Êsai 51:9 - Nau Brah Ndu Ngơi 2023

⁹ Ơ nting tur Brah Yêhôva Kah rngăl hom, kăl rngăl hom, nsoh hom nau ktang! Kah rngăl hom tâm ban ma rnôk kăl e Tâm ban ma rnôk saơm! Mâu di hĕ May yơh hŏ koh hăch Rahap, Nơm ntâp jêh mpa djơh dak mƀŭt?

Êsai 51:9 ပူးပေါင်းရင်းမြစ်များ

Ndrom Samƀŭt bơh Yôp 26:12

Păng sŏk nau brah ƀư ăn rbuh dak mƀŭt gŭ rngân; Sŏk nau blau mĭn âk dong cha lôt Rahap.

Ndrom Samƀŭt bơh Yôp 9:13

Brah Ndu mâu rgâl tay ôh nau Păng ji nuih. Phung kơl Rahap chon mon tâm dâng jâng Păng da dê.

Nau Mprơ Ơm 21:13

Ơ Brah Yêhôva, ăn May geh nau yơk tâm nau ktang May! Pôri hên mra mprơ jêh ri tâm rnê ma nau brah May.

Nau Mprơ Ơm 44:1

Ơ Brah Ndu, trôm tôr hên tăng, Phung chô yau hên hŏ nkoch jêh Kan May ƀư jêh tâm rnôk khân păng Ntơm bơh kăl e.

Nau Mprơ Ơm 44:2

May sŏk ti May nơm mprơh du phung mpôl băl bunuyh, Ƀiălah ăn phung chô yau hên gŭ ta nây; May ăn ma phung mpôl băl bunuyh rai lêk, Ƀiălah ăn ma phung chô yau hên jêng ndrŏng.

Nau Mprơ Ơm 44:23

Ơ Kôranh Brah, kah rngăl hom! Mâm ƀư May bê̆ch? Ăn dâk hom, lơi ta chalơi ma hên mro mrăng ôh!

Nau Mprơ Ơm 44:24

Mâm ƀư May pôn măt May? Mâm ƀư may chuêl nau rêh ni jêh ri nau bu tŭn jot hên?

Nau Mprơ Ơm 59:4

Khân păng nchuăt văch tâm lơh nđâp lah gâp mâu geh nau tih. Dăn May kah rngăl hom gay kơl gâp jêh ri uănh ntreng gâp.

Nau Mprơ Ơm 7:6

Ơ Brah Yêhôva, dăn dâk hom jêh ri ji nuih; Dăn tâm rdâng đah nau ji nuih ma phung rlăng gâp. Kah rngăl hom jêh ri kơl gâp; May hŏ nal jêh nau phat dôih.

Nau Mprơ Ơm 77:5

Gâp mĭn rvê ma nar kăl e Jêh ri lĕ năm rlau jêh.

Nau Mprơ Ơm 78:65

Aƀaơ aơ, Kôranh Brah nâm bu bunuyh kah rngăl bê̆ch, Nâm bu du huê janh ktang dơi đah nhŭl ndrănh.

Nau Mprơ Ơm 87:4

Gâp mra mbơh bri Rahap jêh ri Babilôn jêng phung gĭt năl gâp; Ri bri Philistin jêh ri ƀon Tyre đah bri Êthiôpi; Khân păng lah: “Bunuyh aơ bu deh jêh ta Siôn.”

Nau Mprơ Ơm 89:10

May ƀư nchah hăch Rahap nâm bu du mlâm săk jăn khĭt, Ma ti brah toyh, May lơh phung rlăng du pru pra.

Nau Mprơ Ơm 89:11

Lĕ ndâr trôk jêng ndơ May da dê, neh ntu ăt ndơ May đŏng; May rhăk njêng neh ntu jêh ri lĕ ndơ gŭ tâm păng.

Nau Mprơ Ơm 93:1

Brah Yêhôva chiă uănh, Păng nsoh nau rnam. Brah Yêhôva nsoh jêh ri rêt rse bŭt ma nau ktang. Neh ntu dơi njêng nâp, mâu mâp n'gơ ôh.

Nau Ngluh Êjipt 6:6

Yor nây, ăn may lah ma phung ƀon lan Israel: ‘Gâp jêng Brah Yêhôva, Gâp mra djôt khân may luh bơh kan jâk phung Êjipt jêh ri rklaih khân may bơh nau ƀư dĭk. Gâp mra yơr ti sŏng, dŏng nau phat dôih jâk jêr gay tâm chuai khân may.

Êsai 27:1

Tâm nar nây, Brah Yêhôva mra dŏng đao dăng, toyh jêh ri ktang Gay ma tâm rmal Lêviathan jêng bêh du ngăch, Tâm rmal Lêviathan jêng bêh kue kuăt; Jêh ri Păng mra nkhĭt mpa djơh gŭ tâm dak mƀŭt.

Êsai 30:7

Yorlah nau bri Êjipt kơl knŏng jêng dơm dam, mâu khlay ôh Yor nây Gâp rnha păng “H'Rahap gŭ rklăk mâu mpât.”

Êsai 51:17

Ơ ƀon Yêrusalem, Kah rngăl hom, kah rngăl hom jêh ri dâk hom may! May hŏ nhêt jêh kachok nau Păng ji nuih, Bơh ti Brah Yêhôva, Nhêt kŏ lĕ jêh Tâm khăl ăn hăn ndĭt ndiu.

Êsai 51:5

Nau sŏng srăng Gâp dăch êp jêh, Nau Gâp tâm rklaih dăch mpơl jêh, Nting tur Gâp mra chiă uănh phung ndŭl mpôl bunuyh. Lĕ rngôch gôl dak mƀŭt, mra kâp gân Gâp, Jêh ri khân păng kâp gân ma nting tur Gâp.

Êsai 52:1

Ơ ƀon Siôn, kah rngăl hom, Kah rngăl hom, nsoh hom nau ktang may! Ơ Yêrusalem, ƀon kloh ueh, Nsoh hom bok ao ueh may! Yorlah phung mâu koh ntâu jêh ri phung ƀơ̆ ƀơch Mâu mra hôm lăp tâm may ôh.

Êsai 52:10

Brah Yêhôva tâm mpơl jêh nting tur kloh ueh Păng Tanăp măt lĕ rngôch bri dak; Lĕ rngôch dŭt bri dŭt neh Saơ da dê nau Brah Ndu he tâm rklaih!

Êsai 53:1

Mbu nơm chroh jêh nau hŏ mbơh nkoch ma he? Jêh ri ti Brah Yêhôva mpơl ma mbu nơm?

Êsai 62:8

Brah Yêhôva hŏ yơr ti ma Jêh ri ti nau brah Păng sơm ton: “Gâp mâu mra ăn ôh ba may Jêng ndơ sông sa ma phung rlăng đah may; Phung bu năch mâu mra dơi nhêt ndrănh krăk ƀâu mhe May hŏ ƀư jêh tâm nau jâk jêr.

Êsêkiêl 29:3

Ngơi hom: Kôranh Brah Yêhôva lah: ‘Hơi Pharaôn, hađăch Êjipt, Aơ, Gâp tâm rdâng đah may, May jêng mpa djơh toyh juat Rvel ta nklang lĕ dak krong. May lah pô aơ: “Dak krong Nil jêng ndơ Gâp nơm Gâp nơm yơh hŏ njêng jêh păng.”

Mika 7:15

Gâp mra tâm mpơl ma khân păng lĕ nau mbên khlay, Nâm bu tâm lĕ nar khân păng du luh tă bơh n'gor bri Êjipt.

Habakuk 2:19

Rêh ni ngăn ma nơm ngơi đah tơm si pô aơ: ‘Kah rngăl hom!’ Jêh ri ngơi đah lŭ mlo pô aơ: ‘Dâk hom may!’ Păng dơi ntĭm nti đŏng? Aơ, păng dơi mblum ma mah jêh ri prăk, Ƀiălah tâm păng mâu geh djê̆ ro n'hâm nsôr.

Habakuk 3:13

Kôranh Brah luh du gay tâm rklaih phung ƀon lan May, Gay tâm rklaih bunuyh dơi tŏ dak ƀâu kah May. May dong sôt jru bôk nơm mhĭk, Ƀư rai ngih păng, gŭ săk hưl ntơm bơh mbon tât ta trô ko. (Sêla)

Sakari 10:11

Khân păng mra rgăn dak mƀŭt ma nau jêr, Ƀư rngân rbuh dak mƀŭt; Lĕ rngôch ntŭk klŏng jru dak krong Nil mra suăt. Bu mra n'glưh lơi nau sưr bri Asiri, Jêh ri mâng jra hađăch n'gor bri Êjipt mra roh.

Sakari 2:13

Ăn lĕ rngôch bunuyh gŭ rklăk hom tanăp măt Brah Yêhôva, yorlah Păng hŏ kah rngăl tă bơh ntŭk kloh ueh Păng.

Luka 1:51

Păng hŏ dŏng ti Păng ƀư lĕ nau kan nau brah; Ƀư nchah rai pru pra phung geh nau mĭn sưr rlau tâm nuih n'hâm.

Yôhan 12:38

gay nau nơm mbơh lor Y-Êsai hŏ lah dơi tât di ngăn jêh: “Ơ Kôranh Brah, mbu chroh jêh nau hên mbơh nkoch, Jêh ri ti Kôranh Brah mpơl ma mbu nơm?”

Kôranh Oh Mon 7:7

Brah Ndu lah: ‘Ƀiălah Gâp mra phat dôih phung mpôl băl hŏ njêng khân păng jêng dĭk; pakơi taơ khân păng mra du luh bơh ntŭk nây jêh ri yơk mbah Gâp tâm ntŭk aơ.’

Nau Vay Nkah Tay 4:34

Mâu lah mâp geh lĕ du huê brah hăn săch ma păng nơm du mpôl băl bunuyh tă bơh nklang du mpôl băl êng ma lĕ nau tâm rlong, mpơl nau mbên jêh ri nau mbên mha, ma nau tâm lơh, ma ti nau dơi yơr huy, ma lĕ nau krit klach toyh, nâm bu lĕ rngôch nau Yêhôva Brah Ndu hŏ ƀư jêh ma khân may tâm n'gor Êjipt tanăp măt khân may?

Nau Tâm Mpơl 11:17

jêh ri lah pô aơ: “Ơ Kôranh Brah, jêng Brah Ndu Geh Lĕ Nau Brah, NƠM AɃAƠ AƠ JÊH RI GEH JÊH, Hên lah ueh ma May yorlah May djôt jêh nau dơi dŭt prêh, Jêh ri chiă uănh jêh.

Nau Tâm Mpơl 12:9

Bu klŭp mƀăr bêh nhŭk nhăk toyh jŭr ta neh, jêng bêh ơm, bu rnha jêng brah mhĭk mâu lah Satan, nơm ndơm mƀruh lĕ kon bunuyh. Bu klŭp păng jŭr ta neh ntu; phung mbơh păng bu klŭp mƀăr jŭr ndrel ma păng.

Phung Kôranh Phat Dôih 6:13

Y-Gidêôn lah: “Hơi kôranh, tơlah Brah Yêhôva gŭ ndrel ma hên, mâm ƀư lĕ rngôch nau aơ dơi tât ma hên? Phung chô yau hên nkoch tay ma hên pô aơ: ‘Brah Yêhôva hŏ njŭn jêh hên du luh bơh Êjipt’. Aƀaơ lĕ rngôch nau khlay ngăn ri mbah ntŭk gŭ? Ƀiălah Brah Yêhôva chalơi hên jêh ri jao hên tâm ti phung Madian.”