Êsai 52:12 - Nau Brah Ndu Ngơi 2023

¹² Ƀiălah khân may mâu mra luh ma nau ndal ôh, Mâu lĕ khân may du der, Yorlah Brah Yêhôva mra hăn lor panăp khân may, Jêh ri Brah Ndu Israel jêng Nơm gak pakơi khân may.

Êsai 52:12 ပူးပေါင်းရင်းမြစ်များ

I Nau Rêh Jêng 14:15

Tơlah may tăng nteh jâng nhuat ta klơ chiông tơm si balsam, pôri hăn tâm lơh hom, yorlah Brah Ndu luh hăn lor jêh ma may gay lơh đah phung tahan Philistin.”

Nau Ngluh Êjipt 12:11

Ăn khân may sa nôk nây tĭng kơt aơ: Rêt rse bŭt, jâng nsoh ntâu jot, ti djôt mâng jra, sông sa ndal. Nây jêng rƀŭn Nau Găn ma Brah Yêhôva.

Nau Ngluh Êjipt 12:33

Phung Êjipt ntrŭt ndal phung ƀon lan Israel gay gơnh hăn luh bơh n'gor khân păng jêh ri lah: “He mra khĭt lĕ rngôch!”

Nau Ngluh Êjipt 12:39

Khân păng gŭch piăng let mâu geh ndrui ƀư ma rnih hŏ djôt leo bơh n'gor Êjipt. Rnih nây mâu geh ndrui yorlah bu nsot khân păng ndal ir bơh n'gor Êjipt, yor ri mâu năn ndrăp lor ndơ sông sa.

Nau Ngluh Êjipt 14:8

Brah Yêhôva ƀư dăng nuih Pharaôn, hađăch Êjipt jêh ri păng hăn tĭng phung ƀon lan Israel, tâm nôk phung ƀon lan Israel hăn du luh ma nau janh.

Êsai 26:7

Trong phung sŏng srăng jêng trong di; Ơ Nơm Sŏng Srăng, dăn May ƀư ăn lâng trong phung sŏng srăng.

Êsai 28:16

Yor nây, Kôranh Brah jêng Brah Yêhôva lah pô aơ: “Aơ, Gâp dơm ta Siôn du mlâm lŭ, Jêng lŭ rlong uănh, lŭ njônh ngih, lŭ khlay, Ƀư mbon nâp ktang Gay ma mbu nơm chroh mâu mra rŭng răng ôh.

Êsai 42:16

Gâp mra njŭn phung chieh măt hăn ta trong khân păng mâu mâp gĭt năl ôh, Têk khân păng tâm lĕ trong jê̆ ê hŏ gĭt ôh. Gâp mra rgâl nau ngo tanăp khân păng jêng nau ang, Lĕ ntŭk neh nduh ndăp jêng neh lâng. Ngăn yơh, Gâp mra ƀư lĕ nau nây, Jêh ri mâu mra chalơi khân păng ôh.

Êsai 45:2

“Gâp yơh mra hăn lor panăp măt may, Ƀư lâng lĕ trong nduh ndăp; Ƀư rai lĕ mpông pêr kông, Nkê̆ch lơi mâng loih nđăng.

Êsai 49:10

Khân păng mâu mra ji ngot ôh, mâu lĕ ji hir, N'hâm duh jêh ri nar mâu hôm ƀư rêh ni ma khân păng ôh, Yorlah Nơm yô̆ nđach ma khân păng mra njŭn khân păng, Njŭn leo khân păng văch dăch lĕ dak n'hor.

Êsai 49:11

Gâp mra ăn lĕ rngôch yôk Gâp plơ̆ jêng trong hăn, Jêh ri lĕ trong toyh Gâp bu mra dơi ƀư n'hao.

Êsai 51:14

Bu mra tâm rklaih gơnh phung jêng bu nă; Khân păng mâu mra khĭt tâm ndrung ngo ôh, Mâu lĕ khân păng pưt ndơ sông sa.

Êsai 57:18

Gâp saơ jêh trong păng, ƀiălah Gâp mra ƀư bah păng, Njŭn leo jêh ri ăn nau bonh leng ma păng, Ndrel ma phung nhĭm nhhiăng păng.

Êsai 58:8

“Rnôk nây, nau ang khân may mra nchrat tâm ban ma ƀhit rvi ang, Nau sôt rmanh khân may mra gơnh ƀư bah. Nau sŏng srăng khân may mra hăn tanăp khân may, Jêh ri nau chrêk rmah Brah Yêhôva mra king n'gang pakơi khân may.

Mika 2:13

Bunuyh pơk trong mra hao panăp khân păng; Khân păng ƀư rai pêr, rduh ran lăp ta mpông ƀon; Hađăch khân păng mra hăn rgăn panăp măt khân păng, Jêh ri Brah Yêhôva mra hăn lor.

Nau Kơp Bunuyh 10:25

Nglĕ dŭt, n'ha kơ rmlak tahan Dan hăn du luh, tĭng ăp ndŭl mpôl, nâm khân păng jêng phung gak pakơi lĕ rngôch rmlak tahan êng. Y-Ahiêser, kon bu klâu Y-Amisadai, kôranh ma phung tahan Dan.

Nau Vay Nkah Tay 16:3

Lơi sa ndơ ƀư brah nây ndrel ma piăng let geh ndrui. Tâm pơh nar khân may mra sa piăng let mâu geh ndrui, jêng piăng let nau rêh ni, yorlah khân may hŏ luh jêh ma nau ndal bơh n'gor Êjipt, gay du njăr rêh khân may kah gĭt ma nar khân may nơm hŏ luh bơh n'gor Êjipt.

Nau Vay Nkah Tay 20:4

yorlah Yêhôva Brah Ndu khân may, jêng Nơm hăn ndrel ma khân may, gay hăn lơh phung rlăng jêh ri rklaih khân may.’

Yôsuê 4:11

Lah lĕ rngôch phung ƀon lan lĕ rgăn dak krong jêh pôri Hip Nau Tâm Rnglăp Brah Yêhôva jêh ri phung kôranh ƀư brah tâm ban đŏng hăn rgăn panăp phung ƀon lan.

Yôsuê 6:9

Phung djôt ndơ tâm lơh hăn panăp phung kôranh ƀư brah uh nŭng; phung tahan gak pakơi hăn tĭng groi pakơi Hip Nau Tâm Rnglăp. Khân păng ƀah hăn ƀah uh nŭng.

Phung Kôranh Phat Dôih 4:14

H'Dêbôra lah ma Y-Barak: “Dâk hom! Yorlah aơ jêng nar Brah Yêhôva jao jêh Y-Sisêra tâm ti may. Mâu di hĕ Brah Yêhôva hăn panăp may?” Pônây Y-Barak hăn trŭnh tă bơh yôk Tabor ndrel ma jât rbăn bunuyh tĭng ndô̆ păng.