Êsai 51:20 - Nau Brah Ndu Ngơi 2023

²⁰ Phung kon bu klâu may khĭt huăr da dê, Bê̆ch lă lêng tâm lam lĕ trong sâng, Tâm ban ma yơng geh nhuăl, Khân păng gŭ tâm dâng nau Brah Yêhôva ji nuih Jêh ri nau Brah Ndu khân may nduyh!

Êsai 51:20 ပူးပေါင်းရင်းမြစ်များ

Êsai 29:9

Ndrât hom jêh ri hih rhâl! Ƀư hom ma khân may nơm chieh măt jêh ri vĭr măt! Khân păng nhŭl, ƀiălah mâu di yor ndrănh ôh; Khân may ndĭt ndĭu ƀiălah mâu di yor ndrănh ktang ôh.

Êsai 40:30

Phung druh ndăm ăt huăr rgănh, Phung bu klâu ndăm ăt chêh prah đŏng.

Êsai 49:26

Gâp mra ăn phung tŭn jot may sa nglay săk khân păng nơm, Nhŭl nhêt mham khân păng nơm tâm ban ma nhŭl ndrănh mhe. Lĕ rngôch bunuyh mra gĭt Gâp jêng Brah Yêhôva, Nơm Tâm Rklaih may, Jêng Nơm Tâm Chuai may, Nơm Geh Lĕ Nau Brah phung Yakôb!”

Êsai 5:25

Yor nây, Brah Yêhôva hŏ ji nuih đah phung ƀon lan Păng. Păng yơr jêh ti tâm rdâng đah khân păng jêh ri dong khân păng, Yôk n'găr mpât da dê. Săk jăn khĭt khân păng jêng tâm ban ma ndŏk ta nklang trong. Nđâp lah kơt nĕ, nau Păng ji nuih ê bah ôh, Ƀiălah ti Păng ăt hôm yơr ƀư ƀaƀơ.

Êsai 51:17

Ơ ƀon Yêrusalem, Kah rngăl hom, kah rngăl hom jêh ri dâk hom may! May hŏ nhêt jêh kachok nau Păng ji nuih, Bơh ti Brah Yêhôva, Nhêt kŏ lĕ jêh Tâm khăl ăn hăn ndĭt ndiu.

Êsai 51:21

Iăt hom nau aơ, ơ nơm rêh ni, Jêng nơm nhŭl ƀiălah mâu di ma ndrănh ôh:

Êsai 66:15

Yorlah aơ, Brah Yêhôva mra văch tâm ŭnh, Jêh ri ndeh seh Păng mra jêng tâm ban ma sial vănh blông, Gay nkhŭt nau Păng ji nuih ktang, Jêh ri nau Păng nduyh tâm chiông ŭnh hit.

Êsai 8:21

Khân păng mra nsong blêng tâm bri, rêh ni ngăn jêh ri ji ngot ji hir. Tâm nôk khân păng ji ngot, khân păng mra ji nuih, rtăp rak hađăch jêh ri Brah Ndu khân păng nơm. Khân păng mra n'gơr măt leo ta klơ trôk,

Yêrêmi 14:16

Bi ma lĕ phung hŏ iăt jêh nau khân păng mbơh lor bu klŭp mƀăr n'gŏ trong sâng Yêrusalem ndrel ma ur, kon bu klâu, kon bu ur khân păng, ƀư bunuyh bu nkhĭt ma đao, sa sât ji ngot mâu geh bunuyh tâp ôh. Yorlah Gâp mra ƀư nau ƀai khân păng nkhŭt tay ta klơ bôk khân păng.

Yêrêmi 14:18

Tơlah gâp hăn tâm mir, Ta nây saơ phung khĭt yor đao; Tơlah gâp lăp tâm ƀon, Ta nây saơ phung ji kuet yorlah sa sât ji ngot. Lĕ rngôch phung nơm mbơh lor nđâp ma phung kôranh nơm ƀư brah Hăn da dê tât du n'gor khân păng mâu gĭt ôh.’”

Nau Nhĭm Vơl 1:15

Kôranh Brah hŏ mưch jêh Lĕ rngôch phung tahan gŭ ta nklang gâp; Păng rgum du phung tahan âk tâm rdâng đah gâp Gay nchah jê̆ jê̆ phung bu klâu ndăm gâp; Kôranh Brah hŏ jot jêh bu ur druh phung Yuđa Nâm bu jot play krăk ƀâu tâm ntu păt ndrănh.

Nau Nhĭm Vơl 1:19

Gâp hŏ kuăl jêh phung rŏng ma gâp Ƀiălah khân păng ndơm gâp; Phung kôranh ƀư brah jêh ri phung bu ranh Hŏ khĭt jêh tâm ƀon, Dôl khân păng joi ndơ sông sa Gay geh plơ̆ tay n'hâm suan.

Nau Nhĭm Vơl 2:19

Dôl măng, dâk hom kuăl mbơh sơm Tâm ăp bôk măng! Nkhŭt hom nuih n'hâm nâm bu dak Tanăp Kôranh Brah. Yơr hom ti may rle mpeh Kôranh Brah Yor nau rêh jêng phung kon may, Khân păng huăr yor ji ngot, Gŭ lam ăp ntŭk njônh trong ƀon toyh.

Nau Nhĭm Vơl 4:11

Brah Yêhôva hŏ ƀư jêh djoh nuih, Nkhŭt nau Păng ji nuih; Păng sŭnh ŭnh ta ƀon Siôn, Ŭnh sa lĕ rngôch mbon păng.

Nau Nhĭm Vơl 4:2

Phung kon bu klâu Siôn ueh ngăn, Khlay ngăn nâm bu mah chrêk, Aƀaơ bu uănh tâm ban ma yăng bu mon uk, Tă bơh kan ti phung mon uk ƀư!

Nau Nhĭm Vơl 5:13

Bu nchâp phung mom ndăm tuy mpăl kĭn, Bi phung ndăm rah ndĭt ndĭu tâm dâng mbăk nchăp long.

Êsêkiêl 12:13

Gâp mra nthăng jal ta klơ hađăch, jêh ri păng mra geh tâm dăk Gâp. Gâp mra njŭn leo hađăch ma Babilôn jêng bri phung Kaldê. Ƀiălah păng mâu mra saơ bri nây ôh nđâp lah mra khĭt ta nây.

Êsêkiêl 17:20

Gâp mra drăng nhuăl Gâp ta klơ păng, jêh ri păng mra geh văk ta nhuăl Gâp. Gâp mra leo păng rlet ma Babilôn, ta nây, Gâp mra phat dôih păng ma nau tih păng mâu răp jăp đah Gâp.

Êsêkiêl 39:19

Khân may mra sa ngi ăn hơm, nhêt mham ăn nhŭl tă bơh mpa ƀư brah Gâp nkhĭt jêh ăn khân may.

Nau Vay Nkah Tay 14:5

jun, njoih, jĭl, be bri, yơng, ndrôk bri, jêh ri biăp yôk.

Nau Vay Nkah Tay 28:20

Tơlah khân may ƀư nau djơh mhĭk jêh ri chalơi Brah Yêhôva pôri Păng mra ăn tât nau mhĭk, nau krit klach jêh ri nau phit ndrŏt tâm khân may, tâm lĕ nau kan ti khân may ƀư, kŏ tât khân may rai jêh ri gơnh rai lôch ro.

Nau Tâm Mpơl 14:10

bunuyh nây mra nhêt ndrănh nau ji nuih mâu pot lai tă bơh Brah Ndu kêt tâm kachok nau Păng ji nuih, păng mra dơn nau nđêh nji tâm ŭnh jêh ri mô ŭnh tanăp phung tông mpăr kloh jêh ri tanăp Kon Biăp.