Êsai 51:16 - Nau Brah Ndu Ngơi 2023

¹⁶ Gâp dơm jêh nau gâp ngơi tâm trôm mbung may, Jêh ri pôn jêh may tâm dâng gui ti Gâp, Tâm nôk ndâk lĕ ndâr trôk, Dơm mbon rplay neh, Jêh ri lah ma ƀon Siôn pô aơ: ‘Khân may jêng phung ƀon lan Gâp.’”

Êsai 51:16 ပူးပေါင်းရင်းမြစ်များ

Nau Mprơ Ơm 75:3

Tơlah neh ntu jêh ri lĕ rngôch phung bunuyh ta klơ neh mpât n'găr Gâp yơh mra mât nâp lĕ meh păng. (Sêla)

Nau Mprơ Ơm 91:4

Păng mra sŏk rsau Păng king n'gang may Jêh ri may mra du krap tâm dâng năr Păng; Nau răp jăp Păng jêng khêl toyh jêh ri khêl jê̆ may.

Nau Mprơ Ơm 92:13

Phung bu dơi tăm tâm ngih Brah Yêhôva Mra luh kao tâm nkual nhuang Brah Ndu hên.

Nau Ngluh Êjipt 33:22

Lah nau chrêk rmah Gâp prot rgăn, Gâp mra ăn may tâm trôm lŭ jêh ri Gâp mra nkŭm may ma ti Gâp kŏ tât Gâp hăn n'hot jêh

Nau Ngluh Êjipt 4:15

Ăn may ngơi đah nâu may, jêh ri dăp dơm rplay ngơi tâm trôm mbung păng. Gâp mra gŭ ndrel ma trôm mbung may nđâp ma trôm mbung nâu may jêh ri nti khân may moh ndơ mra ƀư.

Êsai 45:18

Yorlah Brah Yêhôva jêng Nơm hŏ rhăk njêng lĕ ndâr trôk, Jêng Brah Ndu, Nơm hŏ rhăk njêng rplay neh, Păng njêng jêh ri ƀư ăn nâp, Păng mâu rhăk ăn jêng ntŭk hŏng ôh, Ƀiălah njêng păng ăn ntŭk kon bunuyh gŭ. Nơm nây lah pô aơ: “Gâp jêng Brah Yêhôva, mâu hôm geh Nơm êng ôh!”

Êsai 48:13

Ti Gâp nơm dơm jêh mbon rplay neh, Ti ma Gâp ling jêh lĕ ndâr trôk; Lah Gâp kuăl, Trôk jêh ri neh ntu dâk da dê.

Êsai 49:2

Păng ƀư ăn trôm mbung gâp jêng tâm ban ma đao hơr ngăn, Păng pôn jêh gâp tâm gui ti Păng. Păng ƀư ma gâp tâm ban chiông hăr mplanh, Jêh ri Păng pôn jêh gâp tâm dĭng hăr Păng.

Êsai 49:8

Pô aơ Brah Yêhôva lah: “Gâp dơn jêh nau may ngơi tâm nar găl, Gâp kâp kơl may jêh ta nar tâm rklaih. Gâp mra mât mray may, N'gân may jêng du nau tâm rnglăp đah phung ƀon lan, Gay ndâk njêng tay bri dak, Jêh ri gay tâm pă neh ntŭk rngot njăp ƀư drăp ndơn;

Êsai 50:4

Kôranh Brah Yêhôva ăn jêh ma Gâp Mpiăt phung nti jêh, Gay ma Gâp blau ngơi N'hao nuih phung rgănh. Ăp ôi Păng rlay Gâp, Păng pơk tôr Gâp Gay ma Gâp gŭ iăt tâm ban ma nơm nti.

Êsai 57:19

Gâp rhăk njêng nau tâm rnê ta bâr mbung khân păng: ‘Đăp mpăn! Đăp mpăn ma nơm gŭ ngai jêh ri ma phung gŭ dăch!’” Brah Yêhôva lah: “Gâp mra ƀư bah păng.

Êsai 59:21

Brah Yêhôva lah: “Bi Gâp be, aơ jêng nau tâm rnglăp Gâp ƀư đah khân păng: ‘Brah Huêng Ueh Gâp gŭ ta klơ khân may, jêh ri lĕ nau Gâp ngơi hŏ dơm jêh tâm trôm mbung khân may mâu mra du bơh trôm mbung khân may ôh, tâm trôm mbung phung noi deh khân may, jêh ri tâm trôm mbung phung sau khân may, ntơm bơh aƀaơ tât ta n'ho ro!’ ” Brah Yêhôva lah kơt nĕ.

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Êsai 65:17

“Yorlah aơ, Gâp mra rhăk njêng trôk mhe jêh ri neh mhe; Bu mâu hôm kah gĭt ôh ma lĕ ndơ kăl e, Mâu lĕ bu hôm mĭn ma ndơ nây.

Êsai 66:22

“Yorlah tâm ban ma trôk mhe jêh ri neh mhe Gâp rhăk njêng jêh, Mra ăt hôm e tanăp Gâp tâm ban kơt nây lĕ, Noi deh jêh ri amoh săk năm deh khân may mra ăt hôm e nâm bu kơt nây lĕ.” Brah Yêhôva lah pônây.

Yêrêmi 1:9

Pôri Brah Yêhôva yơr ti bi ta mbung gâp. Brah Yêhôva lah ma gâp: “Aơ, Gâp hŏ dơm jêh nau Gâp tâm mbung may.

Yêrêmi 24:7

Gâp mra ăn ma khân păng nuih n'hâm gĭt năl Gâp jêng Brah Yêhôva. Khân păng mra ƀư ƀon lan Gâp jêh ri Gâp mra ƀư Brah Ndu khân păng, yorlah khân păng mra lĕ nuih n'hâm plơ̆ sĭt tay ma Gâp.’

Yêrêmi 31:33

Brah Yêhôva lah: “Aơ jêng nau tâm rnglăp Gâp mra ƀư đah ngih Israel pakơi lĕ nar nây. Gâp mra dơm nau vay Gâp tâm nuih n'hâm khân păng jêh ri nchih prăp tâm nuih n'hâm khân păng. Gâp mra jêng Brah Ndu khân păng jêh ri khân păng mra jêng ƀon lan Gâp.

Yêrêmi 32:38

Khân păng mra jêng phung ƀon lan Gâp, jêh ri Gâp mra jêng Brah Ndu khân păng.

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”

Sakari 8:8

Gâp djôt leo khân păng sĭt, jêh ri khân păng mra gŭ ta nklang ƀon Yêrusalem. Khân păng mra jêng phung ƀon lan Gâp; bi Gâp mra jêng Brah Ndu khân păng tâm nau răp jăp jêh ri nau sŏng srăng.”

Yôhan 17:8

Yorlah Kon hŏ ăn jêh ma khân păng lĕ nau ngơi Mbơ̆ hŏ ăn ma Gâp. Khân păng sŏk dơn jêh, gĭt nanê̆ Kon luh tă bơh Mbơ̆ jêh ri chroh Mbơ̆ hŏ njuăl Kon.

Yôhan 3:34

Yorlah Nơm Brah Ndu hŏ njuăl văch jêh mbơh knoch nau ngơi Brah Ndu, yorlah Brah Ndu ăn Brah Huêng Ueh ma Păng mâu geh dŭt.

Nau Vay Nkah Tay 18:18

Tă bơh nklang phung oh nâu khân păng, Gâp mra n'hao ma khân păng du huê nơm mbơh lor nâm bu may. Gâp mra dơm nau Gâp ngơi tâm mbung bunuyh nây, jêh ri bunuyh nây mra ngơi ma khân păng lĕ nau Gâp ntĭnh jêh.

Nau Vay Nkah Tay 33:27

Brah Ndu gŭ rêh n'ho ro jêng ntŭk du krap, Ti n'ho ro bơh Păng kơl an he. Păng mra nsot phung rlăng du luh bơh măt khân may Jêh ri lah: ‘Ƀư rai hom khân păng!’

ហេឞ្រើ 8:10

Kôranh Brah lah: “Aơ jêng nau tâm rnglăp Gâp mra ƀư ma ngih Israel: Pakơi lĕ nar nây, Gâp mra dơm nau vay Gâp tâm nau mĭn khân păng, Jêh ri nchih prăp tâm nuih n'hâm khân păng. Gâp mra jêng Brah Ndu khân păng, Jêh ri khân păng mra jêng phung ƀon lan Gâp.

II Pêtrôs 3:13

Ƀiălah tĭng nâm nau Păng ton, he kâp gân trôk mhe jêh ri neh ntu mhe jêng ntŭk nau sŏng srăng gŭ.

Nau Tâm Mpơl 1:1

Nau Yêsu Krist tâm mpơl tĭng nâm Brah Ndu ăn ma Păng gay tâm mpơl ma phung oh mon Păng lĕ nau kan bơi tât. Păng njuăl tông mpăr hăn tât gay tâm mpơl ma Y-Yôhan, oh mon Păng,