Êsai 51:2 - Nau Brah Ndu Ngơi 2023

² Ăn khân may uănh hom chô yau khân may jêng Y-Abraham Jêh ri ma H'Sara, jêng nơm deh ma khân may; Gâp kuăl jêh Y-Abraham nôk păng gŭ knŏng du huê, Ƀiălah Gâp hŏ ăn nau ueh uĭn ma păng, Jêh ri ƀư ma păng plơ̆ jêng âk râk.

Êsai 51:2 ပူးပေါင်းရင်းမြစ်များ

Nau Ntơm 22:17

Gâp mra ăn nau ueh uĭn ma may âk ngăn, ƀư ma noi deh may âk tâm ban nâm mănh tâm trôk, âk tâm ban nâm choih kơh dak mƀŭt, jêh ri noi deh may mra dơi pit mpông ƀon phung rlăng.

Nau Ntơm 24:1

Y-Abraham lĕ ranh jêh, năm lĕ âk; jêh ri Brah Yêhôva ăn jêh nau ueh uĭn ma Y-Abraham tâm ăp ntil ndơ.

Nau Ntơm 24:35

Brah Yêhôva hŏ ăn nau ueh uĭn âk ma kôranh gâp jêh ri ăn ma kôranh gâp jêng ndrŏng. Păng ăn ma kôranh gâp biăp ndrôk, prăk mah, phung oh mon bu klâu bu ur, seh samô jêh ri seh bri.

Êsai 29:22

Yor nây, Brah Yêhôva jêng Nơm tâm chuai jêh Y-Abraham hŏ lah jêh ma ngih Yakôb pô aơ: “Aƀaơ aơ, Yakôb mâu mra hôm bêk ôh, Jêh ri muh măt khân păng mra mâu hôm pal.

Êsai 41:8

Ƀiălah ơ phung Israel, khân may jêng oh mon Gâp, Ơ Yakôb, jêng nơm Gâp hŏ săch jêh, Khân may jêng noi deh Y-Abraham, mĭt jiăng Gâp.

Êsai 43:27

Chô yau may ƀư tih jêh, Phung chiă uănh tâm may dâk tâm rdâng đah Gâp.

Êsai 48:1

Iăt hom nau aơ, Ơ ngih Yakôb, Jêng phung bu rnha ma amoh Israel, Luh tơm bơh Y-Yuđa, Jêng phung ton săk tâm amoh Brah Yêhôva, Jêh ri vơh vơl ma Brah Ndu phung Israel, Ƀiălah mâu geh nuih n'hâm nanê̆ ngăn jêh ri sŏng srăng ôh.

Êsai 60:22

Nơm djê̆ lơn mra geh rbăn phung kon sau, Nơm rdja lơn mra jêng du mpôl băl bunuyh ktang. Gâp jêng Brah Yêhôva, Gâp mra ƀư gơnh nau nây di nau tâm nal!

Êsai 63:16

Nanê̆, May jêng Mbơ̆ hên; Nđâp tơlah Y-Abraham mâu gĭt năl ôh hên, Jêh ri Y-Israel mâu lĕ dơn hên; Ơ Brah Yêhôva, May yơh jêng Mbơ̆ hên, Bơh rnôk n'ho ro May jêng Nơm Tâm Chuai hên.

Êsêkiêl 33:24

“Hơi kon bunuyh, phung gŭ tâm ntŭk rlâm rai ta bri Israel lah pô aơ: ‘Y-Abraham knŏng du huê păng ƀiălah hŏ dơi sŏk dơn jêh bri neh aơ. Bi ma he âk bunuyh n'hêl nanê̆ bri aơ mra dơi ăn ma he ƀư jêng drăp ndơn.’

Nau Vay Nkah Tay 1:10

Yêhôva Brah Ndu khân may ƀư bĭk rơ̆ jêh rnoh bunuyh kŏ tât nar aơ âk tâm ban ma mănh klơ trôk.

Nau Vay Nkah Tay 26:5

Jêh nây, ăn khân may ngơi tanăp Yêhôva Brah Ndu pô aơ: ‘Chô yau hên jêng du huê bunuyh Aram nsong mblêng jŭr ta Êjipt, gŭ njưh ƀât lât ta nây đah du phung djê̆, ƀiălah bơh ta nây lĕ plăch jêng du ndŭl mpôl toyh, ktang jêh ri bĭk âk.

Yôsuê 24:3

Ƀiălah Gâp djôt leo jêh Y-Abraham, chô yau khân may, bơh đah ri dak krong jêh ri njŭn păng hăn lam lĕ bri Kanaan, ăn Y-Isăk ma păng jêh ri ƀư ma noi deh păng deh kon bĭk rơ̆.