Êsai 51:12 - Nau Brah Ndu Ngơi 2023

¹² “Gâp, Gâp yơh jêng Nơm bonh khân may. Mbu nơm may dĭng may klach ma bunuyh blau khĭt, Klach phung kon bunuyh jêng phung mra tâm ban ma gơ̆?

Êsai 51:12 ပူးပေါင်းရင်းမြစ်များ

II Phung Hađăch 1:15

Tông mpăr Brah Yêhôva lah ma Y-Êli: “Hăn jŭr hom ma bunuyh aơ, lơi klach ma păng ôh.” Pôri, Y-Êli dâk hăn jŭr ndrel ma kôranh nây gay tâm mâp ma hađăch.

Nau Mprơ Ơm 118:6

Brah Yêhôva gŭ koh dŏng gâp, gâp mâu mra klach ôh, Moh bunuyh dơi mra ƀư ma gâp?

Nau Mprơ Ơm 146:4

Lah tăch n'hâm, kon bunuyh plơ̆ sĭt ro ta ndruyh neh; Tâm nar nây yơh, lĕ nau păng ŭch ƀư rai lôch.

Nau Mprơ Ơm 92:7

Nđâp tơlah phung ƀai hon nâm bu gơ̆. Jêh ri phung mhĭk geh nau ndrŏng, Khân păng bu mra ƀư rai n'ho ro.

Nau Hôr 29:26

Âk bunuyh tĭng joi nau yô̆ bơh phung kôranh chiă uănh, Ƀiălah nau di ăn kon bunuyh tă bơh Brah Yêhôva.

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 2:22

Lơi hôm rnơm ma kon bunuyh ôh Jêng phung geh n'hâm nsôr tâm trôm muh, Yorlah khân păng mâu geh rnoh khlay ôh?

Êsai 40:1

Brah Ndu khân may lah: “Bonh leng hom, bonh leng hom phung ƀon lan Gâp.

Êsai 43:25

Gâp, Gâp yơh jêng Nơm yor Gâp nơm Jut lơi lĕ nau tih may, Gâp mâu mra kah gĭt ôh ma nau tih may.

Êsai 49:13

Ơ lĕ ndâr trôk, troh nter hom! Ơ neh ntu, răm maak hom! Ơ yôk, nter troh mprơ hom! Yorlah Brah Yêhôva hŏ bonh leng jêh phung ƀon lan Păng, Jêh ri yô̆ nđach ma phung rêh ni.”

Êsai 51:3

Yorlah Brah Yêhôva bonh leng Siôn; Păng bonh leng lĕ rngôch ntŭk păng lĕ rlâm. Păng rgâl bri rdah jêng ma n'gar Êđen, Ndrêch rdah jêng n'gar Brah Yêhôva. Ta nklang đang trao nây mra geh nau maak, răm rhơn, Nau tâm rnê jêh ri bâr mprơ.

Êsai 52:9

Ơ ntŭk rlâm tâm ƀon Yêrusalem, Troh hom ma nau mprơ ndrel n'grŭp. Yorlah Brah Yêhôva hŏ bonh leng jêh phung ƀon lan Păng, Tâm chuai jêh ƀon Yêrusalem.

Êsai 57:11

Ma mbu khân may krit jêh ri klach Kŏ tât may mƀruh, May mâu kah gĭt ma Gâp, Jêh ri mâu klâng rvê ma Gâp? Mâu di hĕ yorlah jŏ jêh Gâp gŭ rklăk, Rĭ dĭng may mâu klach yơk ma Gâp?

Êsai 61:2

Gay mbơh năm Brah Yêhôva yô̆, Jêh ri nar Brah Ndu he plơng bôk, Gay ma bonh leng lĕ rngôch phung rngot klâng;

Êsai 66:13

Gâp mra bonh leng khân may Tâm ban ma me bonh leng kon păng, Khân may mra geh nau tâm bonh leng tâm Yêrusalem.”

Êsai 8:12

“Lơi rnha ôh nau ndơm ma lĕ rngôch nau phung ƀon lan aơ mra rnha nau ndơm! Lơi klach ôh nau khân păng klach, mâu lĕ râm nsâr.

Yêrêmi 38:19

Hađăch Sêdêkia lah ma Y-Yêrêmi: “Gâp klach lah gâp hŏ luh jao săk gâp nơm ma phung tahan Kaldê, phung Yuđa mra jao gâp ma ti khân păng jêh ri khân păng ƀư mhĭk ma gâp.”

Yêrêmi 41:18

der ngai ma phung Kaldê. Khân păng klach phung Kaldê yorlah Y-Ismaêl, kon bu klâu Y-Nêthania, hŏ nkhĭt jêh Y-Gêdalia, kon bu klâu Y-Ahikam, nơm hađăch Babilôn hŏ ndâk jêh ƀư kôranh toyh chiă uănh bri dak.

Êsêkiêl 2:6

Ƀiălah hơi kon bunuyh, lơi may klach khân păng ôh jêh ri mâu lĕ klach ma nau khân păng ngơi, nđâp lah rtau lok gŭ jŭm may jêh ri may gŭ tâm nklang ndŭr vơng kđôi lĕ. Lơi ta klach ôh ma nau khân păng ngơi jêh ri klach krit dôl tâm mâp măt đah khân păng yorlah khân păng jêng ngih vay mơng tâm rdâng.

Mathay 10:28

Lơi klach ôh ma phung nkhĭt săk jăn ƀiălah mâu dơi nkhĭt huêng; ƀiălah ăn khân may klach ma nơm dơi nkhĭt huêng nđâp ma săk jăn tâm ndrung ŭnh.

Yôhan 14:18

Gâp mâu chalơi khân may jêng kon đơi ôh, Gâp mra plơ̆ đŏng ma khân may.

Kôranh Oh Mon 9:31

Pôri, Phung ngih Brah Ndu tâm n'gor Yuđa, Galilê, jêh ri Samari, geh nau đăp mpăn, văch ma toyh, hăn tâm nau klach yơk ma Kôranh Brah; yorlah Brah Huêng Ueh kơl, phung chroh jêng lơ nar lơ ntop âk.

I Pêtrôs 1:24

Yorlah, “Lĕ rngôch nglay săk nâm bu gơ̆, Jêh ri lĕ rngôch nau chrêk rmah păng nâm bu kao gơ̆. Gơ̆ kro, kao rŭng,

I Samuel 15:24

Y-Sôl plơ̆ lah ma Y-Samuel: “Gâp lĕ ƀư tih jêh, yorlah gâp ƀư tih jêh nau vay Brah Yêhôva ntăm jêh ri nau may ngơi. Yorlah Gâp klach ma phung ƀon lan jêh ri iăt tĭng nau khân păng.

I Samuel 17:11

Y-Sôl jêh ri lĕ rngôch phung Israel tăng lĕ nau ngơi bơh bu klâu Philistin, khân păng krit kir jêh ri klach hâu ngăn.

I Samuel 21:13

Păng jan ƀư brŭt tanăp khân păng, jan ƀư rluk ta nklang khân păng; păng kach nchih ta mpông pêr jêh ri păng ƀư hor dak diu ta têp păng.