Êsai 53:8 - Nau Brah Ndu Ngơi 2023

⁸ Bu hŏ tŭn jot Păng, phat dôih jêh ri nkhĭt lơi Păng. Tâm phung rêh rơh Păng, mâu geh du huê mĭn rvê Bu hŏ dong rmal Păng jêh ri sŏk lơi bơh neh phung rêh Yor ma nau tih phung ƀon lan Gâp?

Êsai 53:8 ပူးပေါင်းရင်းမြစ်များ

Nau Mprơ Ơm 69:12

Phung gŭ ta mpông ƀon ngơi hôr juar yor ma gâp, Jêh ri gâp jêng nau mprơ mưch rmot ma phung nhŭl ndrănh.

Nau Mprơ Ơm 88:5

Bu chuêl ta nklang phung khĭt Tâm ban ma phung bu nkhĭt njor tâm môch, Ƀiălah May mâu hôm kah gĭt đŏng ôh, Jêng phung mƀăr lơi jêh bơh ti May.

Êsai 53:12

Yor nây, Gâp mra tâm pă ma Păng du kô̆ ndrel ma phung toyh. Păng mra pă ndơ pit sŏk ndrel ma phung ktang; Yorlah Păng nkhŭt jêh nau rêh Păng kŏ tât khĭt, Bu kơp păng ndrel ma phung tih, Păng hŏ tuy jêh nau tih âk bunuyh, Jêh ri mbơh sơm kơl an ma phung tih.

Êsai 53:5

Ƀiălah bu ƀư sôt jêh Păng yor nau tih he, Ƀư sôt rmanh jêh Păng yor nau djơh mhĭk he. Yor nau tâm rmal tŭp ta Păng, ăn he đăp mpăn, Yor Păng anh nau bu rpăt, ăn he bah ji.

Yêrêmi 11:19

Bi gâp, nâm bu du mlâm kon biăp rdơ̆ rbăn Bu têk leo tât ntŭk bu sreh nkhĭt. Gâp mâu gĭt khân păng ŭch nchră tâm rdâng ma gâp. Khân păng lah: “Ƀư rai hom nđâp ma tơm jêh ri play, Mƀăr lơi păng bơh neh phung gŭ rêh, Gay mâu hôm nơm nkah tât amoh păng đŏng ôh.”

Nau Nhĭm Vơl 3:54

Dak băm klơ bôk gâp, Gâp mĭn: “Gâp khĭt roh jêh!”

Daniel 9:26

Jêh tăch prao jât ma bar năng pơh nây, bu mra nkhĭt lơi Nơm Dơn Tŏ Dak Ƀâu Kah jêh ri mâu mra geh ndơ ôh. Phung tahan du huê kôranh tât pakơi mra ƀư rai lơi ƀon jêh ri ngih brah. Nau dăch dŭt mra tât nâm bu dak lip. Kêng dŭt mra geh tât nau tâm lơh, nau rngol hŏ nal jêh.

Mathay 1:1

Amoh phung chô yau Brah Yêsu Krist, kon sau Y-Đavit, kon sau Y-Abraham.

Yôhan 19:7

Phung Yuđa plơ̆ lah: “Hên geh nau vay, tĭng nâm nau vay nây păng mra khĭt, yorlah păng mbơh êng păng nơm jêng Kon Brah Ndu.”

Kôranh Oh Mon 8:33

Tâm nôk Păng geh nau đit prêng, bu pit sŏk nau di tă bơh Păng. Mbu mra mbơh ma noi deh Păng? Yorlah nau rêh Păng bu sŏk lơi tă bơh neh ntu.”

Samƀŭt Pôl Njuăl Ăn Ma Phung Nsing Ta Ƀon Rôm 1:4

tâm nau brah huêng kloh ueh, yorlah Păng dâk rêh tay jêh tă bơh nau khĭt, dơi mbơh nkoch jêng Kon Brah Ndu nau brah, jêng Brah Yêsu Krist Kôranh Brah he.

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;