Êsai 51:14 - Nau Brah Ndu Ngơi 2023

¹⁴ Bu mra tâm rklaih gơnh phung jêng bu nă; Khân păng mâu mra khĭt tâm ndrung ngo ôh, Mâu lĕ khân păng pưt ndơ sông sa.

Êsai 51:14 ပူးပေါင်းရင်းမြစ်များ

Êsra 1:5

Rnôk nây, phung kôranh ƀon Yuđa jêh ri phung Benjamin, phung kôranh ƀư brah, jêh ri phung Lêvi, ndrel ma lĕ rngôch bunuyh Brah Ndu hŏ nsŭk nsôr tâm nuih n'hâm ŭch hăn hao ndâk njêng đŏng ngih brah Brah Yêhôva ta ƀon Yêrusalem, hŏ ndrăp hăn.

Êsai 30:20

Kôranh Brah mra ăn ma khân may piăng let nau rngot jêh ri dak nau rêh ni. Rnôk aơ, phung sâm nti may mâu hôm đŏng pôn muh măt ôh; măt may mra saơ phung sâm nti may.

Êsai 33:6

Păng mra jêng nau nâp ma nar jêh ri mông khân may, Jêng nau tâm rklaih rmeh ler, nau blau mĭn, jêh ri nau gĭt rbăng; Nau klach yơk ma Brah Yêhôva jêng jay ndơ khlay Păng ăn.

Êsai 48:20

Luh hom bơh Babilôn! du hom ngai bơh bri Kaldê! Răm maak troh nter hom mbơh jêh ri nkoch bri nau nây, Mbơh hom nau aơ kŏ tât dŭt rplay neh! Lah hom, “Brah Yêhôva tâm chuai jêh phung Yakôb, jêng oh mon Păng.”

Êsai 49:10

Khân păng mâu mra ji ngot ôh, mâu lĕ ji hir, N'hâm duh jêh ri nar mâu hôm ƀư rêh ni ma khân păng ôh, Yorlah Nơm yô̆ nđach ma khân păng mra njŭn khân păng, Njŭn leo khân păng văch dăch lĕ dak n'hor.

Êsai 49:25

Ƀiălah Brah Yêhôva lah: “Nanê̆, đơ phung bunuyh tă nơm dăng bu nhŭp mra dơi rklaih, Bu mra mplơ̆ tay ndơ bơh phung janh ƀai sŏk pit; Yorlah Gâp mra tâm rdâng đah phung tâm rdâng đah may, Jêh ri Gâp yơh mra tâm rklaih phung kon may.

Êsai 52:2

Ơ ƀon Yêrusalem, dâk hom may, Rtuh hom ndruyh neh jêh ri gŭ ta klơ sưng hađăch; Ơ kon bu ur ƀon Siôn, jêng phung gŭ tâm ndrung Doh êng rse ta trô ko ay.

Yêrêmi 37:16

Pônây Y-Yêrêmi bu krŭng tâm ndrung, krŭng tâm ntu ngo, jêh ri bu ăn gŭ ta nây jŏ nar.

Sakari 9:11

“Bi ma may tâm ban đŏng, yorlah mham Gâp tâm rnglăp đah may, Pôri Gâp mra mƀơk phung bu nă may luh bơh ntu jru mâu geh ôh dak.