Êsai 51:23 - Nau Brah Ndu Ngơi 2023

²³ Gâp mra dơm păng tâm ti phung ƀư rêh ni may, Jêng phung lah jêh ma may pô aơ: ‘Lâng bê̆ch hom gay ma hên dơi rgăn!’ Jêh ri ndŭr kơi may jêng tâm ban ma mbon neh, Tâm ban ma trong bu rgăn.”

Êsai 51:23 ပူးပေါင်းရင်းမြစ်များ

Nau Mprơ Ơm 129:3

Phung kan mir hŏ chuar rgăn jêh ta klơ ndŭr kơi gâp, Chuar blah jêh trong jong ta nây.”

Nau Mprơ Ơm 66:12

May ăn bu ncho ta klơ bôk hên; Hên hăn rgăn ŭnh, rgăn dak, Ƀiălah May njŭn leo hên ta ntŭk ndrŏng ngăn.

Nau Hôr 11:8

Bunuyh sŏng srăng dơi rklaih bơh nau rung răng, Bi bunuyh djơh mhĭk ntrok ntŭk păng.

Nau Hôr 21:18

Phung djơh mra jêng rnoh chuai ăn ma bunuyh sŏng srăng, Jêh ri bunuyh mƀruh rlăm ntrok ntŭk ma bunuyh sŏng.

Apdia 1:16

Di ngăn, mâm nau khân may hŏ nhêt jêh ta yôk kloh ueh Gâp Pôri lĕ rngôch bri dak mra nhêt kơt nây; Di ngăn, khân păng mra nhêt jêh ri rvăn ro Jêh nây khân păng mra tâm ban ma ê hŏ mâp geh ôh!

Mika 7:10

Nơm rlăng ma gâp mra saơ nau nây, Jêh ri mra geh nau bêk prêng. Păng jêng nơm hŏ lah ma gâp pô aơ: “Ta ntŭk Yêhôva Brah Ndu may?” Măt gâp mra saơ nau păng rlâm rai, Jêh ri bu mra jot mpet Nâm bu dak bŏk rŏ trong.

Sakari 12:2

“Aơ, Gâp mra ƀư ăn Yêrusalem jêng du mlâm kachok ndrănh ƀư vĭr măt ma lĕ rngôch phung ƀon lan gŭ jŭm păng; jêh ri lah bu nchueng jêh ƀon Yêrusalem pôri phung Yuđa bu ŭch hăn lơh đŏng.

Yôsuê 10:24

Nôk bu njŭn leo prăm hađăch nây văch ma Y-Yôsuê, Y-Yôsuê kuăl lĕ rngôch phung bu klâu Israel jêh ri lah ma phung kôranh chiă uănh tahan hŏ hăn ndrel jêh n'hanh păng pô aơ: “Văch dăch hom, jot jâng khân may ta trô ko phung hađăch aơ.” Khân păng hăn văch dăch, jot jâng khân păng ta trô ko phung hađăch nây.

Nau Tâm Mpơl 11:2

Ƀiălah ndring padih nây om, lơi veh; yorlah bu jao jêh păng ma phung bu năch, jêh ri khân păng mra jot plên ƀon kloh ueh tâm puăn jât ma bar khay.

Nau Tâm Mpơl 17:18

Bu ur may saơ nĕ jêng du ƀon dŭt toyh geh nau dơi ktang ta klơ phung hađăch lam neh ntu.”