Êsai 50:1 - Nau Brah Ndu Ngơi 2023

¹ Brah Yêhôva lah: “Ta ntŭk pŏk samƀŭt tâm chalơi ur sai mê̆ may Ma samƀŭt nây Gâp chalơi jêh păng? Mâu lah tâm phung tơm rnon ma Gâp Mbu moh Gâp tăch khân may? Aơ, yor nau kue may yơh dĭng bu tăch khân may; Yor nau khân may ƀư tih rĭ dĭng bu chalơi jêh mê̆ khân may.

Êsai 50:1 ပူးပေါင်းရင်းမြစ်များ

I Phung Hađăch 21:25

Nanê̆ ngăn, mâu geh ôh bunuyh tâm ban ma Y-Ahap, tăch êng păng nơm gay ƀư nau mhĭk tanăp măt Brah Yêhôva, jêng nơm H'Jêsêbel ur păng hŏ nsŭk nsôr.

II Phung Hađăch 17:17

Khân păng gŭch phung kon bu klâu jêh ri kon bu ur khân păng tâm ŭnh gay ƀư ndơ nhhơr ma brah. Khân păng dŏng nau ƀŭk rƀên, n'hŭm pol, jêh ri tăch êng khân păng nơm gay ƀư nau mhĭk tanăp măt Brah Yêhôva, gay nsônh Păng ji nuih.

II Phung Hađăch 4:1

Nôk nây, ur du huê tâm phung oh mon phung nơm mbơh lor vơl ma Y-Êlisê: “Sai gâp jêng oh mon may lĕ khĭt jêh, jêh ri may gĭt jêh ma oh mon may klach yơk jêh ma Brah Yêhôva. Aƀaơ aơ, nơm tơm rnon văch gay nhŭp lơi bar hê kon bu klâu gâp gay ƀư dĭk.”

Nêhêmi 5:5

Hên geh đŏng săk jăn nâm bu oh nâu hên jêh ri phung kon hên nâm bu phung kon khân păng, ƀiălah ăn hên nchâp phung kon bu klâu jêh ri phung bu ur hên ƀư dĭk. Phung bu ur hên geh nơm hŏ ƀư dĭk jêh, ƀiălah hên mâu geh nau dơi chuai tay khân păng ôh; yorlah tâm lŏ sre jêh ri đang krăk ƀâu hên hŏ jêng ndơ ma phung êng jêh.”

Êsther 7:4

Yorlah bu tăch jêh gâp jêh ri phung ƀon lan gâp, ŭch ƀư rai lơi, nkhĭt lơi, jêh ri ƀư rai lôch lơi. Tơlah tăch hên gay ăn ƀư dĭk, gâp hŏ gŭ rklăk, yorlah nau rêh ni phung ƀon lan gâp mâu dơi tâm ntĭt ôh nau uh ah hađăch.”

Nau Mprơ Ơm 44:12

May tăch jêh phung ƀon lan May ma rnoh mâu khlay Uănh khân păng mâu khlay ôh.

Nau Ngluh Êjipt 21:7

Tơlah mbu tăch kon bu ur păng jêng bu ur kơl kan, bu ur nây mâu mra dơi du luh nâm bu phung dĭk bu klâu.

Êsai 1:28

Ƀiălah phung tâm rdâng jêh ri phung geh nau tih mra rai yot, Bi ma phung chalơi Brah Yêhôva mra rai lôch lĕ.

Êsai 27:8

May tâm rmal jêh khân păng tâm nau veh keh Ma nau nsot khân păng; May dŏng phŭt chuănh đô̆ ktang rdu khân păng Tâm nar geh sial bơh luh nar.

Êsai 43:27

Chô yau may ƀư tih jêh, Phung chiă uănh tâm may dâk tâm rdâng đah Gâp.

Êsai 46:8

“Ăn khân may kah gĭt nau aơ jêh ri sek mĭn; Ơ phung ƀư tih, ăn khân mĭn tay!

Êsai 52:3

Yorlah Brah Yêhôva lah pô aơ: “Bu tăch jêh khân may mâu geh ăn prăk, jêh ri bu mra tâm chuai khân may mâu hôm ŭch prăk.”

Êsai 54:6

Brah Yêhôva kuăl jêh ay sĭt Tâm ban ma kuăl du huê ur bu chalơi jêh, jêh ri nuih n'hâm rngot, Jêng lah bu ur bu nđăp jêh dôl hôm druh jêh ri bu chalơi jêh.” Brah Ndu may lah:

Êsai 54:7

“Gâp chalơi jêh ay ƀât lât, Ƀiălah Gâp mra vơt ay sĭt ma nau yô̆ nđach mâu blau lôch.

Êsai 58:1

“Nter huy hom, lơi têm ôh! Nter huy tâm ban ma du mlâm nŭng! Mbơh hom ma phung ƀon lan Gâp nau khân păng tâm rdâng, Jêh ri mbơh ma ngih Yakôb gĭt nau tih khân păng!

Êsai 64:6

Lĕ rngôch hên jêng jêh tâm ban ma ndơ ƀơ̆ ƀơch, Lĕ kan sŏng srăng hên jêng tâm ban ma bok ao ƀơ̆ jêh; Lĕ rngôch phung hên nhop kro tâm ban ma n'ha si, Jêh ri nau kue hên khôm rdu hên tâm ban ma sial.

Yêrêmi 3:1

Brah Yêhôva lah: “Tơlah nơm ri chalơi ur, Ur nơm nây luh du jêh ri sŏk sai êng, Pôri sai ơm păng mra plơ̆ tay Đah bu ur nây lĕ? Mâu di hĕ neh aơ hŏ ƀơ̆ ƀơch ngăn? Păng hŏ ƀư nau văng tĭr đah âk nơm rŏng, Hôm e mĭn plơ̆ tay đah Gâp hĕ?

Yêrêmi 3:8

Gâp saơ pô aơ dôl phung Israel ƀư rlăng yorlah nau văng tir, Gâp hŏ chalơi păng jêh ri ndơ̆ du pŏk samƀŭt tâm lơi ăn ma păng, ƀiălah oh bu ur păng jêng phung Yuđa mâu răp jăp mâu klach kir djê̆, ăt hôm thoi đŏng nau văng tĭr.

Yêrêmi 4:18

“Trong jêh ri nau kan may Hŏ ƀư ăn may lĕ nau nây. Nây jêng nau nglĕ dŭt rêh ni may, rngot ngăn ngên! Rngot ngăn ngên kŏ tât tâm trôm nuih n'hâm.”

Ndrom Samƀŭt bơh Ôsê 4:5

May mra chêh prah dôl nôk nar; Phung nơm mbơh lor mra chêh prah ndrel may dôl bri măng tâm ban lĕ, Jêh ri Gâp mra ƀư rai mê̆ may.

Kan Lêvi 25:39

‘Tơlah oh nâu gŭ dăch khân may tŭp tâm nau ndĭt trơi, jêh ri tăch păng nơm ma khân may, khân may mâu dơi đă păng pah kan tâm ban ma dĭk ôh.

Mathay 18:25

Yorlah bunuyh nây mâu geh moh ndơ gay mplơ̆ rnon ôh, pôri hađăch ntrŭnh bu tăch păng, ur kon, jêh ri lĕ rngôch ndơ păng geh, gay mplơ̆ rnon.

Nau Vay Nkah Tay 32:30

Mâm ƀư du huê dơi mprơh du rbăn nuyh, Jêh ri bar hê ƀư ma jât rbăn nuyh nchuăt du, Tơlah Lŭ Toyh mâu tăch ôh khân păng, Jêh ri Brah Yêhôva mâu ôh jao khân păng?