Êsai 5:28 - Nau Brah Ndu Ngơi 2023

²⁸ Chiông hăr khân păng tôl mplanh, Lĕ rngôch na van jêh; Nchop jâng seh kranh nâm bu lŭ, Jâng ndeh nâm bu sial vănh blông.

Êsai 5:28 ပူးပေါင်းရင်းမြစ်များ

Nau Mprơ Ơm 120:4

Nanê̆ jêng hăr mplanh phung tahan ktang, Jêh ri rnga ŭnh hâng tơm si n'ho.

Nau Mprơ Ơm 45:5

Lĕ hăr mplanh may Ntâp bluh ta play nuih phung rlăng may; Phung ƀon lan prah tâm dâng jâng may da dê.

Êsai 13:18

Na khân păng mra pănh nchah phung bu klâu ndăm; Khân păng mâu yô̆ nđach ôh ma phung kon jê̆ tâm ndŭl mê̆; Măt khân păng mâu mra nhhuach ma phung kon se ôh.

Êsai 21:1

Nau mbơh lor ma bri rdah dăch dak mƀŭt. Păng tât tă bơh bri rdah, Jêng nkual neh klach krit, Tâm ban ma sial vănh blông rdu bri Nêgep.

Êsai 66:15

Yorlah aơ, Brah Yêhôva mra văch tâm ŭnh, Jêh ri ndeh seh Păng mra jêng tâm ban ma sial vănh blông, Gay nkhŭt nau Păng ji nuih ktang, Jêh ri nau Păng nduyh tâm chiông ŭnh hit.

Yêrêmi 4:13

Aơ, păng văch tât nâm bu ndâr tŭk, Ndeh seh păng nâm bu phŭt chuănh đô̆, Seh ndơ tâm lơh păng prăl lơn nâm bu klang ƀŭng. Rêh ni ăn ma hên yorlah phung hên roh rai jêh!

Yêrêmi 47:3

Nteh nchop jâng seh lơ hâu, Nteh ndeh seh drơu drơu, nteh jâng ndeh ngŭr drưh, Jâng ti me mbơ̆ hươi ra ai ngăn Mâu hôm plơ̆ uănh ma phung kon.

Yêrêmi 5:16

Dĭng Kăm hăr khân păng nâm bu môch blang pơk lĕ; Lĕ rngôch khân păng jêng phung tahan ktang da dê.

Êsêkiêl 26:11

Ma nchop seh păng mra jot nchah lĕ rngôch trong sâng may; păng mra nkhĭt phung ƀon lan may jêh ri lĕ meh n'gâng nâp may bu mra klŭp ta neh.

Êsêkiêl 38:9

May jêh ri nđâp ma phung tahan may ndrel ma phung mpôl băl bunuyh gŭ ndrel may mra rduh ran panăp, rduh lơh nâm bu phŭt chuănh, nâm bu ndâr tŭk nkŭm lam bri neh.’”

Daniel 11:40

Ta rnôk nglĕ dŭt, hađăch mpeh pa dâng mra hăn tâm lơh đah hađăch mpeh pa lơ. Ƀiălah hađăch mpeh pa lơ djôt ndeh seh, phung tahan ncho seh jêh ri âk kumpăn hăn tâm lơh nâm bu phŭt chuănh. Hađăch nây hôm e hăn lơh lĕ bri dak, ler nâm bu dak lip.

Mika 4:13

Pôri hơi kon bu ur ƀon Siôn, Dâk hom jêh ri jot plên! Yorlah Gâp mra ƀư ăn nke ay dăng nâm bu loih Nchop ay nâm bu kông; Ay mra rchiăt hăch âk phung ƀon lan Jêh ri mra nhhơr drăp ndơ geh ăn ma Brah Yêhôva, Jêh ri ndô ndơ ma Kôranh Brah tâm lam neh ntu.”

Nahum 3:2

Nteh rpăt mâng rvĕ, nteh drâm drâm jâng ndeh nchuăt; Seh nchuăt ngăch ngăn, ndeh seh nchuăt ngăch rjăng.

Phung Kôranh Phat Dôih 5:22

Nôk nây, lĕ rngôch nchop seh n'gôr nteh ktang, Lĕ seh khân păng nchuăt ngăch ngăn.