Êsai 53:2 - Nau Brah Ndu Ngơi 2023

² Păng văch ma toyh jêh tanăp Brah Yêhôva tâm ban ma du nkŭr chăt, Tâm ban ma reh luh bơh neh sơh. Păng mâu geh nau ueh ôh mâu lĕ geh nau rnam gay ma he ŭch uănh; Săk jăn Păng mâu geh ueh gay ăn he ŭch rŏng ôh.

Êsai 53:2 ပူးပေါင်းရင်းမြစ်များ

Êsai 11:1

Du mlâm nkeh mra hon bơh tơm Y-Yêsê, Du mlâm n'gĭng tă bơh reh păng mra geh play.

Êsai 4:2

Tâm nar nây, nkeh Brah Yêhôva mra jêng ueh jêh ri chrêk rmah; play do tâm bri neh jêng nau hâk răm jêh ri n'hao nuih ma phung Israel hôm klen.

Êsai 52:14

Ƀiălah âk bunuyh mra hih rhâl ma May; Muh măt May rgay rdjoh rlau lơn ma ăp bunuyh êng, Săk jăn May mâu geh tâm ban ma kon bunuyh.

Êsai 9:6

Nau dơi Păng chiă uănh ăt hao n'ho ro, Jêh ri nau đăp mpăn mâu mra lôch ôh Ta sưng hađăch Y-Đavit jêh ri ma ƀon bri hađăch Păng, Ƀư ăn nâp jêh ri ăn jŏ jong bri nây Tâm nau di jêh ri nau sŏng srăng, Bơh nar nây tât ƀaƀơ n'ho ro. Nau gơih nđơr tâm Brah Yêhôva ma phung tahan Mra ƀư nau nây!

Yêrêmi 23:5

Brah Yêhôva lah: “Aơ, lĕ nar mra tât, Gâp mra ăn n'hao ma Y-Đavit du N'gĭng Sŏng Srăng; Păng mra chiă uănh nâm bu du huê hađăch, gŭ ngao ma nau blau mĭn, Mra ƀư ma nau sŏng nau di tâm bri dak.

Sakari 3:8

Hơi Y-Yôsuê, kôranh ƀư brah toyh lơn, may jêh ri nđâp phung mĭt jiăng gŭ panăp măt may, iăt hom! Yorlah lĕ phung aơ jêng nau ntĭt ma nau mra tât pô aơ Gâp mra ăn ma phung oh mon Gâp jêng Nkeh Nse văch mpơl.

Sakari 6:12

Ăn may lah ma păng pô aơ Brah Yêhôva ma phung tahan lah: ‘Aơ geh du huê bunuyh amoh păng jêng Nkeh Nse mra chăt nse bơh ntŭk păng. Nơm nây mra ndâk ngih Brah Yêhôva.

Markôs 6:3

Mâu di bơh nơm aơ jêng bunuyh trah si, kon bu klâu H'Mari, nâu Y-Yakơ, Y-Yôsê, Y-Yuđas, jêh ri Y-Simôn ƀơh? Mâu di bơh phung oh bu ur păng gŭ ta aơ ndrel he ƀơh?” Jêh ri khân păng chêh prah yor Păng.

Markôs 9:12

Păng plơ̆ lah: “Nanê̆ Y-Êli mra văch lor gay njêng tay lĕ rngôch nau. Mâm nau bu nchih ma Kon Bunuyh pô aơ Păng mra dơn âk nau rêh ni jêh ri bu ƀư nau mhĭk?

Luka 2:7

Păng deh kon bu klâu bôk rah, sŏk bok nkŭm kon păng nơm jêh ri n'gân lâng tâm hip gơ̆, yor ntŭk njưh mâu hôm tŏng ntŭk ma khân păng.

Luka 9:58

Brah Yêsu plơ̆ lah: “Phung mpik geh trôm, phung sĭm klơ trôk geh rsuăn, ƀiălah Kon Bunuyh mâu geh ntŭk dâm bôk.”

Yôhan 18:40

Khân păng nter ma bâr huy: “Lơi mƀơk ma păng, mƀơk hom ma Y-Barabas!” Y-Barabas jêng du huê bunuyh ntŭng.

Yôhan 19:5

Pôri, Brah Yêsu luh padih, bôk ndô đon hađăch ma lok, păng nơm nsoh ao chăng. Pilat lah ma khân păng: “Uănh hom bunuyh aơ.”

Samƀŭt Pôl Njuăl Ăn Ma Phung Nsing Ta Ƀon Rôm 8:3

Yorlah moh nau vay mâu dơi ƀư, yor nglay săk ƀư păng rdja, Brah Ndu ƀư jêh: Păng njuăl Kon Păng nơm geh nglay săk tâm ban ma nglay săk tih gay ma dăp nkra nau tih; Păng tâm rmal jêh nau tih tâm nglay săk,

I Pêtrôs 2:14

mâu lah phung kôranh n'gor jêng phung bunuyh hađăch njuăl tât gay ma tâm rmal phung ƀư nau mhĭk jêh ri tâm rnê ma phung ƀư nau ueh.