Êsai 5:6 - Nau Brah Ndu Ngơi 2023

⁶ Gâp mra ƀư ăn păng jêng rngot njăp, Mâu koh n'gĭng, mâu đŏng brôi tơm; Rtau lok jêh ri pih pŭm mra chăt hon ta nây. Gâp ntăm đŏng ma tŭk Mâu hôm ăn dak mih ma păng ôh.”

Êsai 5:6 ပူးပေါင်းရင်းမြစ်များ

I Phung Hađăch 17:1

Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

I Phung Hađăch 8:35

Tơlah lĕ ndâr trôk nchăng nâp, mâu geh dak mih ôh yorlah khân păng ƀư tih jêh đah May, tơlah khân păng rle mpeh ta ntŭk aơ gay mbơh sơm, jêh ri mbơh nau khân păng chroh ma amoh May, chalơi nau tih khân păng nơm, yorlah May hŏ phat dôih jêh khân păng,

Ndrom Samƀŭt bơh Yôp 31:40

Pôri ăn pôm lok hon ntrok ba ƀlê, Jêh ri gơ̆ mhĭk ntrok ma ba ôrgơ!” Tât ta aơ nau Y-Yôp ngơi lôch jêh.

Nau Hôr 24:31

Ri, tơm lok hon âk ngăn, Gơ̆ nkâm bêng lam neh, Bi mpêr đah lŭ rlâm tŭp jêng rngot njăp.

Êsai 24:12

Tâm ƀon knŏng hôm nau rngol, Mpông ƀon bu mbang chah rai lôch jêh.

Êsai 30:23

Kôranh Brah mra ăn trôk mih ma găr ntil khân may srih jêh ta neh; ndơ sông sa jêng play kao bơh neh mra jêng ngăn jêh ri rmeh ler. Tâm nar nây, phung mpô mpa khân may rong mra sa gơ̆ tâm ndrêch huy.

Êsai 32:10

Tâm du năm jêh ri bar pe nar đŏng, Khân ay jêng phung mâu gĭt njrăng mra râm sâr, Yorlah yan pĕ play krăk ƀâu mra roh, Jêh ri yan kăch roih mâu đŏng geh.

Êsai 49:19

Nanê̆, lĕ ntŭk rlâm jêng rngol, Jêh ri neh may bu ƀư rai jêh, Aƀaơ jêng rhăt ir ma phung ƀon lan may gŭ. Phung sa rvăn may mra du ngai ma may.

Êsai 55:13

Tơm si mirtơ mra hon ntrok ma pŭm lok, Jêh ri tơm si mirtơ mra hon ntrok ma lok rting; Nau nây mra jêng ndơ gĭt năl ma amoh Brah Yêhôva, Jêh ri jêng du nau tâm mbên n'ho ro, mâu mâp ƀư rai ôh.”

Êsai 7:19

Lĕ rngôch khân păng mra văch tâm lĕ rngôch rlŭng jru, tâm lĕ mpir lŭ, lĕ trôm lŭ, tâm lĕ rngôch pŭm lok jêh ri ndrêch gơ̆.

Yêrêmi 14:1

Aơ jêng nau ngơi Brah Yêhôva lah ma Y-Yêrêmi ma nau prăng phang:

Yêrêmi 14:22

Geh đŏng brah tâm lĕ brah mƀruh ndơm phung bu năch dơi ƀư dak mih lĕ? Mâu lah yor trôk jŭr nkhŭt êng dak mih? Ơ Yêhôva Brah Ndu hên, mâu di May jêng Nơm nây hĕ? Hên gŭ kâp May, Yorlah May nơm yơh hŏ njêng jêh ăp ntil nây.”

Yêrêmi 25:11

Lĕ rngôch bri aơ mra jêng du ntŭk rngot njăp, ƀơ̆ ƀơch, lĕ rngôch phung mpôl băl aơ mra pah kan ma hađăch bri Babilôn tâm pơh jât năm.’

Yêrêmi 45:4

May lah hom ma păng pô aơ: “Brah Yêhôva lah: ‘Aơ, Gâp mra klưh lơi moh ndơ Gâp hŏ ndâk jêh, Gâp mra rôk lơi moh ndơ Gâp hŏ tăm jêh, jêh ri nau nây mra geh tât tâm lam neh ntu.

Nau Nhĭm Vơl 2:6

Păng ƀư rai ngih brah păng nâm bu ƀư rai ndưp tâm du n'gar trao; Păng ƀư rai lơi nđâp ma ntŭk păng prăp nau tâm rƀŭn. Ta ƀon Siôn, Brah Yêhôva hŏ ƀư chuêl jêh Nar tâm rƀŭn jêh ri nar saƀat; Tâm nau ji nuih, Păng rhuăt lơi jêh hađăch jêh ri kôranh ƀư brah.

Ndrom Samƀŭt bơh Ôsê 3:4

Yorlah tâm năng nar jŏ jong, phung ƀon lan Israel mâu geh hađăch ôh, mâu geh kôranh chiă uănh, mâu geh mpa ƀư brah, mâu geh meh n'gâng brah, mâu geh êphôt jêh ri mâu geh têraphim.

Ndrom Samƀŭt bơh Ôsê 9:6

Nđâp tơlah khân păng klaih bơh nau ƀư rai, Êjipt mra rgum khân păng, Jêh ri Mêmphis mra tâp brôi khân păng. Pih pŭm mra nkŭm ta klơ lĕ ndơ khân păng ƀư ma prăk dŭt khlay, Pôm lok mra hon chăt tâm ngih bok khân păng.

Yôel 1:7

Khân păng ƀư rai tơm krăk ƀâu Gâp, Jêh ri n'huk ntâu tơm rvi Gâp; Khân păng n'huk lơi lĕ ntâu jêh ri mƀăr lơi, Ăn lĕ n'gĭng tơm si jêng nglang.

Amôt 4:7

“Tâm ban lĕ Gâp mâu ăn ôh dak mih ma khân may Tâm pe khay lor ma yan rek ba; Gâp hŏ ăn jêh dak mih ta ƀon toyh aơ Ƀiălah mâu ăn dak mih ta ƀon toyh ri. Mir aơ lĕ geh dak mih jêh, Bi ma lôk mir ri mâu geh dak mih ôh lĕ nhop kro.

Luka 21:24

Bu mra nkhĭt khân păng ma đao bu njŭn khân păng jêng bu nă tâm lĕ rngôch mpôl băl, jêh ri phung bu năch mra jot ƀon Yêrusalem tâm dâng jâng khân păng, tât rnôk phung bu năch mra ƀư lĕ.

Nau Vay Nkah Tay 29:23

Tâm lam n'gor knŏng jêng ndrêch gơ̆ kro ŭnh de sa đah lŭ mô ŭnh jêh ri boh, mâu geh tuch tăm, mâu lŏ kan, mâu geh tơm si chăt nkŭr, mâu geh hon gơ̆, tâm ban ma nau ƀư rai ta ƀon Sôdôm, Gômôrơ, Adma, jêh ri Sêbôim jêng lĕ ƀon Brah Yêhôva ƀư rai jêh tâm nau ji nuih klach krit ngăn bơh Păng.

Nau Tâm Mpơl 11:6

Khân păng geh nau dơi nchăng trôk, gay ma mâu geh mih tâm lĕ nar nây khân păng ngơi nau mbơh lor; khân păng geh đŏng nau dơi tâm dak gay rgâl dak jêng mham, jêh ri sŏk ăp ntil nau rêh ni ƀư nau mhĭk ma neh ntu ăp tơ̆ khân păng ŭch.