Êsai 52:10 - Nau Brah Ndu Ngơi 2023

¹⁰ Brah Yêhôva tâm mpơl jêh nting tur kloh ueh Păng Tanăp măt lĕ rngôch bri dak; Lĕ rngôch dŭt bri dŭt neh Saơ da dê nau Brah Ndu he tâm rklaih!

Êsai 52:10 ပူးပေါင်းရင်းမြစ်များ

Ndrom Samƀŭt bơh Yôp 40:9

Rnôk nây, Gâp mra tâm rnê ma may Pônây ma ti may nơm djôt nau dơi tâm lơh ăn ma may nơm!”

Nau Mprơ Ơm 22:27

Lĕ rngôch lam rplay neh mra kah gĭt Jêh ri mra plơ̆ sĭt ma Brah Yêhôva, Lĕ rngôch mpôl băl bunuyh Mra chon mon mbah tanăp May.

Nau Mprơ Ơm 67:2

Gay trong May dơi gĭt tâm neh ntu Nau May tâm rklaih dơi gĭt ta nklang lĕ bri dak.

Êsai 11:9

Khân păng mâu mra ƀư mhĭk, mâu lĕ chôk bu khĭt Tâm lĕ yôk kloh ueh Gâp, Yorlah nau gĭt rbăng Brah Yêhôva mra bêng ler lam neh ntu Nâm bu lĕ n'hong dak nkŭm bêng dak mƀŭt.

Êsai 25:9

Tâm nar nây, bu mra lah: “Ri, aơ jêng Brah Ndu he; He kâp gân Păng, jêh ri Păng hŏ tâm rklaih he jêh. Aơ yơh jêng Brah Yêhôva he kâp gân, Ăn he hâk răm jêh ri maak yor nau Păng tâm rklaih!”

Êsai 30:30

Brah Yêhôva mra ăn bu iăt bâr nau rnam Păng. Păng mra ăn bu saơ ti ktang Păng tâm nau ji nuih, ma ŭnh sa, ma sial phŭt, sial phŭt ktang jêh ri mih pler.

Êsai 33:13

Ơ phung gŭ ngai, iăt hom nau Gâp ƀư jêh; Ơ phung gŭ êp, ăn khân may gĭt nau ktang Gâp.”

Êsai 40:5

Aƀaơ, nau chrêk rmah Brah Yêhôva mra tâm mpơl, Jêh ri lĕ rngôch bunuyh mra saơ da dê nau nây, Yorlah Brah Yêhôva hŏ ngơi jêh nau nây.”

Êsai 45:22

Ơ lĕ rngôch mbu nơm gŭ ntŭk dŭt bri dŭt neh, Sĭt hom ma Gâp jêh ri geh nau tâm rklaih! Yorlah Gâp jêng Brah Ndu, mâu geh Brah êng ôh.

Êsai 48:20

Luh hom bơh Babilôn! du hom ngai bơh bri Kaldê! Răm maak troh nter hom mbơh jêh ri nkoch bri nau nây, Mbơh hom nau aơ kŏ tât dŭt rplay neh! Lah hom, “Brah Yêhôva tâm chuai jêh phung Yakôb, jêng oh mon Păng.”

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Êsai 51:9

Ơ nting tur Brah Yêhôva Kah rngăl hom, kăl rngăl hom, nsoh hom nau ktang! Kah rngăl hom tâm ban ma rnôk kăl e Tâm ban ma rnôk saơm! Mâu di hĕ May yơh hŏ koh hăch Rahap, Nơm ntâp jêh mpa djơh dak mƀŭt?

Êsai 53:1

Mbu nơm chroh jêh nau hŏ mbơh nkoch ma he? Jêh ri ti Brah Yêhôva mpơl ma mbu nơm?

Êsai 59:16

Păng saơ mâu geh du huê bunuyh sŏng srăng ôh, Jêh ri hih rhâl yor mâu geh nơm vah vơl. Păng dŏng ti păng nơm ƀư tât nau tâm rklaih; Nau sŏng Păng nơm kơl.

Êsai 62:1

Yorlah Siôn, Gâp mâu mra gŭ rklăk ôh, Yorlah Yêrusalem, Gâp mâu mra rlu ôh, Kŏ tât nau sŏng srăng păng nchrat tâm ban ma nau ang, Jêh ri nau tâm rklaih păng tâm ban ma ŭnh rdo hôm hit.

Êsai 63:5

Gâp uănh, mâu geh nơm kơl ôh; Gâp hih rhâl, mâu geh nơm tâm kơl; Rĭ dĭng ti Gâp nơm yơh kơl Gâp, Nau Gâp ji nuih kơl Gâp.

Mika 5:4

Păng nơm mra jêng nau đăp mpăn ma he. Lah phung Asiri mra tât tâm bri he Jêh ri tŭn jot plên tâm ngih hađăch he, Pôri he mra n'hao pơh nuyh rmăk biăp Jêh ri pham nuyh kôranh bơh phung ƀon lan gay tâm rdâng đah păng.

Luka 2:30

Yorlah măt gâp saơ jêh nau tâm rklaih bơh May,

Luka 3:6

Jêh ri lĕ kon bunuyh mra saơ nau tâm rklaih tă bơh Brah Ndu.”

Kôranh Oh Mon 13:47

Yorlah Kôranh Brah ntĭnh ntăm jêh ma hên: ‘Gâp njêng jêh may jêng nau ang ma phung mpôl băl bunuyh, gay ma njŭn leo nau tâm rklaih tât ta nglĕ dŭt rplay neh.’ ”

Yôsuê 4:24

Pônây, lĕ rngôch phung bunuyh ta neh ntu dơi gĭt mpang ti nau dơi Brah Yêhôva, jêh ri khân may tâm ban đŏng klach yơk ma Yêhôva Brah Ndu khân may ƀaƀơ.”

Nau Tâm Mpơl 14:6

Jêh nây gâp saơ du huê tông mpăr êng mpăr ta nklang trôk, geh Nau Mhe Mhan Ueh n'ho ro gay mbơh ma phung gŭ ta neh ntu, ma lĕ rngôch bri dak, phung ndŭl mpôl, lĕ rngôch nau ngơi, lĕ rngôch phung ƀon lan.

Nau Tâm Mpơl 15:4

Ơ Kôranh Brah, mbu nơm mâu mra klach yơk Kôranh Brah, Jêh ri mâu tâm rnê amoh may? Yorlah knŏng êng Kôranh Brah jêng kloh ueh. Lĕ rngôch mpôl băl mra văch Yơk mbah tanăp Kôranh Brah, Yorlah lĕ nau sŏng srăng May tâm mpơl jêh.”