Êsai 50:10 - Nau Brah Ndu Ngơi 2023

¹⁰ Mbu nơm tâm phung khân may klach yơk mbah ma Brah Yêhôva, Jêh ri tông bâr ma oh mon Păng, Mbu nơm hăn tâm nau ngo Jêh ri mâu geh nau ang ôh Rnơm nsing hom ma amoh Brah Yêhôva, Jêh ri nsing ma Brah Ndu păng.

Êsai 50:10 ပူးပေါင်းရင်းမြစ်များ

II Samuel 22:29

Ơ Brah Yêhôva! May jêng ŭnh kađen gâp, Brah Ndu gâp mra sol ang nau ngo gâp.

I Nau Rêh Jêng 5:20

Dôl khân păng tâm lơh, khân păng vơl dăn ma Brah Ndu, jêh ri yorlah khân păng geh nuih n'hâm rnơm nsing ma Păng, pôri Păng kơl rklaih an, jao phung Hagrit jêh ri lĕ rngôch phung tĭng păng tâm ti khân păng.

II Nau Rêh Jêng 20:12

Ơ Brah Ndu hên! Mâu di hĕ May mra phat dôih khân păng? Yorlah hên mâu tŏng nau ktang gay tâm rdâng đah phung tahan âk râk dôl văch lơh hên. Hên mâu gĭt ôh mâm mra ƀư, ƀiălah măt hên gŭ uănh ma May!”

II Nau Rêh Jêng 20:20

Ôi taơ, khân păng kah rngăl ơm ôi jêh ri luh hăn tâm bri rdah Têkôa. Dôl khân păng luh du, Y-Jôsaphat gŭ dâk jêh ri lah: “Ơ phung Yuđa jêh ri phung gŭ tâm ƀon Yêrusalem, iăt hom gâp! Rnơm nsing hom ma Yêhôva Brah Ndu khân may, jêh ri khân may mra dơi nâp; iăt hom phung nơm mbơh lor Păng, jêh ri khân may mra dơi jêng.”

Ndrom Samƀŭt bơh Yôp 13:15

Nđâp lah Kôranh Brah nkhĭt gâp, gâp hôm e rnơm nsing ma Păng; Jêh ri gâp mra koh dŏng nau rêh gâp nơm tanăp măt Păng.

Ndrom Samƀŭt bơh Yôp 29:3

Lah ŭnh kađen Kôranh Brah sol ang klơ bôk gâp, Jêh ri yor tă nau ang Păng gâp hăn rgăn lĕ nau ngo klĕng.

Nau Mprơ Ơm 111:10

Klach yơk ma Brah Yêhôva jêng tơm ma nau blau mĭn; Mbu nơm tĭng ndô̆ nau Păng ntăm, geh nau gĭt rbăng. Nau tâm rnê ma Păng hôm ƀaƀơ n'ho ro.

Nau Mprơ Ơm 128:1

Ueh maak yơh ma mbu nơm klach yơk ma Brah Yêhôva, Hăn tâm trong păng!

Nau Mprơ Ơm 145:21

Bâr mbung gâp mra mprơ tâm rnê ma Brah Yêhôva; Ăn lĕ rngôch nglay săk mât ton ma amoh kloh ueh Păng tât ƀaƀơ n'ho ro.

Nau Mprơ Ơm 23:4

Nđâp tơlah gâp hăn tâm rlŭng gui nau khĭt Gâp mâu hôm klach du ntil nau mhĭk ôh, Yorlah Kôranh Brah gŭ ndrel ma gâp; Mâng kanuăk jêh ri mâng jra Kôranh Brah Bonh leng gâp.

Nau Mprơ Ơm 25:12

Mbu nơm klach yơk ma Brah Yêhôva? Păng mra ntĭm nti nơm nây tâm trong păng mra săch.

Nau Mprơ Ơm 25:14

Brah Yêhôva jan jiăng ndrel ma phung klach yơk ma Păng, Jêh ri mpơl ma nơm nây gĭt nau tâm rnglăp Păng.

Nau Mprơ Ơm 28:7

Brah Yêhôva jêng nau ktang jêh ri jêng khêl gâp; Nuih n'hâm gâp rnơm nsing ma Păng jêh ri gâp dơi geh nau kơl. Yor ri, nuih n'hâm gâp răm maak ngăn; Gâp mra sŏk nau mprơ tâm rnê ma Păng.

Nau Mprơ Ơm 42:11

Ơ Huêng gâp, mâm ƀư may rdja nuih n'hâm Jêh ri uh ah tâm săk jăn gâp? Kâp gân hom tâm Brah Ndu; yorlah Gâp mra mprơ tâm rnê Păng, Jêng Nơm kơl gâp jêh ri Brah Ndu gâp.

Nau Mprơ Ơm 62:8

Hơi phung ƀon lan, rnơm nsing hom ma Păng ƀaƀơ; Nkhŭt hom lĕ nuih n'hâm tanăp măt Păng; Yorlah Brah Ndu jêng ntŭk he nde krap. (Sêla)

Nơm Nti 12:13

Nau nglĕ dŭt ăn lĕ rngôch moh ndơ hŏ tăng jêh ta klơ aơ: Klach yơk hom ma Brah Ndu jêh ri djôt prăp nau vay ntăm bơh Păng, Nây jêng lĕ nau ƀư di ma kon bunuyh.

Êsai 10:20

Tâm nar nây, phung Israel hôm e jêh ri phung hôm gŭ rêh klen tâm ngih Yakôb mra mâu hôm rnơm ôh ma phung hŏ dong khân păng; ƀiălah khân păng mra rnơm ngăn ma Brah Yêhôva jêng Nơm Kloh Ueh Israel.

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 26:9

Dôl măng huêng gâp ji hir ma May; Ơ, nuih n'hâm gâp nđơr ŭch joi May. Yorlah nau May phat dôih ƀư jêh ta neh Phung gŭ tâm neh ntu nti gĭt nau sŏng srăng.

Êsai 42:1

Aơ jêng oh mon Gâp, Nơm Gâp kâp kơl, Jêng Nơm Gâp hŏ săch jêh, jêh ri tâm Păng huêng Gâp geh nau maak. Gâp hŏ dơm jêh Brah Huêng Gâp ta klơ Păng, Jêh ri Păng mra mpơl nau sŏng ma lĕ bri dak.

Êsai 50:4

Kôranh Brah Yêhôva ăn jêh ma Gâp Mpiăt phung nti jêh, Gay ma Gâp blau ngơi N'hao nuih phung rgănh. Ăp ôi Păng rlay Gâp, Păng pơk tôr Gâp Gay ma Gâp gŭ iăt tâm ban ma nơm nti.

Êsai 53:11

Tă bơh nau rêh ni huêng Păng, Păng mra saơ play kao jêh ri maak. Oh mon sŏng srăng Gâp mra sŏk nau gĭt rbăng păng nơm Ƀư ăn âk bunuyh dơi kơp sŏng srăng, Yorlah Păng tuy nau tih khân păng.

Êsai 59:9

Yor nây nau sŏng gŭ ngai đah hên, Nau sŏng srăng mâu dơi ban hên ôh. Hên kâp gân nau ang, ƀiălah knŏng saơ nau ngo, Hên kâp gân nau ral ang ƀiălah hên nhuat hăn tâm nau ngo.

Êsai 8:17

Gâp mra gŭ kâp Brah Yêhôva, jêng Nơm pôn muh măt Păng bơh ngih Yakôb; gâp mra kâp gân Păng!

Êsai 9:2

May hŏ ăn bĭk rơ̆ jêh ƀon lan nây, Jêh ri May ăn ma khân păng bêng nau răm maak. Khân păng hâk maak tanăp May Tâm ban ma nau maak tâm yan rek, Tâm ban ma bu hâk maak tơlah tâm pă ndơ pit in.

Nau Nhĭm Vơl 3:2

Păng hŏ leo gâp jêh ri njŭn gâp hăn Tâm nau ngo, mâu geh ôh du djê̆ nau ang;

Daniel 3:28

Hađăch Nêbukatnetsar lah: “Tâm rnê ma Brah Ndu Y-Sadrak, Y-Mêsăk, jêh ri Y-Abetnêgô, Nơm njuăl jêh tông mpăr Păng văch jêh ri tâm rklaih phung oh mon Păng. Khân păng gĭt rnơm nsing ma Păng, janh tâm rgâl nau hađăch ntăm, jêh ri sân săk jăn gay mâu pah kan jêh ri yơk mbah ma brah êng ôh padih Brah Ndu khân păng nơm.

Nahum 1:7

Brah Yêhôva jêng ueh ngăn, Jêng pôih nâp tâm nar rêh ni; Păng gĭt phung du krap tâm ntŭk Păng.

Sôphôni 3:12

Gâp mra chalơi ta nklang may Du phung ƀon lan o ach jêh ri dêh rhêt, Khân păng mra gŭ krap tâm amoh Brah Yêhôva.

Ndrom Samƀŭt bơh Agê 1:12

Pônây Y-Sôrôƀaƀel, kon bu klâu Y-Sêaltiêl, jêh ri Y-Yôsuê kôranh ƀư brah toyh lơn, kon bu klâu Y-Jêhôsadak, nđâp ma lĕ rngôch phung ƀon lan hôm klen tông bâr ma Yêhôva Brah Ndu khân păng jêh ri nau ngơi bơh nơm mbơh lor Y-Agê nơm Yêhôva Brah Ndu hŏ prơh hăn mbơh jêh. Phung ƀon lan klach yơk tanăp Brah Yêhôva.

Malachi 3:16

Nôk nây, phung klach yơk ma Brah Yêhôva nkoch bri ndrăng khân păng nơm, jêh ri Brah Yêhôva rkêng tôr iăt nau khân păng. Bu nchih jêh du ndrom samƀŭt ăn kah gĭt tanăp Brah Yêhôva ăn ma phung klach yơk ma Păng jêh ri yơk ma amoh Păng.

Yôhan 12:46

Gâp jêng nau ang hŏ văch jêh ta neh ntu, gay mbu nơm chroh ma Gâp mâu gŭ tâm nau ngo đŏng ôh.

Yôhan 8:12

Brah Yêsu lah đŏng ma phung ƀon lan pô aơ: “Gâp jêng nau ang ma neh ntu, mbu nơm tĭng Gâp mâu mra hăn tâm nau ngo ôh, ƀiălah mra geh nau ang ma nau rêh.”

Êphêsô 5:8

Kăl e ri khân may jêng nau ngo, ƀiălah aƀaơ tâm Kôranh Brah, khân may jêng nau ang. Chuat hăn hom tâm ban ma phung kon nau ang;

ហេឞ្រើ 5:9

jêh ri nôk hŏ lôch jêh, Păng jêng tơm tâm rklaih n'ho ro ma lĕ rngôch bunuyh tông bâr ma Păng,

I Pêtrôs 5:7

Jao hom lĕ nau rngot klâng khân may nơm ma Păng, yorlah Păng mât mray khân may ƀaƀơ.

I Samuel 30:6

Y-Đavit geh nau rêh ni ngăn yorlah bu ŭch klŭp păng ma lŭ, yorlah nuih n'hâm lĕ rngôch phung ƀon lan rngot ngăn yor mĭn ma phung kon bu klâu jêh ri kon bu ur khân păng. Ƀiălah Y-Đavit geh nau ktang bơh Yêhôva Brah Ndu păng nơm.