rlâm tŭp yor may.

Êsai 54:16

Aơ, Gâp yơh rhăk njêng jêh nơm chiăr, Su sa ônh khôm ŭnh, Ƀư ndơ tâm lơh gay dŏng; Gâp đŏng hŏ rhăk njêng nơm ƀư rai Gay ƀư kan nau ƀư rai.

Êsai 58:14

Rnôk nây, may mra gŭ maak tâm Brah Yêhôva, Gâp mra ăn may ncho hao ta lĕ chor prêh ta neh ntu; Gâp mra siăm may ma drăp ndơn Y-Yakôb chô yau may.” Trôm mbung Brah Yêhôva ngơi jêh nau nây.

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Yêrêmi 23:6

Tâm rô̆ hađăch nây, phung Yuđa mra dơi geh nau tâm rklaih; Phung Israel mra gŭ rêh đăp rmên. Ntơ amoh ma Nơm nây jêng: ‘Brah Yêhôva nau sŏng srăng he!’”

Daniel 3:26

Jêh nây hađăch Nêbukatnetsar hăn dăch bôk mpông năk ŭnh hit jêh ri kuăl nteh huy: “Hơi Y-Sadrak, Y-Mêsăk, jêh ri Y-Abetnêgô, jêng oh mon Brah Ndu Dŭt Prêh, luh hom jêh ri văch ta aơ!” Y-Sadrak, Y-Mêsăk jêh ri Y-Abetnêgô luh ro tă bơh ŭnh năk.

Daniel 6:20

Tơlah păng tât dăch bâr trôm ntu, păng sŏk ma bâr rngot kuăl Y-Daniel. Hađăch kuăl: “Ơ Y-Daniel, oh mon Brah Ndu gŭ rêh mro mrăng! Brah Ndu may pah kan ƀaƀơ, mra dơi rklaih may bơh yau mŭr lĕ?”

Mathay 16:18

Bi ma, Gâp mbơh ma may pô aơ: May jêng Y-Pêtrôs, Gâp mra rdâk Phung Ngih Brah Ndu Gâp ta klơ lŭ aơ, lĕ mpông ƀon phung khĭt mâu dơi đah Phung nây ôh.

Samƀŭt Pôl Njuăl Ăn Ma Phung Nsing Ta Ƀon Rôm 10:4

yorlah Brah Krist jêng nglĕ ma nau vay, gay lĕ rngôch bunuyh chroh dơi kơp sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 3:22

Nây jêng nau sŏng srăng Brah Ndu, yor ma nau chroh ma Yêsu Krist, ăn ma lĕ rngôch bunuyh geh nuih n'hâm chroh, mâu tâm nkhah bu ôh;

Samƀŭt Pôl Njuăl Ăn Ma Phung Nsing Ta Ƀon Rôm 8:1

Pôri aƀaơ aơ, mbu nơm gŭ tâm Brah Yêsu Krist mâu mra hôm geh nau tâm rmal ôh;

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

Philip 3:9

jêh ri dơi gŭ tâm Păng. Dơi nâm nđĕ mâu di tă bơh nau sŏng srăng gâp nsing tâm nau vay, ƀiălah bơh nau chroh tâm Brah Krist, nau sŏng srăng luh bơh Brah Ndu nsing ma nau chroh,

Yôsuê 24:10

Ƀiălah Gâp mâu ŭch iăt nau Y-Balaam ôh; yor ri, păng nchâp ăn nau ueh uĭn ma khân may, jêh ri Gâp hŏ rklaih jêh khân may bơh ti Y-Balak.

II Pêtrôs 1:1

Y-Simôn Pêtrôs, oh mon jêh ri kôranh oh mon Brah Yêsu Krist, nchih njuăl ma phung tă bơh nau sŏng srăng Brah Ndu he jêh ri tă bơh Nơm Tâm Rklaih jêng Brah Yêsu Krist, sŏk dơn jêh ndrel du nau chroh khlay nâm bu hên.

Nau Tâm Mpơl 12:10

Gâp tăng ta klơ trôk geh bâr huy lah pô aơ: “Aƀaơ aơ nau tâm rklaih, nau brah, Ƀon bri hađăch Brah Ndu he, Jêh ri nau dơi Brah Krist văch jêh, Yorlah nơm phong phung oh nâu he, măng nâm nar phong khân păng tanăp Brah Ndu, Bu klŭp mƀăr jêh păng jŭr ta neh.

I Samuel 23:17

Y-Jônathan lah: “Lơi klach ôh, yorlah ti mbơ̆ gâp jêng Y-Sôl mâu mra pah ma may ôh. May mra jêng hađăch phung Israel, bi gâp mra jêng kôranh chiă uănh ma may. Y-Sôl, mbơ̆ gâp, gĭt đŏng rah vah kơt nĕ.”