Êsai 51:19 - Nau Brah Ndu Ngơi 2023

¹⁹ Bar nau tât aơ tât jêh ma khân may, Jêng nau rngot jêh ri nau ƀư rai, nau sa sât ji ngot jêh ri đao tak; Mbu nơm yô̆ ma may? Moh nau Gâp mra sŏk gay bonh may?

Êsai 51:19 ပူးပေါင်းရင်းမြစ်များ

Ndrom Samƀŭt bơh Yôp 2:11

Lah pe nuyh mĭt jiăng Y-Yôp jêng Y-Êlipas phung Têman, Y-Bildat phung Suah jêh ri Y-Sôphar phung Naama tăng lư nau mhĭk tât ma păng, khân păng tă bơh ƀon khân păng nơm tâm nal văch gay ma pă nau rngot jêh ri bonh leng păng.

Ndrom Samƀŭt bơh Yôp 42:11

Lĕ rngôch oh nâu, oh nur jêh ri lĕ rngôch phung tâm bên đah Y-Yôp ntơm bơh saơm văch khâl da dê jêh ri sông sa ndrel ma păng tâm trôm ngih. Khân păng tâm mpơl nau yô̆ ma păng jêh ri bonh leng păng yor lĕ rngôch nau mhĭk Brah Yêhôva hŏ ăn jêh ma păng. Ăp nơm khân păng ăn da dê ma păng du glo prăk jêh ri du mlâm rgên mah.

Nau Mprơ Ơm 69:20

Nuih n'hâm gâp chah rai yor bu ƀư nau prêng, Jêh ri gâp rêh ni ngăn. Gâp kâp gân nau yô̆ ƀiălah mâu saơ, Gâp joi nơm bonh leng ƀiălah mâu mâp.

Nơm Nti 4:1

Gâp plơ̆ sek uănh tay lĕ rngôch nau tŭn jot nau tât geh tâm dâng nar: Ri, phung bu tŭn jot hoch hor dak măt Mâu geh nơm bonh leng khân păng! Phung tŭn jot mƀin nsing ma nau dơi, Ƀiălah phung bu tŭn jot mâu geh nơm bonh leng!

Êsai 14:30

Rnôk nây, phung o ach lơn mra joi saơ ndơ sông sa, Phung pưt ndơ mra lâng bê̆ch tâm nau đăp mpăn. Ƀiălah Gâp mra ƀư ma noi deh may khĭt ma nau sa sât ji ngot, Jêh ri đơ phung hôm klen bu mra nkhĭt.

Êsai 22:4

Yor nây, gâp lah: “N'gĭl hom măt bơh gâp! Ăn gâp nhĭm rngot ngăn; Lơi srôih joi nau bonh leng gâp ôh Ma nau ƀư rai kon bu ur phung ƀon lan gâp!”

Êsai 47:9

Tâm ƀât lât, tâm du nar, Bar ntil nau tât aơ mra tât ma ay jêng nau roh phung kon jêh ri nau bu ur ndrô sai Mra tât ma ay. Bar ntil nau tât aơ mra tât ndal ma ay, Nđâp tơlah ay jêng n'hŭm njêh, Jêh ri geh nau brah toyh blau rƀên kđôi lĕ.

Êsai 54:11

“Ơ phung rêh ni, nơm phŭt sial ktang rpuh đô̆, jêh ri nơm mâu geh bonh leng ôh, Aơ, gâp sŏk lŭ saphir ƀư lŭ gay ndâk ngih may, Jêh ri gâp mra dơm mbon may ma lŭ ônik.

Êsai 60:18

Bri may mâu mra đŏng tăng ôh nau djơh janh, N'gor may mâu đŏng hôm nau jêng rngot njăp rlâm rai nchah. May mra rnha mpêr ƀon may jêng “Nau Tâm Rklaih” Jêh ri kuăl mpông ƀon may jêng “Nau Tâm Mprơ Rnê.”

Êsai 61:2

Gay mbơh năm Brah Yêhôva yô̆, Jêh ri nar Brah Ndu he plơng bôk, Gay ma bonh leng lĕ rngôch phung rngot klâng;

Êsai 8:21

Khân păng mra nsong blêng tâm bri, rêh ni ngăn jêh ri ji ngot ji hir. Tâm nôk khân păng ji ngot, khân păng mra ji nuih, rtăp rak hađăch jêh ri Brah Ndu khân păng nơm. Khân păng mra n'gơr măt leo ta klơ trôk,

Êsai 9:20

Phung Manasê tâm rdâng đah phung Êphraim, phung Êphraim tâm rdâng đah phung Manasê, Jêh ri ndrel n'grŭp khân păng tâm rdâng ma phung Yuđa. Nđâp ma lĕ nau nây kđôi, nau Păng ji nuih mâu du ôh, Ƀiălah ti Păng ăt hôm yơr!

Yêrêmi 15:5

Ơ Yêrusalem, mbu nơm mra yô̆ nđach ma may? Mbu nơm klâng ndrê ma may? Mbu nơm mra plơ̆ tay Gay veh ôp ma may?”

Yêrêmi 24:10

Gâp mra đă đao, nau sât ji ngot, nau ji tưp tât ta nklang khân păng, kŏ tât bu mra ƀư rai lĕ bơh neh Gâp hŏ ăn jêh ma khân păng jêh ri ma phung chô yau khân păng.’”

Nau Nhĭm Vơl 1:12

“Hơi lĕ rngôch mbu nơm hăn rgăn ta aơ! khân may mâu meng ôh hĕ? Văch hom jêh ri uănh! Geh đŏng nau rngot dơi rđĭl Đah nau rngot Brah Yêhôva jŭr jêh ta klơ gâp, Păng hŏ tâm rmal jêh gâp Tâm nar Păng ji nuih ngăn hĕ?

Nau Nhĭm Vơl 1:9

Nau ƀơ̆ ƀơch păng krêp tâm nah bŭt păng; Păng mâu mĭn ôh ma nar kăndơ̆; Păng lĕ tŭp jêng mha ngăn Mâu geh nơm bonh leng păng ôh! “Ơ Brah Yêhôva, uănh hom ma nau rêh ni gâp, Yorlah phung rlăng hŏ yơk n'hao êng păng nơm!”

Nau Nhĭm Vơl 3:47

Hên tŭp tâm nau krit klach jêh ri ntu jru Jêng rngol jêh ri rlâm rai nchah.”

Êsêkiêl 14:15

Tơlah Gâp ăn mpa bri janh hăn ăp ntŭk ƀư rai lơi jêh ri ƀư ăn ma bri nây jêng rngol, kŏ tât mâu hôm geh bunuyh hăn prot yorlah klach mpô mpa nây;

Êsêkiêl 14:21

Pônây Kôranh Brah Yêhôva lah: ‘Gâp sŏk puăn ntil nau tâm rmal jru rlau lơn ma nây jêng gưm đao, nau sa sât ji ngot, mpô mpa bri janh jêh ri nau ji tưp nkhĭt ăn ma ƀon Yêrusalem gay ƀư rai lơi bunuyh jêh ri mpô mpa tâm bri tâm nây.

Amôt 7:2

Tơlah krah sa lĕ jêh gơ̆ tâm bri nây, gâp lah pô aơ: “Hơi Kôranh Brah Yêhôva, gâp vơh vơl dăn May yô̆ an hom! Mâm Y-Yakôb hôm dâk dơi lĕ? Yor păng jê̆ lê̆ ir.”

Nahum 3:7

Nôk nây, bu saơ ay mra du ngai jêh ri lah: ‘Ƀon Ninive lĕ rai ƀhiau jêh! Mbu nơm mra yô̆ nđach ma păng?’ Ta ntŭk Gâp joi ma ay phung bonh leng?”

II Kôrintô 7:13

Nây jêng nau bonh leng hên. Rlau ma nau bonh leng nây, hên geh nau răm maak âk lơn yor ma Y-Tit, yor lĕ rngôch khân may hŏ ƀư jêh nau mĭn păng geh nau mpăn ngăn.