Êsai 5:27 - Nau Brah Ndu Ngơi 2023

²⁷ Mâu geh du huê tâm khân păng rgănh, mâu lah chêh prah, Mâu geh nơm bê̆ch gui mâu lah bê̆ch hăk, Mâu geh du huê doh rse vân bŭt Mâu lah rse ntâu jot khân păng mâu lĕ tăch.

Êsai 5:27 ပူးပေါင်းရင်းမြစ်များ

I Phung Hađăch 2:5

May hŏ gĭt đŏng ma lĕ nau Y-Jôap, kon bu klâu H'Sêruya, hŏ ƀư jêh ma gâp, nau păng hŏ ƀư đah bar hê kôranh chiă uănh tahan Israel jêng Y-Apner kon bu klâu Y-Ner, jêh ri Y-Amasa, kon Y-Jêther. Păng hŏ nkhĭt bar hê kôranh nây, ƀư nkhŭt mham khân păng tâm rnôk đăp mpăn nâm bu tâm rnôk nau tâm lơh, jêh ri hŏ ƀư mham nây krêp ta rse vân bŭt păng jêh ri ta ntâu jot păng ta jâng.

Ndrom Samƀŭt bơh Yôp 12:18

Păng doh lơi se rvăk phung hađăch, Jêh ri vân troi jŭm gang bŭt khân păng;

Ndrom Samƀŭt bơh Yôp 12:21

Păng ăn tât nau bêk prêng ma bunuyh lư ndrŏng, Doh lơi rse vân bŭt phung dăng.

Nau Mprơ Ơm 18:32

Brah Ndu rêt rse bŭt gâp ma nau ktang, Jêh ri ƀư trong gâp dơi nŭm rĭng.

Nau Mprơ Ơm 93:1

Brah Yêhôva chiă uănh, Păng nsoh nau rnam. Brah Yêhôva nsoh jêh ri rêt rse bŭt ma nau ktang. Neh ntu dơi njêng nâp, mâu mâp n'gơ ôh.

Nau Hôr 3:23

May mra chuat hăn dơi nâp tâm trong may, Jêh ri jâng may mâu chêh prah.

Êsai 11:5

Nau sŏng srăng mra jêng rse vân bŭt Păng, Jêh ri nau răp jăp mra jêng rse vân n'gang bŭt Păng.

Êsai 45:1

Brah Yêhôva lah ma Y-Sirus, nơm Păng tŏ jêh dak ƀâu kah, tâm ban pônây: Gâp hŏ kuăn jêh ti ma may, Gay ma may tŭn mpet lĕ bri dak tanăp măt may; Gâp mra doh lơi rse bŭt phung hađăch, Pơk lĕ mpông bloh ƀon toyh tanăp may, Jêh ri pơk lĕ mpông pêr mâu ntĭl ndâp đŏng.

Êsai 45:5

Gâp jêng Brah Yêhôva, mâu geh Nơm êng ôh, Rlau ma Gâp, mâu hôm geh Brah Ndu êng ôh. Nđâp tơlah may mâu gĭt năl Gâp, Gâp mra rêt an rse bŭt may,

Daniel 5:6

Rnôk nây muh măt păng êr, nau păng mĭn rŭng răng, nting nđăng ra ai, bar đah kômâk râm nsâr.

Mathay 3:4

Y-Yôhan nsoh ao rsau seh samô, vân rse bŭt ntâu, sa krah nsăt jêh ri dak sŭt bri.

Nau Vay Nkah Tay 32:25

Padih đao mra nkhĭt phung kon, Tâm trôm nau krit kir ngăn Ƀư ma bu klâu ndăm jêh ri bu ur druh, Jêh ri kon se dôl gŭ pu toh nđâp ma bu klâu ranh mra rai lôch da dê.