Êsai 54:13 - Nau Brah Ndu Ngơi 2023

¹³ Brah Yêhôva mra sâm nti lĕ rngôch phung kon may, Jêh ri khân păng mra geh nau đăp mpăn ngăn.

Êsai 54:13 ပူးပေါင်းရင်းမြစ်များ

Nau Mprơ Ơm 119:165

Phung rŏng ma nau vay May geh nau đăp mpăn ngăn; Mâu geh ndơ ƀư chêh prah khân păng ôh.

Nau Mprơ Ơm 119:33

Ơ Brah Yêhôva, sâm nti gâp trong nau vay ƀư bơh May Pôri gâp mra djôt prăp păng tât lôch.

Nau Mprơ Ơm 147:14

Păng ăn nau đăp mpăn ma bri may, Ƀư ma may bêng ma ba ƀlê ueh lơn.

Nau Mprơ Ơm 71:17

Ơ Brah Ndu, May ntĭm nti jêh gâp bơh gâp hôm mom, Kŏ tât ta nar aơ gâp ăt mbơh lĕ nau kan khlay May.

Êsai 11:9

Khân păng mâu mra ƀư mhĭk, mâu lĕ chôk bu khĭt Tâm lĕ yôk kloh ueh Gâp, Yorlah nau gĭt rbăng Brah Yêhôva mra bêng ler lam neh ntu Nâm bu lĕ n'hong dak nkŭm bêng dak mƀŭt.

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Êsai 26:3

Mbu nơm ăn nau mĭn păng rnơm nsing ma Kôranh Brah Păng mra mât mray păng tâm nau đăp mpăn nŭm rĭng, Yorlah păng rnơm nsing ma May.

Êsai 28:9

“Pôri, ma mbu nơm may mra nti nau gĭt mĭn, Jêh ri ma mbu nơm may mra rblang gay ma gĭt vât nau may nti? Di lĕ nti ma phung kon se chalơi pu toh, Mhe rklaih pu toh ƀơh?

Êsai 29:24

Phung geh nau mĭn vĭ nhhơt mra geh nau gĭt rbăng, Jêh ri phung vay ngơi ƀrôk mra dơn nau ntĭm nti.”

Êsai 48:18

Ueh lơn may hŏ rkêng tôr iăt lĕ nau vay ntăm bơh Gâp, Pônây nau đăp mpăn may mra jêng jêh tâm ban ma n'hong dak krong, Jêh ri nau sŏng srăng may tâm ban ma rbuh dak mƀŭt;

Êsai 50:4

Kôranh Brah Yêhôva ăn jêh ma Gâp Mpiăt phung nti jêh, Gay ma Gâp blau ngơi N'hao nuih phung rgănh. Ăp ôi Păng rlay Gâp, Păng pơk tôr Gâp Gay ma Gâp gŭ iăt tâm ban ma nơm nti.

Êsai 54:12

Gâp mra sŏk lŭ rubi ƀư mpêr geh ngih tŭm gak may Sŏk lŭ khlay chrêk ƀư lĕ mpông pêr may; Lĕ mpêr ƀon may ma lŭ khlay êmêrôt.

Êsai 55:12

Yorlah khân may mra hăn ma nau răm maak, Bu mra njŭn khân may ma nau đăp mpăn. Yôk jêh ri dor mra mprơ tanăp khân may, Lĕ rngôch tơm si tâm bri mra tap ti.

Êsai 66:12

Yorlah Brah Yêhôva lah: “Aơ, Gâp mra ăn nau đăp mpăn hor hoch tât ta păng tâm ban ma du n'hong dak krong, Jêh ri nau chrêk rmah lĕ bri dak bêng ler tâm ban ma n'hor dak; Khân may mra pu, bu mra chông khân may ta pŭng vĕ, Jêh ri rbot ta kômâk.

Yêrêmi 31:34

Khân păng mâu mra sâm nti ôh ma nơm chiau meng mâu lah oh nâu păng pô aơ: ‘Gĭt năl hom Brah Yêhôva,’ yorlah lĕ rngôch khân păng gĭt năl Gâp da dê, ntơm bơh nơm jê̆ lơn tât ma nơm toyh lơn,” Brah Yêhôva lah: “Yorlah Gâp mra yô̆ an nau djơh mhĭk khân păng jêh ri mâu hôm kah gĭt ma nau tih khân păng đŏng.”

Yêrêmi 33:6

Ƀiălah, Gâp mra ăn tay n'hâm suan jêh ri nau ƀư bah ma ƀon nây. Gâp mra ƀư bah ăn ma phung ƀon lan khân păng, mra tâm mpơl ma khân păng saơ nau chăt jêng rmeh ler jêh ri đăp rmên jŏ jong.

Êsêkiêl 34:25

Rnôk nây, Gâp mra njêng du nau tâm rnglăp đăp mpăn đah phung biăp Gâp. Gâp mra mprơh lơi đơ mpô mpa bri janh tâm n'gor gay ăn phung ƀon lan Gâp dơi gŭ mpăn tâm bri rdah jêh ri gŭ bê̆ch tâm krŏng.

Êsêkiêl 34:28

Khân păng mâu mra ƀư jêng ndơ sa ma phung bu năch đŏng ôh, jêh ri phung mpô mpa bri mâu mra kăp hêk ôh khân păng. Khân păng mra gŭ mpăn, mâu geh ôh nuyh ƀư ăn nau klach krit.

Êsêkiêl 37:26

Gâp mra njêng đah khân păng du nau tâm rnglăp đăp mpăn, nây jêng du nau tâm rnglăp n'ho ro ta nklang khân păng đah Gâp. Gâp mra njêng jêh ri ƀư ăn rnoh bunuyh khân păng bĭk rơ̆. Gâp mra ndâk ngih brah kloh ueh Gâp ta nklang khân păng ƀaƀơ n'ho ro.

Ndrom Samƀŭt bơh Ôsê 2:18

Tâm nar nây, Gâp mra ƀư nau tâm rnglăp ta nklang khân may Đah lĕ mpô mpa bri, sĭm klơ trôk, Đah lĕ mpa vơr ta neh. Gâp mra nkê̆ch pă lơi na, tak đao Jêh ri ƀư nau tâm lơh du luh bơh n'gor aơ, Gay khân may dơi gŭ mpăn.

Mika 4:2

Geh âk bri dak mra văch tât ta nây jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb! Păng mra sâm nti ma he trong Păng Gay he mra dơi hăn tâm ăp trong Păng.” Yorlah nau vay mra luh bơh Siôn, Nau Brah Yêhôva ngơi luh bơh Yêrusalem.

Sakari 10:7

Phung Êphraim mra jêng nâm bu phung geh nau janh, Nuih n'hâm khân păng hâk răm nâm bu nôk nhŭl ndrănh; Phung kon khân păng mra saơ nau nây jêh ri răm maak, Nuih n'hâm khân păng mra maak tâm Brah Yêhôva.

Mathay 16:17

Brah Yêsu lah ma păng: “Hơi Y-Simôn kon Y-Yôna, ueh maak ngăn ma may! Yor ri mâu di nglay săk jêh ri mham mpơl nau nây ma may ôh, ƀiălah jêng Mbơ̆ Gâp gŭ ta klơ trôk yơh.

Luka 24:45

Nôk nây, Păng pơk nau mĭn ma phung oh mon gay gĭt vât Nau Brah Ndu Ngơi.

Yôhan 16:33

Gâp lah lĕ nau aơ ma khân may, gay ma khân may geh nau đăp mpăn tâm Gâp. Khân may mra geh nau rêh ni tâm neh ntu, ƀiălah khân may nâp hom nuih n'hâm, Gâp hŏ dơi jêh đah neh ntu.”

Yôhan 6:45

Lĕ ndrom samƀŭt mbơh lor geh nchih: ‘Lĕ phung nây Brah Ndu hŏ ntĭm nti da dê.’ Mbu nơm hŏ iăt jêh ri nti ta Mbơ̆ mra văch ma Gâp.

Kôranh Oh Mon 2:39

Yorlah nau ton nây prăp ma khân may, ma phung kon sau khân may, jêh ri ma lĕ rngôch bunuyh gŭ ngai, jêng lĕ rngôch bunuyh Kôranh Brah jêng Brah Ndu he mra kuăl.”

Samƀŭt Pôl Njuăl Ăn Ma Phung Nsing Ta Ƀon Rôm 14:17

Yorlah ƀon bri hađăch Brah Ndu mâu di jêng nau sông sa nhêt ôh, ƀiălah jêng nau sŏng srăng, nau đăp mpăn, nau răm maak tâm Brah Huêng Ueh.

Samƀŭt Pôl Njuăl Ăn Ma Phung Nsing Ta Ƀon Rôm 15:13

Mbơh sơm dăn ma Brah Ndu jêng tu kâp gân ƀư ma khân may bêng ler nau răm maak jêh ri nau đăp mpăn tâm nau chroh, gay ma nau brah Brah Huêng Ueh, khân may geh nau rmeh ler tâm nau kâp gân.

Samƀŭt Pôl Njuăl Ăn Ma Phung Nsing Ta Ƀon Rôm 5:1

Pôri, nôk dơi kơp sŏng srăng ma nau chroh, he geh nau đăp mpăn đah Brah Ndu tâm Kôranh Brah he jêng Brah Yêsu Krist.

I Kôrintô 2:10

Ƀiălah Brah Ndu tâm mpơl jêh lĕ nau nây ma he bơh Brah Huêng Ueh. Yorlah Brah Huêng Ueh gĭt rah vah lĕ ntil ndơ, nđâp ma lĕ nau khlay ndâp Brah Ndu.

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Êphêsô 4:21

Yorlah khân may tăng jêh ma nau Păng jêh ri khân may nti jêh tâm Păng di nâm nau ngăn tâm Brah Yêsu.

Philip 4:7

Nau đăp mpăn Brah Ndu, rlau lơn ma lĕ rngôch nau blau mĭn, mra mât mray nuih n'hâm jêh ri nau mĭn khân may tâm Brah Yêsu Krist.

I Têsalônik 4:9

Ma nau rŏng ndrăng oh nâu khân may, pô ri mâu ăn ôh bu nchih ma khân may, yorlah khân may nơm lĕ nti jêh bơh Brah Ndu ăn tâm rŏng ndrăng khân may;

ហេឞ្រើ 8:10

Kôranh Brah lah: “Aơ jêng nau tâm rnglăp Gâp mra ƀư ma ngih Israel: Pakơi lĕ nar nây, Gâp mra dơm nau vay Gâp tâm nau mĭn khân păng, Jêh ri nchih prăp tâm nuih n'hâm khân păng. Gâp mra jêng Brah Ndu khân păng, Jêh ri khân păng mra jêng phung ƀon lan Gâp.

ហេឞ្រើ 8:11

Khân păng mâu mra sâm nti ôh ma bunuyh chiau meng Jêh ri phung oh nâu khân păng nơm pô aơ: ‘Gĭt năl hom Kôranh Brah.’ Yorlah lĕ rngôch mra gĭt năl Gâp da dê, Ntơm bơh nơm jê̆ lơn tât ma nơm toyh lơn.

I Yôhan 2:20

Ƀiălah khân may sŏk dơn jêh nau tŏ dak ƀâu kah tă bơh Nơm Kloh Ueh, jêh ri lĕ rngôch khân may geh jêh nau gĭt rbăng.

I Yôhan 2:27

Mpeh khân may, nau tŏ dak ƀâu kah khân may sŏk dơn jêh bơh Păng gŭ tâm khân may, jêh ri khân may mâu hôm ŭch ôh bu nti ma khân may. Yorlah nau Păng tŏ dak ƀâu kah nti ma khân may lĕ rngôch nau, jêh ri nau tŏ dak ƀâu kah nây jêng nau nanê̆ ngăn, mâu di mƀruh ndơm ôh; ăn gŭ hom tâm Păng, nâm bu nau tŏ dak ƀâu kah nây nti jêh ma khân may.