Êsai 51:15 - Nau Brah Ndu Ngơi 2023

¹⁵ Yorlah Gâp jêng Yêhôva Brah Ndu khân may, Jêng Nơm ăn dak mƀŭt rbuh, jêh ri rbuh tap djhu djhut. Brah Yêhôva ma phung tahan jêng amoh Gâp.

Êsai 51:15 ပူးပေါင်းရင်းမြစ်များ

Nêhêmi 9:11

Kôranh Brah tâm nkhah dak mƀŭt tanăp măt phung ƀon lan May Gay ăn khân păng hăn rgăn ta klơ neh sơh ta nklang dak mƀŭt. Bi ma phung hăn tĭng pakơi, Kôranh Brah klŭp khân păng tâm dâng brŏng jru Nâm bu klŭp lŭ tâm dak toyh.

Ndrom Samƀŭt bơh Yôp 26:12

Păng sŏk nau brah ƀư ăn rbuh dak mƀŭt gŭ rngân; Sŏk nau blau mĭn âk dong cha lôt Rahap.

Nau Mprơ Ơm 107:25

Păng ăn phŭt sail khôm, Jêh ri mpiăt dak toyh rpuh đô̆;

Nau Mprơ Ơm 136:13

Păng tâm pă Dak Mƀŭt Chăng jêng bar, Yor nuih n'hâm ueh Păng hôm tât n'ho ro.

Nau Mprơ Ơm 74:13

May sŏk nau brah May gay ma rnglah lơi dak mƀŭt, Dong nchah bôk mpa djơh mhĭk tâm dak.

Nau Ngluh Êjipt 6:7

Gâp mra dơn khân may jêng phung ƀon lan Gâp, jêh ri Gâp mra jêng Brah Ndu khân may. Khân may mra gĭt Gâp jêng Yêhôva Brah Ndu khân may, Nơm hŏ djôt khân may luh bơh kan jâk jêr tă bơh phung Êjipt.

Êsai 47:4

Nơm Tâm Chuai he Jêng Nơm Kloh Ueh phung Israel; Amoh Păng jêng Brah Yêhôva ma phung tahan.

Êsai 48:2

Yorlah khân păng rnha khân păng nơm jêng phung luh bơh ƀon kloh ueh, Jêh ri rnơm ma Brah Ndu phung Israel; Amoh Păng jêng Brah Yêhôva ma phung tahan:

Êsai 51:10

Mâu di May hĕ ƀư suăt jêh dak mƀŭt, Ƀư suăt lơi lĕ tu dak brŏng toyh; Ƀư du mlâm trong tâm dak mƀŭt jru Gay ma phung may tâm chuai jêh dơi hăn rgăn?

Êsai 54:5

Yorlah sai ay jêng Nơm Rhăk Njêng ay; Amoh Păng jêng Brah Yêhôva ma phung tahan. Nơm Tâm Chuai ay jêng Nơm Kloh Ueh Israel, Bu mra rnha Păng jêng Brah Ndu ma lĕ neh ntu.

Yêrêmi 10:16

Drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Jêh ri Israel jêng mpôl băl drăp ndơn Păng. Amoh Păng jêng Brah Yêhôva ma phung tahan.”

Yêrêmi 31:35

Brah Yêhôva jêng Nơm ăn nar ƀư nau ang dôl nar, Tâm nal jêh nau vay dăp ăn ma khay, jêh ri mănh sol ang dôl măng; Nơm ƀư mpât dak mƀŭt ăn sial rbuh lŭng nter, Tâm amoh Păng jêng Brah Yêhôva ma phung tahan, lah pô aơ:

Yêrêmi 51:5

Phung Israel ndrel ma phung Yuđa bu mâu dun chalơi ôh, Ma yor Brah Ndu jêng Brah Yêhôva ma phung tahan khân păng; Nđâp lah bri dak khân păng bêng ma nau tih mhĭk Yorlah tâm rdâng đah Nơm Kloh Ueh Israel.

Kan Lêvi 11:44

Yorlah Gâp jêng Yêhôva Brah Ndu khân may; pôri prăp hom khân may nơm ăn kloh ueh jêh ri kloh ueh hom, yorlah Gâp nơm jêng kloh ueh. Lơi yor ăp ntil ndrŭng vơr ta klơ neh ƀư ma khân may nơm geh nau ƀơ̆ ƀơch.