Êsai 51:4 - Nau Brah Ndu Ngơi 2023

⁴ Ơ phung ƀon lan Gâp, iăt hom Gâp; Ơ bri dak Gâp, rkêng hom tôr ma Gâp! Yorlah nau vay mra luh bơh Gâp, Jêh ri nau sŏng Gâp mra jêng nau ang ma phung ndŭl mpôl bunuyh.

Êsai 51:4 ပူးပေါင်းရင်းမြစ်များ

Nau Mprơ Ơm 106:5

Gay ma gâp dơi saơ nau ndrŏng phung May săch jêh, Dơi gŭ ndrel đah nau maak phung ƀon lan May, Jêh ri dơi tâm rnê ma gâp nơm ma drăp ndơn May.

Nau Mprơ Ơm 147:20

Păng mâu ƀư pônây ôh ma bri dak êng; Khân păng mâu gĭt rbăng ôh nau vay Păng ƀư. Halêluya!

Nau Mprơ Ơm 33:12

Moh bri dak geh Brah Yêhôva ƀư Brah Ndu khân păng, Moh ntil mpôl bunuyh Păng dơi săch ƀư jêng drăp ndơn păng, Geh nau ueh maak n'ho ro!

Nau Mprơ Ơm 50:7

“Hơi phung ƀon lan Gâp, iăt hom! Gâp mra lah, Hơi Israel, Gâp mra mbơh nau tâm rdâng đah may; Gâp jêng Brah Ndu, nây jêng Brah Ndu may.

Nau Mprơ Ơm 78:1

Hơi phung ƀon lan gâp, gŭ iăt hom nau gâp ntĭm nti; Rkêng hom tôr iăt nau tă bơh trôm mbung gâp.

Nau Ngluh Êjipt 19:6

Khân may mra dơi jêng du ƀon bri hađăch phung kôranh ƀư brah jêh ri du phung mpôl kloh ueh ma Gâp.’ Nĕ jêng lĕ nau may mra ngơi ma phung ƀon lan Israel.”

Nau Ngluh Êjipt 33:13

Pôri aƀaơ, lah gâp geh jêh nau yô̆ tanăp măt May, dăn mpơl trong May ma gâp gay ma gâp dơi gĭt năl May jêh ri geh nau yô̆ tanăp măt May. Ăn May kơp phung ndŭl mpôl aơ jêng phung ƀon lan May!”

Nau Hôr 6:23

Yorlah nau vay ntăm jêng ŭnh kađen, nau vay jêng nau ang, Jêh ri nau nduyh lah ntĭm nti jêng trong hăn ma nau rêh,

Êsai 1:27

Bu mra tâm chuai ƀon Siôn ma nau di, Jêh ri phung ƀon lan tâm ƀon toyh rmal nau tih mra dơi tâm chuai bơh nau sŏng srăng.

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Êsai 26:2

Pơk hom lĕ mpông Ăn phung ƀon lan sŏng srăng, Jêng phung ƀon lan djôt prăp nuih n'hâm răp jăp, dơi lăp ta nây.

Êsai 26:8

Ơ Brah Yêhôva, ngăn yơh, ta trong nau May phat dôih. Hên kâp gân May; Huêng hên ji hir ma May Ma amoh May jêh ri nau kah gĭt ndray ma May.

Êsai 33:22

Nanê̆, Brah Yêhôva jêng Nơm Phat Dôih he, Brah Yêhôva jêng Nơm Ăn Nau Vay ma he, Brah Yêhôva jêng Hađăch he; Păng yơh mra tâm rklaih he.

Êsai 42:21

Brah Yêhôva maak yor nau sŏng srăng Păng, Ƀư ăn bu yơk jêh ri ƀư chrêk rmah nau vay Păng.

Êsai 42:6

“Gâp jêng Brah Yêhôva, Gâp hŏ kuăl jêh may tâm nau sŏng srăng, Gâp mra kuăn ta ti may jêh ri mât mray may. Gâp mra ndâk ăn may jêng du nau tâm rnglăp ma phung ƀon lan, Ƀư nau ang ma lĕ bri dak,

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Êsai 63:8

Yorlah Păng lah jêh: “Nanê̆, khân păng jêng ƀon lan Gâp, Jêng phung kon mâu mra ndơm mƀruh ôh.” Jêh ri Păng jêng Nơm Tâm Rklaih khân păng.

Mika 4:2

Geh âk bri dak mra văch tât ta nây jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb! Păng mra sâm nti ma he trong Păng Gay he mra dơi hăn tâm ăp trong Păng.” Yorlah nau vay mra luh bơh Siôn, Nau Brah Yêhôva ngơi luh bơh Yêrusalem.

Luka 2:32

Jêng nau ang sol trong ma phung bu năch, Jêh ri jêng nau chrêk rmah phung Israel, jêng phung ƀon lan May.”

I Kôrintô 9:21

Đah phung mâu geh nau vay — nđâp tơlah đah Brah Ndu, gâp mâu di gâp mâu geh nau vay, yorlah gâp gŭ tâm dâng nau vay Brah Krist — gâp plơ̆ jêng tâm ban mâu geh nau vay gay ma dơi njŭn leo phung mâu geh nau vay.

Nau Vay Nkah Tay 18:18

Tă bơh nklang phung oh nâu khân păng, Gâp mra n'hao ma khân păng du huê nơm mbơh lor nâm bu may. Gâp mra dơm nau Gâp ngơi tâm mbung bunuyh nây, jêh ri bunuyh nây mra ngơi ma khân păng lĕ nau Gâp ntĭnh jêh.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.