Êsai 52:6 - Nau Brah Ndu Ngơi 2023

⁶ Pôri, phung ƀon lan Gâp mra gĭt năl amoh Gâp. Nanê̆, tâm nar nây, khân păng mra gĭt Gâp jêng Nơm ngơi pô aơ: ‘Gâp yơh nĕ!’ ”

Êsai 52:6 ပူးပေါင်းရင်းမြစ်များ

Nau Mprơ Ơm 48:10

Ơ Kôranh Brah Ndu, mâm ƀư amoh May Jêh ri nau mprơ tâm rnê ma May ăn tât lĕ ntŭk dŭt rplay neh tâm ban pônây lĕ; Ti ma May bêng ma nau sŏng srăng.

Nau Ngluh Êjipt 3:13

Y-Môis ngơi đah Brah Ndu: “Tơlah gâp tât ta phung Israel jêh ri ngơi đah khân păng: ‘Brah Ndu phung chô yau khân may hŏ đă gâp văch ta khân may;’ jêh ri khân păng ôp may: ‘Mâm amoh săk Păng?’ jêh ri mâm nau gâp mra ngơi đah khân păng?”

Nau Ngluh Êjipt 33:19

Brah Yêhôva lah: “Gâp mra ƀư nau dŭt ueh Gâp tanăp may; Gâp mra mbơh amoh Yêhôva tanăp măt may; Gâp mra ƀư nau ueh ma mbu nơm Gâp ŭch ƀư nau ueh jêh ri yô̆ nđach ma mbu nơm Gâp ŭch yô̆ nđach.”

Nau Ngluh Êjipt 6:3

Gâp hŏ tâm mpơl jêh ma Y-Abraham, Y-Isăk, jêh ri ma Y-Yakôb nhhơ Gâp nơm jêng Brah Ndu Geh Lĕ Nau Brah; ƀiălah Gâp ê hŏ mpơl ôh ma khân păng gĭt tâm amoh Gâp jêng Brah Yêhôva.

Êsai 40:9

Mbu nơm mbơh nau mhe mhan ueh ma ƀon Siôn, Hao hom ta klơ yôk prêh! Mbu nơm mbơh nau mhe mhan ueh ma Yêrusalem Nter troh hom ma nau ktang! Nter troh hom may, lơi klach ôh! Lah hom ma lĕ rngôch ƀon bri Yuđa pô aơ: “Aơ jêng Brah Ndu khân may!”

Êsai 42:9

Aơ, lĕ nau ta lor tât ngăn jêh, Aƀaơ aơ Gâp lŏ mbơh tay lĕ nau mhe ma khân may; Gâp ăn khân may gĭt Êlor nau nây tât.”

Êsai 49:23

Phung hađăch mra jêng mbơ̆ rong siăm may, Phung hađăch bu ur mra jêng me sâm pu may. Khân păng mra kŭnh măt nđĭl ta neh tanăp may, Ler ndruyh neh ta jâng may. Jêh nây may mra gĭt Gâp jêng Brah Yêhôva; Jêh ri phung kâp gân Gâp mâu mra bêk ôh.

Êsai 60:16

May mra nhêt dak toh lĕ rngôch bri dak, Pu toh phung hađăch. May mra gĭt Gâp yơh, Brah Yêhôva, jêng Nơm Tâm Rklaih may, Jêh ri Nơm Tâm Chuai may jêng Nơm Geh Lĕ Nau Brah phung Yakôb.

Yêrêmi 31:34

Khân păng mâu mra sâm nti ôh ma nơm chiau meng mâu lah oh nâu păng pô aơ: ‘Gĭt năl hom Brah Yêhôva,’ yorlah lĕ rngôch khân păng gĭt năl Gâp da dê, ntơm bơh nơm jê̆ lơn tât ma nơm toyh lơn,” Brah Yêhôva lah: “Yorlah Gâp mra yô̆ an nau djơh mhĭk khân păng jêh ri mâu hôm kah gĭt ma nau tih khân păng đŏng.”

Êsêkiêl 20:44

Khân may mra gĭt Gâp jêng Brah Yêhôva tơlah Gâp mra yor amoh Gâp nơm gay vơt khân may mâu tĭng ôh trong mhĭk jêh ri kan pah mhĭk khân may ƀư. Hơi ngih Israel, Kôranh Brah Yêhôva lah pônây.’”

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?