Êsai 52:11 - Nau Brah Ndu Ngơi 2023

¹¹ Du hom, du hom, luh hom bơh ntŭk nây! Lơi pah tât ndơ ƀơ̆ ƀơch, luh hom bơh tă ntŭk nây. Khân may jêng phung djôt ndơ yơk mbah Brah Yêhôva, Ƀư kloh hom khân may nơm!

Êsai 52:11 ပူးပေါင်းရင်းမြစ်များ

I Nau Rêh Jêng 15:12

Hađăch lah ma khân păng: “Khân may jêng kôranh ma phung noi deh Lêvi. Pônây, ƀư kloh hom khân may nơm jêh ri phung oh nâu khân may, pôri khân may dơi tung Hip Nau Tâm Rnglăp Yêhôva Brah Ndu Israel ma ntŭk gâp dăp nkra jêh.

Nau Ngluh Êjipt 30:19

Y-Arôn jêh ri phung kon bu klâu păng mra dŏng dak nây rao jâng ti.

Êsai 1:16

Rao ƀư kloh hom khân may nơm! Mƀăr lơi hom lĕ nau mhĭk bơh măt Gâp; Lơi hom ƀư nau mhĭk.

Êsai 48:20

Luh hom bơh Babilôn! du hom ngai bơh bri Kaldê! Răm maak troh nter hom mbơh jêh ri nkoch bri nau nây, Mbơh hom nau aơ kŏ tât dŭt rplay neh! Lah hom, “Brah Yêhôva tâm chuai jêh phung Yakôb, jêng oh mon Păng.”

Êsai 66:20

Brah Yêhôva lah: “Phung bu năch mra njŭn lĕ rngôch phung oh nâu khân may plơ̆ sĭt bơh lĕ rngôch bri dak. Khân păng rdeng khân may klơ seh, ndeh, tâm ưn, ncho seh bri jêh ri seh samô, hăn ta yôk kloh ueh Gâp jêng Yêrusalem, gay nhhơr khân păng tâm ban ma du mpa nhhơr ma Brah Yêhôva; tâm ban đŏng phung Israel djôt leo mpa nhhơr tâm ndơ dŏng kloh rsang lăp ma ngih Brah Yêhôva.”

Yêrêmi 31:21

“Ndâk hom n'gâng, Ndâk hom ndơ ntĭm trong; Sek uănh nanê̆ trong toyh, Trong may hŏ hăn rgăn jêh. Ơ bu ur druh Israel, plơ̆ sĭt hom, Plơ̆ sĭt hom ma ƀon may!

Yêrêmi 50:8

Du hom tă bơh Babilôn, du luh hom bơh bri Kaldê, hăn hom panăp nâm bu be nkuăng hăn leo mpôl!

Yêrêmi 51:45

Ơ phung ƀon lan Gâp, luh du hom tă bơh păng, Ăp nơm ăn tâm rklaih êng păng nơm Klaih tă bơh nau Brah Yêhôva duh nuih!

Yêrêmi 51:6

Du hom tă bơh Babilôn, Ăn ăp nơm nchuăt du tâm rklaih nau rêh păng! Lơi ta rai yot ôh yor ma nau tih păng, Yorlah aơ jêng rnôk Yêhôva plơng bôk; Păng mra plơng bôk tâm di jêh ăn ma păng.

Êsêkiêl 44:23

Khân păng mra nti ma phung ƀon lan Gâp gĭt rnglah moh ntil ndơ jêng kloh ueh đah moh ntil ndơ neh ntu, ntĭm ăn ma phung ƀon lan Gâp gĭt rnglah ntil nau kloh đah nau ƀơ̆ ƀơch.

Kan Lêvi 10:3

Jêh nây Y-Môis lah ma Y-Arôn: “Aơ jêng nau Brah Yêhôva hŏ ntăm jêh: ‘Ta nklang phung văch dăch Gâp Gâp mra mpơl nau kloh ueh Gâp; Jêh ri tanăp lĕ rngôch bunuyh ƀon lan Gâp mra dơi tâm rnê.’” Y-Arôn gŭ rklăk.

Kan Lêvi 11:45

Yorlah Gâp jêng Yêhôva, Nơm hŏ djôt jêh khân may luh bơh n'gor Êjipt, gay jêng Brah Ndu khân may; pôri khân may ăn kloh ueh hom, yorlah Gâp nơm jêng kloh ueh.

Kan Lêvi 11:47

gay tâm nkhah mpa mâu kloh đah mpa geh nau kloh, lĕ rngôch mpa bu dơi sa đah lĕ rngôch mpa bu mâu dơi sa ôh.’”

Kan Lêvi 21:6

Khân păng prăp êng ăn kloh ueh ma Brah Ndu jêh ri mâu dơi ngơi sưr ôh amoh Brah Ndu, yorlah khân păng jêng lĕ phung nhhơr ndơ ƀư brah ăn ŭnh sa ma Brah Yêhôva, jêng ndơ sông sa ma Brah Ndu khân păng; yor nây ăn khân păng jêng kloh ueh.

Sakari 2:10

Brah Yêhôva lah: “Hơi kon bu ur ƀon Siôn, troh nter jêh ri hâk răm hom! Yorlah aơ, Gâp dôl văch jêh ri Gâp mra gŭ ta nklang khân may.

Sakari 2:11

Tâm nar nây, âk bri dak mra tâm rnglăp đah Brah Yêhôva, jêh ri mra jêng phung ƀon lan Gâp; Gâp mra gŭ ta nklang khân may.” Nôk nây, khân may mra gĭt Brah Yêhôva ma phung tahan hŏ njuăl jêh gâp hăn văch n'hanh khân may.

Nau Kơp Bunuyh 16:26

Păng lah ma phung tâm rƀŭn: “Aƀaơ, du ngai hom tă bơh ngih bok phung janh ƀai aơ, jêh ri lơi pah moh ndơ prăp ma khân păng, klach lah khân may mra khĭt yorlah nau tih khân păng.”

Nau Kơp Bunuyh 19:11

Mbu nơm pah bi săk jăn du huê bunuyh khĭt mra jêng ƀơ̆ tâm pơh nar.

Nau Kơp Bunuyh 19:16

Mbu gŭ tâm mir, pah tât du huê bunuyh bu nkhĭt păng ma mpiăt đao mâu lah du săk jăn khĭt mâu lah du mlâm nting bunuyh, mâu lah môch mra jêng ƀơ̆ tâm pơh nar.

Nau Kơp Bunuyh 8:6

“Prăp êng hom phung Lêvi bơh ta nklang phung Israel jêh ri ƀư nau rƀŭn ăn khân păng dơi kloh.

Kôranh Oh Mon 10:14

Ƀiălah Y-Pêtrôs ơh: “Ơ Kôranh Brah, mâu dơi! Yorlah gâp mâu mâp sa ôh mpa ƀơ̆ mâu lah mâu kloh.”

Kôranh Oh Mon 10:28

Păng lah ma phung nây: “Khân may gĭt phung Yuđa mâu dơi vay ôh tâm rnglăp đah phung bu năch mâu lah lăp ngih păng; ƀiălah Brah Ndu hŏ tâm mpơl ma gâp jêh, lơi ăn uănh du huê bunuyh ƀơ̆ ƀơch mâu lah mâu kloh.

Samƀŭt Pôl Njuăl Ăn Ma Phung Nsing Ta Ƀon Rôm 14:14

Tâm Brah Yêsu, gâp gĭt jêh ri chroh n'hêl mâu geh moh ndơ êng păng nơm jêng ƀơ̆ ƀơch ôh; ƀiălah păng jêng ƀơ̆ ƀơch ma mbu nơm uănh păng jêng ƀơ̆ ƀơch.

II Kôrintô 6:17

“Yor nây, Kôranh Brah lah: Luh du hom tă bơh khân păng, Tâm nkhah hom tă bơh khân păng, Lơi pah tât ndơ ƀơ̆ ƀơch, Gâp mra rom dơn khân may.

Êphêsô 5:11

Lơi pah ndrel ôh lĕ nau kan mâu khlay bơh nau ngo; ueh lơn, ăn khân may nduyh khân păng;

I Pêtrôs 2:11

Hơi phung gâp rŏng, khân may nâm bu phung bu năch, phung gŭ njưh ƀât lât; gâp vơl dăn ma khân may ver hom lĕ nau kơnh ŭch nglay săk, jêng nau tâm rdâng đah huêng.

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.

Nau Tâm Mpơl 18:4

Jêh nây gâp tăng du bâr êng tă bơh trôk, lah pô aơ: “Hơi phung ƀon lan Gâp, luh hom bơh ƀon Babilôn! Klach lah khân may hăn lăp nau tih ndrel ma păng, Jêh ri khân may dơn nau rêh ni ndrel ma păng: