Êsai 50:4 - Nau Brah Ndu Ngơi 2023

⁴ Kôranh Brah Yêhôva ăn jêh ma Gâp Mpiăt phung nti jêh, Gay ma Gâp blau ngơi N'hao nuih phung rgănh. Ăp ôi Păng rlay Gâp, Păng pơk tôr Gâp Gay ma Gâp gŭ iăt tâm ban ma nơm nti.

Êsai 50:4 ပူးပေါင်းရင်းမြစ်များ

Ndrom Samƀŭt bơh Yôp 4:4

Nau may ngơi hŏ kâp kơl nơm chêh prah, May hŏ ƀư nâp dăng jêh kômâk lĕ rbăn.

Nau Mprơ Ơm 119:147

Gâp dâk lor ma ƀhit rvi ang jêh ri kuăl mbơh sơm; Gâp kâp gân jêh tâm nau May ngơi.

Nau Mprơ Ơm 143:8

Ơm ôi, ăn gâp iăt nuih n'hâm ueh May, Yorlah gâp rnơm nsing ma May; Dăn ntĭm ăn gâp gĭt, trong gâp mra hăn, Yorlah huêng gâp kâp gân May.

Nau Mprơ Ơm 40:7

Aƀaơ gâp lah: “Aơ geh gâp. Tâm ndrom samƀŭt hŏ nchih jêh ma gâp.”

Nau Mprơ Ơm 45:2

May ueh lơn ma lĕ rngôch phung bu klâu kon bunuyh; Mbung may bêng ler ma nau yô̆: Yor nây Brah Ndu ăn nau ueh uĭn ma may n'ho ro.

Nau Mprơ Ơm 5:3

Brah Yêhôva ơi! Ơm ôi May tăng bâr gâp; Ơm ôi gâp nhhơr nau kuăl mbơh sơm jêh ri gŭ kâp.

Nau Mprơ Ơm 88:13

Ƀiălah ơ Brah Yêhôva! Bi ma gâp, gâp vơh vơl ma May; Mbăt ang ôi, nau gâp mbơh sơm tât tanăp May.

Nau Hôr 12:25

Nau rngot tâm nuih n'hâm ƀư ma kon bunuyh mĭn rvê, Ƀiălah du nau ngơi ueh ƀư maak nuih n'hâm.

Nau Hôr 15:23

Mbung blau plơ̆ lah ƀư ăn bu răm maak, Nau ngơi di mông jêng ueh ngăn ngên!

Nau Hôr 25:11

Nau ngơi nôk di mông Nâm bu play mandragôr đah mah geh lĭr prăk.

Êsai 28:19

Ăp tơ̆ nau mhĭk lip tât, păng mra nhŭp rdu khân may Yorlah păng mra rgăn ăp ôi, Nar tâm ban ma măng, nau tât mra hăn rgăn; Knŏng geh nau klach krit Ƀư ăn khân may gĭt rbăng nau ti nây.

Êsai 28:9

“Pôri, ma mbu nơm may mra nti nau gĭt mĭn, Jêh ri ma mbu nơm may mra rblang gay ma gĭt vât nau may nti? Di lĕ nti ma phung kon se chalơi pu toh, Mhe rklaih pu toh ƀơh?

Êsai 35:5

Aƀaơ, măt phung chieh mra dơi saơ, Tôr phung tê̆k mra tăng.

Êsai 40:29

Păng ăn nau ktang ma phung huăr rgănh, Ntop nau dăng ktang ma nơm mâu geh nau dăng ktang.

Êsai 50:10

Mbu nơm tâm phung khân may klach yơk mbah ma Brah Yêhôva, Jêh ri tông bâr ma oh mon Păng, Mbu nơm hăn tâm nau ngo Jêh ri mâu geh nau ang ôh Rnơm nsing hom ma amoh Brah Yêhôva, Jêh ri nsing ma Brah Ndu păng.

Êsai 54:13

Brah Yêhôva mra sâm nti lĕ rngôch phung kon may, Jêh ri khân păng mra geh nau đăp mpăn ngăn.

Êsai 8:16

Kât nâp hom nau mbơh, nchăng prăp hom nau nti ta nklang phung oh mon Gâp!”

Yêrêmi 1:9

Pôri Brah Yêhôva yơr ti bi ta mbung gâp. Brah Yêhôva lah ma gâp: “Aơ, Gâp hŏ dơm jêh nau Gâp tâm mbung may.

Yêrêmi 31:25

Yorlah Gâp hŏ ƀư ăn nuih n'hâm rgănh dơi jêng mhe, Ăp nơm lêt rgănh dơi hơm răm.”

Êsêkiêl 46:13

“Ăp nar, hađăch mra nhhơr ma Brah Yêhôva du mlâm biăp kon du năm mâu sôt jêng ndơ ƀư brah gŭch tâm ăp ôi.

Mathay 11:28

Hơi lĕ rngôch bunuyh rgănh jêh ri anh jâk, văch hom ta Gâp, Gâp mra ăn khân may rlu.

Mathay 13:54

Păng sĭt ta n'gor Păng nơm, Păng nti lah ma phung ƀon lan tâm ngih rƀŭn, kŏ tât khân păng hih rhâl ngăn jêh ri lah: “Mbah tă luh Păng geh nau blau mĭn nây jêh ri ƀư lĕ nau brah kơt nĕ?

Mathay 22:46

Mâu geh bu dơi plơ̆ lah du nau ôh, jêh ri đŏng ntơm bơh nar nây, mâu bu janh ôp Păng moh ntil đŏng ôh.

Luka 21:15

Yorlah Gâp mra ăn ma khân may nau ngơi jêh ri nau blau mĭn, ƀiălah mâu geh phung rlăng dơi tâm rdâng jêh ri tâm rlăch đah khân may ôh.

Luka 4:22

Lĕ rngôch mbơh nkoch ueh ma Păng da dê, jêh ri hih rhâl ma lĕ nau ngơi bêng nau yô̆ luh bơh bâr mbung Păng. Khân păng ôp: “Mâu di hĕ bunuyh aơ jêng kon Y-Yôsep?”

Yôhan 7:46

Phung kôranh aơ plơ̆ lah: “Ê hŏ mâp geh bunuyh ngơi tâm ban ma bunuyh aơ.”

Nau Vay Nkah Tay 18:17

Rnôk nây Brah Yêhôva lah ma gâp: ‘Khân păng ngơi jêng di ngăn.

Nau Vay Nkah Tay 18:18

Tă bơh nklang phung oh nâu khân păng, Gâp mra n'hao ma khân păng du huê nơm mbơh lor nâm bu may. Gâp mra dơm nau Gâp ngơi tâm mbung bunuyh nây, jêh ri bunuyh nây mra ngơi ma khân păng lĕ nau Gâp ntĭnh jêh.