Êsai 5:26 - Nau Brah Ndu Ngơi 2023

²⁶ Păng mra ndâk du n'ha kơ ma phung ndŭl mpôl gŭ ngai, Jêh ri uh nŭng kuăl khân păng bơh dŭt rplay neh, Aơ, khân păng văch ma nau ndal, ngăch ngăn!

Êsai 5:26 ပူးပေါင်းရင်းမြစ်များ

Nau Mprơ Ơm 60:4

May ăn ma phung klach yơk ma May du mlâm n'ha kơ Gay ma bu tâm mpơl păng yor nau ngăn. (Sêla)

Nau Mprơ Ơm 72:8

Păng mra chiă uănh bơh dak mƀŭt aơ, tât ta dak mƀŭt ri, Bơh Dak Krong kŏ tât dŭt rplay neh.

Êsai 10:3

Moh nau khân may mra ƀư tơlah tât nar tâm rmal, Lah nau ƀư rai tât ma khân may bơh ngai? Ntŭk êp khân may mra du gay ma geh nau kơl? Ta ntŭk khân may mra prăp nau ndrŏng khân may?

Êsai 11:12

Păng mra ndâk du n'ha kơ ma lĕ bri dak, Rgum lĕ phung Israel bu nsot jêh, Rgum phung Yuđa nsong mblêng Bơh puăn njônh neh ntu.

Êsai 13:2

Ndâk hom du n'ha kơ ta klơ yôk hil! Nter ăn huy ma khân păng, Vơch ti kuăl khân păng Lăp mpông mpêr phung ndrŏng!

Êsai 13:3

Gâp nơm hŏ ntăm jêh ma phung Gâp hŏ prăp êng jêh; Hŏ kuăl jêh phung bunuyh janh ktang Gâp tât Gay ma khân păng ƀư tât nau Gâp ji nuih; Khân păng jêng phung răm maak ma nau toyh Gâp.

Êsai 13:4

Ta lĕ yôk geh nau uh ah, Tâm ban ma nteh phung tahan âk râk! Nĕ jêng nter rđuh ngrông bơh lĕ bri hađăch, Jêng lĕ bri dak tâm rƀŭn tâm mâp ndrel. Brah Yêhôva ma phung tahan dôl hŏ rgum băl Du phung tahan gay hăn tâm lơh.

Êsai 13:5

Brah Yêhôva jêh ri ndơ tâm lơh nau Păng ji nuih, Văch bơh âk bri ngai, bơh dŭt trôk, Gay ƀư rai lĕ neh ntu.

Êsai 18:3

Ơ lĕ rngôch phung gŭ tâm neh ntu, Jêng phung rêh ta klơ neh! Lah bu n'hao jêh n'ha kơ ta klơ yôk, Ăn khân may uănh hom! Lah bu uh nŭng, Ăn khân may iăt!

Êsai 30:16

Khân may lah: ‘Mâu, hên mra ncho seh nchuăt du!’ Yor nây, khân may mra nchuăt du. ‘Hên mra ncho seh nchuăt ngăch!’ Yor nây, phung tĭng groi khân may mra nchuăt ngăch đŏng!

Êsai 31:9

Lŭ toyh păng rnơm mra rlau lôch yor nau klach krit, Phung kôranh chiă uănh păng mra râm nsâr, yor saơ n'ha kơ, Nây jêng nau Brah Yêhôva lah, Nơm geh ŭnh ta Siôn, ŭnh năk tâm ƀon Yêrusalem.

Êsai 39:3

Nơm mbơh lor Y-Êsai hăn mâp ma hađăch Hêsêkia jêh ri ôp: “Moh nau phung nây lah ma may, jêh ri mbah tă khân păng văch tât?” Y-Hêsêkia plơ̆ lah: “Khân păng văch tât tă bơh n'gor Babilôn bri ngai hăn chop khâl gâp.”

Êsai 7:18

Tâm nar nây, Brah Yêhôva mra uh nŭng kuăl huăch rhuay gŭ nglĕ dŭt tâm ăp dak krong bri Êjipt jêh ri kuăl sŭt bơh bri Asiri tât.

Yêrêmi 4:13

Aơ, păng văch tât nâm bu ndâr tŭk, Ndeh seh păng nâm bu phŭt chuănh đô̆, Seh ndơ tâm lơh păng prăl lơn nâm bu klang ƀŭng. Rêh ni ăn ma hên yorlah phung hên roh rai jêh!

Yêrêmi 5:15

Brah Yêhôva lah: “Hơi ngih phung Israel, Gâp mra djôt du ndŭl mpôl ƀon ngai tât tâm rdâng đah may. Nây jêng du ndŭl mpôl dăng ktang, Du ndŭl mpôl ơm jêh, Du ndŭl mpôl nau ngơi khân păng may mâu gĭt, Mâu gĭt rbăng moh nau khân păng ngơi.

Yêrêmi 51:27

“N'hao hom kơ tâm n'gor bri; Uh nŭng ta nklang lĕ bri dak; Ndrăp rơm hom phung ƀon lan gay tâm lơh đah păng! Kuăl rgum hom phung bri hađăch: Ararat, Mini, Askênas văch tât lơh păng! Dơm hom du huê kôranh tahan toyh, Djôt leo seh ndơ tâm lơh rduh tâm lơh janh ktang âk nâm bu krah ndrach!

Nau Nhĭm Vơl 4:19

Phung groi tĭng hên Prăl lơn ma klang ƀŭng tâm trôk ta klơ. Khân păng hăn tĭng hên ta klơ lĕ yôk, Grem kâp hên tâm bri rdah.

Êsêkiêl 38:17

Kôranh Brah Yêhôva lah: ‘Mâu di kăl e Gâp hŏ dŏng oh mon Gâp jêng nơm mbơh lor Israel lah jêh? Tâm rnôk nây, âk năm rlau khân păng hŏ mbơh lor pô aơ Gâp mra ăn may tât tâm lơh đah phung ƀon lan Gâp.’

Yôel 2:7

Khân păng nchuăt rduh nâm bu phung tahan ktang, Jêh ri hao mpoh mpêr ƀon nâm bu phung tahan; Ăp nơm hăn tĭng trong khân păng nơm, Mâu teng ôh bơh trong khân păng.

Habakuk 1:8

Seh hăn tâm lơh khân păng prăl rlau lơn phung yau brăch, Jêh ri janh ngăn rlau so bri dôl bri măng. Phung tahan ncho seh khân păng nchuăt ngăch ngăn văch tă bơh bri ngai; Khân păng mpăr ngăch nâm bu klang jŭr kăp mpa sa.

Sakari 10:8

Gâp mra kuăl khân păng jêh ri rgum tay khân păng, Yorlah Gâp hŏ tâm chuai jêh khân păng; Jêh ri khân păng mra jêng bĭk rơ̆ nâm bu kăl e.

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Nau Vay Nkah Tay 28:49

Brah Yêhôva mra njŭn leo du ndŭl mpôl bơh ntŭk dŭt ngai tât, bơh dŭt bri dŭt neh, tâm ban klang ƀŭng mpăr ngăch ngăn jŭr gay nhŭp khân may, du phung ƀon lan khân may mâu gĭt rbăng ôh nau ngơi khân păng,