Êsai 50:2 - Nau Brah Ndu Ngơi 2023

² Mâm ƀư tơlah Gâp văch, mâu geh bunuyh ôh? Tơlah Gâp kuăl, mâu geh bunuyh plơ̆ lah ôh? Ti Gâp jêng gleh ir hĕ kŏ păng mâu dơi tâm chuai? Mâu lah Gâp mâu geh nau brah mâu dơi tâm rklaih hĕ? Aơ, Gâp knŏng nduyh du tong, dak mƀŭt suăt kro ro. Gâp rgâl dak krong jêng bri rdah; Ka tâm dâng dak krong khĭt yor mâu geh dak. Jêh ri ƀâu ôm.

Êsai 50:2 ပူးပေါင်းရင်းမြစ်များ

Nau Ntơm 18:14

Geh lĕ moh ntil nau jêr ir kŏ tât Brah Yêhôva mâu dơi ƀư? Tât yan lĕ tâm nal, năm taơ Gâp mra plơ̆ tay ma may, jêh ri H'Sara mra geh du huê kon bu klâu.”

II Nau Rêh Jêng 32:15

Yor ri aƀaơ, lơi ăn Y-Hêsêkia mplư ndơm jêh ri mƀruh khân may kơt nĕ. Lơi ta khân may iăt nau păng, yorlah tâm lĕ rngôch ndŭl mpôl bunuyh mâu hôm geh brah mâu lah ƀon bri hađăch êng dơi rklaih phung ƀon lan păng bơh ti gâp mâu lah bơh ti chô yau gâp, mâm dĭng Brah Ndu khân may dơi tâm rklaih khân may bơh ti gâp!”

Nau Mprơ Ơm 106:9

Păng buay ma Dak Mƀŭt Chăng, păng suăt sơh kro; Păng njŭn khân păng rgăn dak mƀŭt jru nâm bu rgăn bri rdah.

Nau Mprơ Ơm 107:33

Păng tâm rgâl dak krong jêng bri rdah, Dak n'hor jêng neh sơh.

Nau Ngluh Êjipt 14:21

Y-Môis yơr ti ta klơ dak mƀŭt; tâm măng nây, Brah Yêhôva ƀư ăn sial tă bơh lơ khôm dăng ngăn gay ma nsŭn dak mƀŭt. Brah Ndu ƀư ma dak tâm nkhah bar ding, dak mƀŭt jêng neh sơh.

Nau Ngluh Êjipt 14:29

Bi phung ƀon lan Israel rgăn dak mƀŭt nâm bu hăn ta neh sơh, dak jêng pêr pa ma jêh ri pa chiau khân păng.

Nau Ngluh Êjipt 7:18

ka tâm dâng dak krong mra khĭt; n'hong dak krong mra ƀâu ôm, phung Êjipt mra kir krit ngăn lah geh nhêt dak krong nây.”

Nau Ngluh Êjipt 7:21

Ka tâm dâng dak krong khĭt, n'hong dak krong jêng ƀâu ôm, phung Êjipt mâu dơi ôh nhêt dak tâm dak krong nây. Lam ntŭk tâm bri Êjipt geh mham da dê.

Nau Hôr 1:24

Yorlah gâp kuăl ƀiălah khân may mâu ŭch iăt ôh, Gâp yơr ti kŏ mâu geh đŏng bunuyh mĭn rvê ma nau nây;

Êsai 11:15

Brah Yêhôva mra ƀư suăt kro dak mƀŭt bri Êjipt; Rtuh ti ta klơ Dak Krong Me ma sial duh, Păng pă dak krong nây jêng pơh dak n'hor, Jêh ri ƀư ăn bunuyh dơi hăn rgăn ma jâng mâu bĕ ntâu jot.

Êsai 19:5

Dak mƀŭt mra suăt, Dak krong mra sơh jêh ri kro.

Êsai 23:11

Brah Yêhôva yơr jêh ti Păng ta klơ dak mƀŭt, Ƀư âk ƀon bri hađăch rŭng răng. Păng hŏ ntăm jêh ma bri Kanaan: Ƀư rai lĕ pôih păng.

Êsai 36:20

Tâm lĕ brah bri aơ, geh brah moh hŏ rklaih n'gor khân păng tă bơh ti gâp lĕ? Pôri mâm Brah Yêhôva dơi rklaih Yêrusalem bơh ti gâp!’ ”

Êsai 41:28

Gâp uănh ƀiălah mâu geh du huê ôh; Ta nklang khân păng, mâu geh du huê nơm tâm kơl nchră Gay ma tơlah Gâp ôp, khân păng dơi plơ̆ lah ma Gâp du nau ngơi.

Êsai 42:15

Gâp mra ƀư rai yôk jêh ri gôl, Gâp mra ƀư nhop kro lĕ rngôch gơ̆ ndrêh; Gâp mra tâm rgâl dak krong jêng gôl dak mƀŭt, Ƀư ma lĕ dak nglao suăt kro da dê.

Êsai 43:16

Brah Yêhôva, Nơm hŏ pơk trong tâm dak mƀŭt, Jêh ri ntĭm ndô̆ rgăn tâm n'hor dak dăng;

Êsai 44:27

Brah Ndu lah ma ntu dak jru pô aơ: ‘Suăt hom may, Gâp mra ƀư suăt lơi lĕ dak krong may.’

Êsai 51:10

Mâu di May hĕ ƀư suăt jêh dak mƀŭt, Ƀư suăt lơi lĕ tu dak brŏng toyh; Ƀư du mlâm trong tâm dak mƀŭt jru Gay ma phung may tâm chuai jêh dơi hăn rgăn?

Êsai 54:6

Brah Yêhôva kuăl jêh ay sĭt Tâm ban ma kuăl du huê ur bu chalơi jêh, jêh ri nuih n'hâm rngot, Jêng lah bu ur bu nđăp jêh dôl hôm druh jêh ri bu chalơi jêh.” Brah Ndu may lah:

Êsai 59:1

Aơ, ti Brah Yêhôva mâu jêng gleh ôh dĭng Păng mâu dơi tâm rklaih; Tôr Păng mâu lĕ tê̆k dĭng Păng mâu dơi tăng.

Êsai 59:16

Păng saơ mâu geh du huê bunuyh sŏng srăng ôh, Jêh ri hih rhâl yor mâu geh nơm vah vơl. Păng dŏng ti păng nơm ƀư tât nau tâm rklaih; Nau sŏng Păng nơm kơl.

Êsai 63:13

Jêng Nơm hŏ leo phung ƀon lan Păng rgăn klơ lĕ rbuh, Tâm ban ma du mlâm seh nchuăt tâm bri rdah ƀiălah khân păng mâu chêh prah ôh.

Êsai 64:6

Lĕ rngôch hên jêng jêh tâm ban ma ndơ ƀơ̆ ƀơch, Lĕ kan sŏng srăng hên jêng tâm ban ma bok ao ƀơ̆ jêh; Lĕ rngôch phung hên nhop kro tâm ban ma n'ha si, Jêh ri nau kue hên khôm rdu hên tâm ban ma sial.

Êsai 65:12

Gâp mra tâm nal khân may ma đao, Lĕ rngôch khân may mra chon mon dơn nau bu nkhĭt; Yorlah Gâp hŏ kuăl ƀiălah khân may mâu plơ̆ lah ôh, Gâp ngơi jêh ƀiălah khân may mâu iăt. Khân may ƀư jêh nau mhĭk tâm dâng măt Gâp, Jêh ri hŏ săch jêh nau mâu ƀư maak ma Gâp.”

Êsai 66:4

Gâp mra săch lĕ nau ƀư rêh ni ma khân păng, Mra ăn tât ma khân păng nau klach kir. Yorlah Gâp kuăl jêh ƀiălah mâu geh nơm plơ̆ lah ôh, Gâp ngơi jêh ƀiălah khân păng mâu iăt ôh; Khân păng ƀư jêh nau mhĭk tâm dâng măt Gâp, Jêh ri săch nau Gâp mâu maak.”

Yêrêmi 14:9

Mâm ƀư May nâm bu bunuyh phit phơr, Nâm bu du huê dăng ktang mâu dơi yơr ti tâm rklaih bu ôh? Ƀiălah, ơ Kôranh Brah, May hôm e gŭ ta nklang hên, Hên dơi ntơ ma amoh May, Lơi ta chalơi hên ôh!”

Yêrêmi 35:14

Nau Y-Jêhônadap, kon bu klâu Y-Rêkap, ntĭnh ma phung kon sau păng mâu dơi nhêt ôh ndrănh, khân păng hŏ iăt jêh nau, kŏ tât nar aơ khân păng mâu nhêt ôh ndrănh yorlah hŏ tông jêh nau chô yau khân păng ntăm. Bi Gâp, Gâp lah ƀaƀơ ma khân may ƀiălah khân may mâu iăt ôh nau Gâp.

Yêrêmi 35:15

Gâp ƀaƀơ prơh hăn jêh lĕ rngôch phung oh mon Gâp, jêng phung nơm mbơh lor, hăn tât lah ma khân may: “Ăp nơm tâm khân may mra chalơi trong mhĭk jêh ri tâm rgâl nau khân may ƀư. Lơi ta tĭng ôh gay pah kan ma lĕ brah êng, ri mơ khân may mra gŭ tâm bri Gâp hŏ ăn jêh ma khân may jêh ri ma phung chô yau khân may.” Ƀiălah khân may mâu mâp rkêng tôr, jêh ri mâu iăt ôh nau Gâp.

Yêrêmi 5:1

“Hăn hom lam lĕ rŏ trong ƀon Yêrusalem, Ntreng uănh jêh ri nchih dơn! Tĭng joi hom lĕ ntŭk nhuang ƀon, Tơlah may dơi joi du huê bunuyh Ƀư nau sŏng srăng, joi ma nau nanê̆ ngăn, Pôri Gâp mra yô̆ an ma lĕ ƀon.

Yêrêmi 7:13

Brah Yêhôva lah: ‘Aƀaơ ri, yorlah khân may hŏ ƀư jêh lĕ nau nây, Gâp vay ngơi ƀaƀơ lah ma khân may ƀiălah khân may mâu iăt ôh; Gâp hŏ kuăl khân may khân may mâu plơ̆ sĭt lah.

Yêrêmi 7:27

“Pônây, may mra ngơi ma khân păng lĕ rngôch nau aơ, ƀiălah khân păng mâu mra iăt may ôh. May mra kuăl, ƀiălah khân păng mâu plơ̆ sĭt lah.

Yêrêmi 8:6

Gâp rkêng tôr iăt tăng jêh, Ƀiălah khân păng mâu ngơi ngăn ôh, Mâu geh du huê rmal nau ƀai păng nơm, Hôm ngơi: “Gâp mâu geh ƀư ôh!” Lĕ rngôch tĭng ndô̆ trong êng da dê Nâm bu du mlâm seh rduh tâm lơh.

Daniel 3:15

Aƀaơ, tơlah khân may tăng bâr nŭng, bâr dĭng, bâr gong rêng, dĭng vưt, gong rêng loih, gâr jê̆ jêh ri ăp ntil gong kreh huy khân may rơm ndrăp chon mon muh măt yơk mbah ma rup gâp ƀư jêh mra jêng ueh; ƀiălah tơlah khân may mâu chon mbah ôh bu mra klŭp khân may tâm năk ŭnh hit, rlong uănh mbu brah dơi tâm rklaih khân may bơh ti gâp?”

Daniel 3:29

Yor nây, gâp ăn samƀŭt nau ntrŭnh aơ: Lĕ rngôch mbu phung ƀon lan, mbu bri dak, mbu nau ngơi geh nau ngơi mhĭk ma Brah Ndu Y-Sadrak, Y-Mêsăk, Y-Abetnêgô bu mra choh săk jăn khân păng, jêh ri ngih khân păng mra jêng mbŭch djah; yorlah mâu geh brah êng ôh mra dơi tâm rklaih tâm ban pônây.”

Daniel 6:20

Tơlah păng tât dăch bâr trôm ntu, păng sŏk ma bâr rngot kuăl Y-Daniel. Hađăch kuăl: “Ơ Y-Daniel, oh mon Brah Ndu gŭ rêh mro mrăng! Brah Ndu may pah kan ƀaƀơ, mra dơi rklaih may bơh yau mŭr lĕ?”

Daniel 6:27

Păng tâm chuai jêh ri rklaih, Ƀư lĕ nau mbên nau khlay ndâp tâm trôk jêh ri ta neh ntu; Păng nơm tâm rklaih Y-Daniel Bơh neng nheh yau mŭr.”

Ndrom Samƀŭt bơh Ôsê 11:2

Lơ hâu Gâp kuăl păng Păng lơ hâu du der ma Gâp. Khân păng hŏ nhhơr ndơ ƀư brah ma rup brah Baal Jêh ri su ndơ ƀâu kah ma rup brah.

Ndrom Samƀŭt bơh Ôsê 11:7

Ngăn yơh phung ƀon lan Gâp ŭch chalơi Gâp; Nđâp tơlah khân păng kuăl ma Nơm Dŭt Prêh Păng ăt mâu rdâk khân păng dâk.

Nahum 1:4

Păng nduyh dak mƀŭt jêh ri ăn păng suăt ro, Păng ƀư ăn suăt lĕ rngôch dak krong. Bri Basan jêh ri yôk Karmel kro nhop da dê, Kao bri Liban mra nhop tâm ban lĕ.

Habakuk 3:8

Ơ Brah Yêhôva, di lĕ May ji nuih đah lĕ dak krong? Di lĕ nau May ji nuih tâm rdâng đah lĕ dak n'hor? Geh lĕ nau May hao nuih tâm rdâng đah dak mƀŭt, Lah May ncho seh ndrel ndeh seh gay tâm rklaih lĕ?

Nau Kơp Bunuyh 11:23

Brah Yêhôva lah ma Y-Môis: “Ti Brah Yêhôva jêng gleh ir lĕ? Ăn may kâp uănh nau Gâp ngơi jêh ma may mra dơi jêng nau ngăn mâu lah mâu!”

Markôs 4:39

Păng kah rngăl, buay phŭt sial jêh ri lah ma dak mƀŭt pô aơ: “Đăp mpăn hom jêh ri rngân!” Sial nsrŭng ro jêh ri dak mƀŭt rngân njup.

Yôhan 1:11

Păng hŏ văch tâm bri dak Păng nơm, ƀiălah phung ƀon lan Păng mâu ŭch rom dơn Păng ôh.

Yôhan 3:19

Nau tâm rmal nây jêng kơt aơ: Nau ang hŏ tât jêh ta neh ntu, ƀiălah kon bunuyh ŭch nau ngo rlau lơn ma nau ang, yorlah kan khân păng jêng nau djơh mhĭk.

Yôsuê 3:16

pôri dak bơh tu nsrŭng hoch, nsŭn du ntŭk, ngai tât ta ƀon Ađam, ƀon nây gŭ dăch ƀon Sarêthan; bi dak hoch mpeh ma dak mƀŭt Arabah, jêng Dak Mƀŭt Khĭt, nking lĕ ro, jêh ri phung ƀon lan rgăn dak krong, ta ntŭk tâm tham đah ƀon Yêrikô.