Êsai 54:1 - Nau Brah Ndu Ngơi 2023

¹ “Ơ bu ur ndrô gâng, nơm mâu mâp deh, mprơ hom; Ơ nơm mâu mâp ji yorlah deh kon, Mprơ hom nau mprơ răm rhơn. Yorlah phung kon bu ur bu chalơi Mra jêng âk lơn ma phung kon bu ur geh sai.” Brah Yêhôva lah kơt nĕ.

Êsai 54:1 ပူးပေါင်းရင်းမြစ်များ

Nau Ntơm 21:6

H'Sara lah: “Brah Ndu ăn nau gơm ma gâp, mbu moh tăng mra răm rhơn ma gâp.”

Nau Mprơ Ơm 113:9

Păng ăn bu ur mâu bă kon Jêng dơi ƀư mê̆ maak ta nklang phung kon tâm ngih păng! Halêluya!

Nau Mprơ Ueh 8:8

Hên geh du huê oh bu ur jê̆, Ê hŏ geh toh. Mâm hên mra ƀư ăn ma oh bu ur Tâm nar bu dăn gŭ ma păng?

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Êsai 24:14

Phung bunuyh hôm gŭ rêh klen aơ mra mprơ nau răm rhơn; Bơh mpeh nhâp nar, khân păng nter huy nau răm maak Tâm rnê nau chrêk rmah Brah Yêhôva.

Êsai 44:23

Ơ lĕ ndâr trôk, mprơ rhơn hom, Yorlah Brah Yêhôva hŏ ƀư jêh nau nây! Ơ lĕ ntŭk tâm dâng neh ntu, troh nter hom! Ơ phung yôk, ơ krŏng jêh ri lĕ rngôch tơm si ta nây, Mprơ huy hom! Yorlah Brah Yêhôva tâm chuai jêh phung Yakôb, Jêh ri tâm mpơl nau chrêk rmah Păng tâm phung Israel.

Êsai 49:13

Ơ lĕ ndâr trôk, troh nter hom! Ơ neh ntu, răm maak hom! Ơ yôk, nter troh mprơ hom! Yorlah Brah Yêhôva hŏ bonh leng jêh phung ƀon lan Păng, Jêh ri yô̆ nđach ma phung rêh ni.”

Êsai 49:19

Nanê̆, lĕ ntŭk rlâm jêng rngol, Jêh ri neh may bu ƀư rai jêh, Aƀaơ jêng rhăt ir ma phung ƀon lan may gŭ. Phung sa rvăn may mra du ngai ma may.

Êsai 49:20

Phung kon may deh tâm rnôk roh bunuyh rnăk sa Mra lah ma tôr may: ‘Ntŭk aơ rhăt ir ma hên, Ăn hom ntŭk toyh lơn ma hên dơi gŭ.’

Êsai 62:4

Bu mâu hôm mra rnha ôh may jêng “nơm bu chalơi,” Mâu hôm rnha ôh bri may jêng “bri rngol” đŏng; Ƀiălah bu mra rnha may jêng “nơm Gâp Maak”, Jêh ri bu mra rnha neh may jêng “nơm geh sai”; Yorlah Brah Yêhôva maak đah may, Jêh ri neh may mra geh sai.

Êsai 66:7

Lor ma ntơm ji deh, Bu ur me hŏ deh kon; Êlor ma nau ji deh tât, Păng deh jêh ma du huê kon bu klâu.

Sôphôni 3:14

Hơi kon bu ur Siôn, mprơ huy hom! Hơi Israel, nter bâr ngơi huy! Hơi kon bu ur ƀon Yêrusalem, Răm rhơn hom ma lĕ nuih n'hâm!

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Galati 4:27

Yorlah geh nau nchih: “Hơi bu ur ndrô gâng, mâu deh kon, maak hom! Hơi bu ur mâu mâp ji yorlah deh kon, troh nau hâk răm hom! Yorlah phung kon tă bơh bu ur bu chalơi jêng âk lơn ma kon tă bơh bu ur geh sai.”

I Samuel 2:5

Phung lĕ hơm jêh pah kan bu nkhôm gay geh piăng let, Ƀiălah phung ji ngot mâu hôm ji ngot đŏng ôh. Bu ur ndrô gâng, păng deh pơh tơ̆, Bi nơm âk kon, jêng djoh rgay.