Êsai 53:7 - Nau Brah Ndu Ngơi 2023

⁷ Bu tŭn jot Păng jêh ri ƀư rêh ni, Ƀiălah Păng mâu mâp hă ôh mbung Păng. Tâm ban ma du mlâm kon biăp bu têk ta ntŭk ƀư puăch, Tâm ban ma du mlâm kon biăp mlo tanăp nơm nkăp rsau, Păng mâu hă mbung ôh.

Êsai 53:7 ပူးပေါင်းရင်းမြစ်များ

Nau Mprơ Ơm 38:14

Ngăn yơh, gâp jêng tâm ban ma du huê bunuyh mâu tăng, Mbung mâu gĭt nau tâm rlăch du ntil nau.

Nau Mprơ Ơm 38:15

Yorlah ơ Brah Yêhôva! Ăn nuih n'hâm gâp kâp gân tâm May, Ơ Kôranh Brah jêng Brah Ndu gâp, May mra plơ̆ lah nau gâp.

Nau Mprơ Ơm 44:22

N'hêl nanê̆, yor May yơh bu nkhĭt hên ăp nar, Bu uănh hên tâm ban ma biăp djôt hăn ƀư puăch.

Êsai 50:6

Gâp jao jêh ndŭr kơi Gâp ăn bu dong, Jêh ri jao trô bom Gâp ma phung păk têp kang Gâp; Gâp mâu mâp pôn măt Ma nau bu ƀư bêk mâu lah bu soh dak diu ta măt.

Êsai 53:6

Lĕ rngôch he tâm ban ma biăp hăn nhhơt, Ăp nơm he teng tĭng trong păng nơm; Brah Yêhôva hŏ ƀư lĕ rngôch nau tih he N'gân klơ Păng da dê.

Yêrêmi 11:19

Bi gâp, nâm bu du mlâm kon biăp rdơ̆ rbăn Bu têk leo tât ntŭk bu sreh nkhĭt. Gâp mâu gĭt khân păng ŭch nchră tâm rdâng ma gâp. Khân păng lah: “Ƀư rai hom nđâp ma tơm jêh ri play, Mƀăr lơi păng bơh neh phung gŭ rêh, Gay mâu hôm nơm nkah tât amoh păng đŏng ôh.”

Nau Kơp Bunuyh 7:27

du mlâm ndrôk nkuăng rah, du mlâm biăp nkuăng, du mlâm biăp kon nkuăng du năm dŏng ma ndơ ƀư brah gŭch;

Mathay 26:63

Ƀiălah Brah Yêsu ăt gŭ rklăk. Kôranh ƀư brah toyh lơn lah ma păng: “Gâp đă may tâm amoh Brah Ndu gŭ rêh mro mrăng ma nau sơm ton jêh ri lah ma hên gĭt, di lĕ may jêng Brah Krist, Kon Brah Ndu?”

Markôs 14:61

Ƀiălah Păng gŭ rklăk, mâu plơ̆ lah du nau ôh. Kôranh ƀư brah toyh lơn ôp tay: “May jêng Brah Krist lĕ, Kon Brah Ndu Nơm Khư Bu Tâm Rnê?”

Markôs 15:5

Ƀiălah Brah Yêsu mâu hôm plơ̆ lah đŏng ôh, kŏ tât Pilat hih rhâl.

Luka 23:9

Yor nây, hađăch ôp Brah Yêsu âk ntil ngăn, ƀiălah Brah Yêsu mâu plơ̆ lah ôh.

Yôhan 1:29

Nar ôi taơ, Y-Yôhan saơ Brah Yêsu văch ta păng, păng lah pô aơ: “Ri Kon Biăp Brah Ndu, jêng Nơm sŏk lơi nau tih neh ntu!

Yôhan 19:9

Păng plơ̆ lăp đŏng tâm ngih kôranh jêh ri lah ma Brah Yêsu pô aơ: “Mbah tă luh may?” Ƀiălah Brah Yêsu mâu hôm plơ̆ lah ôh.

I Pêtrôs 2:23

Nôk bu rak rtăp, Păng mâu rak rtăp ma bu ôh; tâm nôk dơn nau rêh ni, Păng mâu mâp thăm rmat ôh; ƀiălah jao Păng nơm ma Nơm phat dôih sŏng.

Nau Tâm Mpơl 5:6

Gâp saơ du mlâm Kon Biăp tâm ban ma bu nkhĭt jêh, dôl dâk ta nklang sưng hađăch, gŭ jŭm geh puăn mlâm mpa rêh jêh ri phung kôranh bu ranh. Kon Biăp geh pơh mlâm nke jêh ri pơh mlâm măt, jêng pơh huêng Brah Ndu njuăl hăn jêh lam neh ntu.