Êsai 52:1 - Nau Brah Ndu Ngơi 2023

¹ Ơ ƀon Siôn, kah rngăl hom, Kah rngăl hom, nsoh hom nau ktang may! Ơ Yêrusalem, ƀon kloh ueh, Nsoh hom bok ao ueh may! Yorlah phung mâu koh ntâu jêh ri phung ƀơ̆ ƀơch Mâu mra hôm lăp tâm may ôh.

Êsai 52:1 ပူးပေါင်းရင်းမြစ်များ

I Nau Rêh Jêng 16:29

Nau chrêk rmah ma Brah Yêhôva tâm di ma amoh Păng, Djôt leo hom ndơ nhhơr hao panăp Păng; Nkrơ̆ hom ma nau kloh ueh gay yơk mbah ma Brah Yêhôva.

Nêhêmi 11:1

Phung kôranh chiă uănh tâm phung ƀon lan gŭ ta ƀon Yêrusalem jêh ri phung ƀon lan hôm e tâm nchroh gay tâm phung jât nuyh geh du huê nuyh gŭ ta ƀon Yêrusalem jêng ƀon kloh ueh, bi sĭn nuyh ri gŭ tâm lĕ ƀon êng êng.

Nau Mprơ Ơm 110:3

Tâm nar Brah Ndu mpơl nau dăng ktang, Phung ƀon lan May mra ŭch nhhơr khân păng nơm ma May; Phung bu klâu ndăm ndơ nsoh kloh ueh hăn tĭng May, Chrêk rêp ƀlêp nâm bu truh dak ngom ơm ôi

Nau Ngluh Êjipt 28:2

Ăn may jĭm ma Y-Arôn nâu may ăn bok ao kloh ueh prăp ma nau chrêk rmah.

Nau Ngluh Êjipt 28:40

May tanh hom ma phung kon bu klâu Y-Arôn ao ta nâm, rse vân bŭt jêh ri môk; may ƀư hom ma khân păng ndơ geh nau chrêk rmah jêh ri nau ueh.

Êsai 1:21

Vư! Ƀon răp jăp Hŏ plơ̆ jêng bu ur văng tĭr! Păng bêng ma nau di, Jêh ri jêng ntŭk nau sŏng srăng gŭ tâm păng. Ƀiălah aƀaơ aơ bêng ma phung nkhĭt bunuyh!

Êsai 1:26

Gâp mra ndâk tay phung kôranh phat dôih may tâm ban nôk lor, Jêh ri phung kôranh nchră may tâm ban ma ntơm saơm. Jêh nau nây, bu mra rnha ma may jêng ƀon sŏng srăng, Jêng ƀon răp jăp.”

Êsai 26:2

Pơk hom lĕ mpông Ăn phung ƀon lan sŏng srăng, Jêng phung ƀon lan djôt prăp nuih n'hâm răp jăp, dơi lăp ta nây.

Êsai 35:8

Ta nây, mra geh du trong toyh, Bu rnha păng jêng Trong Kloh Ueh. Phung ƀơ̆ ƀơch mâu mra hăn ta nây ôh, Ƀiălah păng prăp ma phung geh nau chuai. Mbu nơm hăn ta trong nây Nđâp tơlah rluk mâl ăt mâu vĭ nhhơt ôh.

Êsai 4:3

Phung hôm e klen gŭ tâm ƀon Siôn, phung hôm e klen gŭ tâm ƀon Yêrusalem mra dơi rnha jêng phung kloh ueh. Ăp nơm bu nchih prăp jêh tâm ndrom samƀŭt ma phung rêh tâm ƀon Yêrusalem.

Êsai 48:2

Yorlah khân păng rnha khân păng nơm jêng phung luh bơh ƀon kloh ueh, Jêh ri rnơm ma Brah Ndu phung Israel; Amoh Păng jêng Brah Yêhôva ma phung tahan:

Êsai 49:18

N'gơr hom măt may uănh văr jŭm; Lĕ rngôch khân păng tâm rƀŭn ndrel văch ma may!” Brah Yêhôva lah: “Tĭng nâm Gâp gŭ rêh mro mrăng, May mra văn lĕ rngôch khân păng tâm ban ma ndơ nkrơ̆, Jêh ri may djôt khân păng tâm ban ma nse vân bŭt bu ur nđăp ma sai!

Êsai 51:17

Ơ ƀon Yêrusalem, Kah rngăl hom, kah rngăl hom jêh ri dâk hom may! May hŏ nhêt jêh kachok nau Păng ji nuih, Bơh ti Brah Yêhôva, Nhêt kŏ lĕ jêh Tâm khăl ăn hăn ndĭt ndiu.

Êsai 51:9

Ơ nting tur Brah Yêhôva Kah rngăl hom, kăl rngăl hom, nsoh hom nau ktang! Kah rngăl hom tâm ban ma rnôk kăl e Tâm ban ma rnôk saơm! Mâu di hĕ May yơh hŏ koh hăch Rahap, Nơm ntâp jêh mpa djơh dak mƀŭt?

Êsai 60:1

Dâk hom jêh ri sol ang hom! Yorlah nau ang may tât jêh, Jêh ri nau chrêk rmah Brah Yêhôva sol ang jêh ta klơ may.

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Êsai 64:10

Lĕ rngôch ƀon kloh ueh May hŏ jêng bri rdah, Siôn ăt jêng bri rdah, Yêrusalem jêng ntŭk rngot njăp.

Yêrêmi 31:23

Brah Yêhôva ma phung tahan, Brah Ndu Israel, lah: “Lah Gâp djôt leo lĕ rngôch phung bu nă plơ̆ sĭt jêh pôri tâm n'gor Yuđa jêh ri lĕ rngôch phung ƀon toyh păng, bu mra hôm ngơi nau aơ: ‘Hơi ntŭk gŭ nau sŏng srăng, hơi yôk kloh ueh ri, Dăn ma Brah Yêhôva ăn nau ueh uĭn ma may!’

Êsêkiêl 44:9

Kôranh Brah Yêhôva lah: ‘Mâu geh du huê bu năch mâu koh ntâu tâm nuih n'hâm jêh ri tâm săk jăn dơi lăp ntŭk kloh ueh Gâp. Rlau ma nĕ du huê phung bu năch gŭ ta nklang phung ƀon lan Israel ăt mâu dơi lăp ôh ta nây.

Daniel 10:9

Ƀiălah gâp ăt hôm tăng bâr păng lah. Mhe tăng bâr păng, gâp khĭt huăr, chŭn muh măt ta neh.

Yôel 3:17

“Rnôk nây, khân may mra gĭt Gâp jêng Yêhôva Brah Ndu khân may, Nơm gŭ ta Siôn, jêng yôk kloh ueh Gâp. Yêrusalem mra jêng ƀon kloh ueh Jêh ri phung bu năch mâu mra hôm pit in păng đŏng ôh.”

Nahum 1:15

Aơ, ta klơ phung yôk Geh jâng phung ntuh mbơh nau mhe mhan ueh, Jêh ri mbơh nau đăp mpăn! Hơi Yuđa, prăp hom ăp nar tâm rƀŭn Jêh ri ƀư ăn nanê̆ nau ton, Yorlah phung rlăng mâu mra tŭn jot may đŏng ôh, Păng hŏ rai lĕ jêh.

Ndrom Samƀŭt bơh Agê 2:4

Pôri aƀaơ, Brah Yêhôva lah: ‘Hơi Y-Sôrôƀaƀel, janh nănh hom! Bi ma may, Y-Yôsuê kôranh ƀư brah toyh lơn, kon bu klâu Y-Jêhôsadak, janh nănh hom tâm ban lĕ! Hơi lĕ rngôch phung ƀon lan gŭ tâm n'gor, nănh hom!’ Brah Yêhôva lah đŏng: ‘Pah kan hom, yorlah Gâp gŭ ndrel ma khân may,’ Brah Yêhôva ma phung tahan lah pônây.

Sakari 3:4

Tông mpăr nây lah ma phung dôl dâk tanăp păng: “Doh hom ao uk tă bơh nơm nây.” Jêh ri tông mpăr lah ma Y-Yôsuê: “Uănh hom, Gâp hŏ sŏk lơi jêh nau kue tă bơh may, jêh ri Gâp mra ăn may nsoh ao ueh.”

Mathay 4:5

Brah mhĭk njŭn leo Păng tât ta ƀon kloh ueh, n'gân Păng ta klơ chor ngih brah,

Luka 15:22

Mbơ̆ păng lah ma phung oh mon: ‘Sŏk ndơ̆ gơnh hom ao jong dŭt ueh nsoh an păng, dok rgên ta nglau ti păng, ntrŭp ntâu jot ma jâng păng.

Samƀŭt Pôl Njuăl Ăn Ma Phung Nsing Ta Ƀon Rôm 13:14

Ƀiălah ăn khân may nsoh hom Kôranh Brah jêng Brah Yêsu Krist, lơi joi nau ƀư mpay ma lĕ nau kơnh ŭch nglay săk.

Samƀŭt Pôl Njuăl Ăn Ma Phung Nsing Ta Ƀon Rôm 3:22

Nây jêng nau sŏng srăng Brah Ndu, yor ma nau chroh ma Yêsu Krist, ăn ma lĕ rngôch bunuyh geh nuih n'hâm chroh, mâu tâm nkhah bu ôh;

Êphêsô 4:24

jêh ri nsoh bunuyh mhe, jêng bunuyh dơi rhăk njêng jêh tĭng rup Brah Ndu tâm nau ngăn sŏng srăng jêh ri nau kloh ueh.

Êphêsô 5:14

Yor nây, geh nau lah pô aơ: “Hơi nơm dôl bê̆ch, kah rngăl hom, Dâk hom may tă bơh nklang phung bunuyh khĭt, Ri mơ Brah Krist mra nchrat ang may.”

Êphêsô 6:10

Nglĕ dŭt, ăn khân may ktang tâm Kôranh Brah jêh ri rnơm ma nau ktang brah Păng.

Nau Tâm Mpơl 11:2

Ƀiălah ndring padih nây om, lơi veh; yorlah bu jao jêh păng ma phung bu năch, jêh ri khân păng mra jot plên ƀon kloh ueh tâm puăn jât ma bar khay.

Nau Tâm Mpơl 19:14

Phung tahan ta klơ trôk nsoh ao bok mhay rhên, nglang jêh ri kloh da dê, ncho seh nglang hăn tĭng Păng.

Nau Tâm Mpơl 19:8

Bu ăn ur păng nsoh ao bok mhay rhên nchrat ral ngăn jêh ri kloh!” (bok mhay rhên nĕ jêng lĕ kan sŏng srăng phung kloh ueh).

Nau Tâm Mpơl 21:2

Gâp saơ đŏng ƀon kloh ueh, jêng Yêrusalem mhe, jŭr tă bơh ntŭk Brah Ndu ta klơ trôk, ndrăp nkra jêh nâm bu du huê bu ur mhe nkrơ̆ gŭ kâp sai păng nơm.

Nau Tâm Mpơl 21:27

Lĕ rngôch phung ƀơ̆ ƀơch, nơm ƀư nau mưch rmot, nơm ngơi mƀruh mâu dơi lăp ƀon ôh, knŏng phung geh amoh nchih jêh tâm ndrom samƀŭt nau rêh Kon Biăp.