Êsai 53:6 - Nau Brah Ndu Ngơi 2023

⁶ Lĕ rngôch he tâm ban ma biăp hăn nhhơt, Ăp nơm he teng tĭng trong păng nơm; Brah Yêhôva hŏ ƀư lĕ rngôch nau tih he N'gân klơ Păng da dê.

Êsai 53:6 ပူးပေါင်းရင်းမြစ်များ

Nau Ntơm 22:6

Y-Abraham sŏk long dŏng gŭch ndơ ƀư brah gŭch, dăp ta klơ nglik Y-Isăk, kon păng, bi păng nơm djôt ŭnh jêh ri pêh ta ti, jêh nây bar hê mbơ̆ kon hăn ndrel.

Nau Mprơ Ơm 119:176

Gâp vĭ trong nâm bu biăp hăn nhhơt trong; dăn May joi hom oh mon May, Yorlah gâp mâu chuêl ôh nau vay May ntăm.

Nau Mprơ Ơm 69:4

Phung ji nuih ma gâp mâu geh nau Âk lơn ma sŏk ta klơ bôk gâp; Phung rlăng janh ktang mâu geh nau ŭch ƀư ƀai ma gâp; Bu đă gâp ntrok ndơ gâp mâu mâp ntŭng.

Êsai 40:2

Ngơi hom ma nau rdơ̆ ma Yêrusalem, Jêh ri mbơh pô aơ nau păng tâm lơh lĕ dŭt jêh, Nau tih păng yô̆ ăn jêh; Păng hŏ dơn bar tơ̆ bơh ti Brah Yêhôva, Ma lĕ rngôch nau tih păng.”

Êsai 53:10

Brah Yêhôva maak nuih n'hâm ăn Păng ji, Jêh ri dơn nau rêh ni. Tơlah jêh nhhơr nau rêh Păng jêng ndơ ƀư brah chuai nau tih, Păng mra saơ phung kon sau Păng; Lĕ nar Păng gŭ rêh mra ntop jong, Jêh ri nau Brah Yêhôva ŭch dơi jêng ngăn tâm ti Păng.

Êsai 53:11

Tă bơh nau rêh ni huêng Păng, Păng mra saơ play kao jêh ri maak. Oh mon sŏng srăng Gâp mra sŏk nau gĭt rbăng păng nơm Ƀư ăn âk bunuyh dơi kơp sŏng srăng, Yorlah Păng tuy nau tih khân păng.

Êsai 53:12

Yor nây, Gâp mra tâm pă ma Păng du kô̆ ndrel ma phung toyh. Păng mra pă ndơ pit sŏk ndrel ma phung ktang; Yorlah Păng nkhŭt jêh nau rêh Păng kŏ tât khĭt, Bu kơp păng ndrel ma phung tih, Păng hŏ tuy jêh nau tih âk bunuyh, Jêh ri mbơh sơm kơl an ma phung tih.

Êsai 53:5

Ƀiălah bu ƀư sôt jêh Păng yor nau tih he, Ƀư sôt rmanh jêh Păng yor nau djơh mhĭk he. Yor nau tâm rmal tŭp ta Păng, ăn he đăp mpăn, Yor Păng anh nau bu rpăt, ăn he bah ji.

Êsai 53:7

Bu tŭn jot Păng jêh ri ƀư rêh ni, Ƀiălah Păng mâu mâp hă ôh mbung Păng. Tâm ban ma du mlâm kon biăp bu têk ta ntŭk ƀư puăch, Tâm ban ma du mlâm kon biăp mlo tanăp nơm nkăp rsau, Păng mâu hă mbung ôh.

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Êsai 55:8

Brah Yêhôva lah: “Nau Gâp mĭn mâu di jêng nau khân may mĭn ôh, Trong khân may mâu di jêng trong Gâp ôh.

Êsai 56:11

Khân păng jêng so ŭch sa, Mâu blau hơm ôh. Khân păng jêng phung rmăk biăp mâu gĭt rbăng; Lĕ rngôch khân păng plơ̆ tĭng trong khân păng nơm, Ăp nơm rvê joi drăp ndơ ma păng nơm da dê.

Êsai 6:7

Păng rbot trôm mbung gâp ma sa ônh rnga ŭnh sa jêh ri lah: “Aơ, ndơ nây hŏ rbot jêh ta trôm mbung may, bu jut lơi jêh nau kue may, nau tih may bu yô̆ an jêh.”

Êsai 66:3

Mbu nơm nkhĭt du mlâm ndrôk jêng tâm ban ma nơm nkhĭt du huê bunuyh; Nơm nhhơr kon biăp ƀư mpa ƀư brah tâm ban ma nơm nkê̆ch juet lơi trô ko so; Nơm nhhơr ndơ ƀư brah rnih môi jêng tâm ban ma nơm nhhơr mham sŭr; Nơm su ndơ ƀâu kah jêng tâm ban ma nơm yơk mbah ma rup brah. Yorlah khân păng săch tĭng trong khân păng nơm, Jêh ri nuih n'hâm khân păng knŏng maak ƀư lĕ nau ƀơ̆ ƀơch.

Yêrêmi 50:6

Phung ƀon lan Gâp lĕ jêng phung biăp nhhơt trong jêh; phung rmăk biăp ƀư ma khân păng hăn nhhơt trong gay ma khân păng gŭ êng ta klơ lĕ yôk, nsong blêng lĕ yôk tât dor, chuêl ndrung n'gar khân păng nơm.

Êsêkiêl 3:18

Lah Gâp lah ma bunuyh mhĭk: ‘Nanê̆ ngăn may mra khĭt!’ Tơlah may mâu mbơh ôh ma păng, mâu ngơi đah păng, jêh ri mâu buay ôh păng chalơi trong djơh mhĭk gay ma tâm rklaih nau rêh may, pôri nơm djơh mhĭk nây mra khĭt tâm nau tih păng, ƀiălah Gâp mra ăn krêp mham păng ta ti may.

Daniel 9:5

Hên hŏ geh nau tih jêh, ƀư nau tih, gŭ ngao djơh mhĭk, hên tâm rdâng, chalơi đah lĕ nau vay ntăm jêh ri nau vay ƀư bơh May.

Samƀŭt Pôl Njuăl Ăn Ma Phung Nsing Ta Ƀon Rôm 4:25

Bu jao Păng ma nau mhĭk yor nau tih he, jêh ri Păng hŏ ăn dâk rêh tay jêh gay ma he dơi kơp sŏng srăng.

Yakơ 5:20

ăn khân may gĭt, mbu nơm leo du huê bunuyh tih plơ̆ tay bơh trong vĭ nhhơt, jêng rklaih huêng bunuyh nĕ tă bơh nau khĭt jêh ri âk nau tih păng bu mra yô̆ an.

I Pêtrôs 2:25

Yorlah khân may nâm bu biăp hăn nhhơt, ƀiălah aƀaơ khân may plơ̆ sĭt jêh ma Nơm Rmăk Biăp jêh ri ma Kôranh chiă Uănh huêng khân may nơm.

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;

Phung Kôranh Phat Dôih 21:25

Nôk nây, phung Israel mâu geh hađăch ôh. Ăp nơm ƀư tĭng nâm păng mĭn di.