Êsai 5:24 - Nau Brah Ndu Ngơi 2023

²⁴ Yor nây, tâm ban ma mpiăt ŭnh sa rhe, Jêh ri gơ̆ kro roh rai tâm mpiăt ŭnh, Tâm ban pônây lĕ reh khân păng mra ôm rai Jêh ri kao khân păng mra khôm rdu tâm ban ma ndruyh neh; Yorlah khân păng dun jêh nau ntrŭnh bơh Brah Yêhôva ma phung tahan, Jêh ri uănh mâu khlay nau Nơm Kloh Ueh Israel ngơi.

Êsai 5:24 ပူးပေါင်းရင်းမြစ်များ

II Phung Hađăch 19:22

Ma mbu nơm may mưch rmot jêh ri ngơi djơh tât? Ma mbu nơm may nter Jêh ri n'gơr măt ma nau sưr tâm rdâng? Janh tâm rdâng đah Nơm Kloh Ueh phung Israel!

Nêhêmi 9:26

Nđâp lah pônây, khân păng mâu tông bâr lĕ jêh ri tâm rdâng đah May, Chalơi nau vay Kôranh Brah pakơi, Nkhĭt phung nơm mbơh lor May, jêng phung mbơh ăn khân păng gay ăn khân păng plơ̆ sĭt tay ma Kôranh Brah, Jêh ri khân păng ƀư rngot lơ hâu lơn ma May.

Ndrom Samƀŭt bơh Yôp 18:16

Tâm dâng reh păng kro, Ta klơ n'gĭng păng lĕ klêu jêh.

Ndrom Samƀŭt bơh Yôp 8:17

Reh păng ƀăr jŭm mbŭch lŭ Sŏr jru tâm nklang nđa lŭ.

Nau Mprơ Ơm 50:17

Yor may tâm rmot nau nkra nti, Mƀăr lơi pakơi lĕ nau Gâp lah.

Nau Ngluh Êjipt 15:7

Ma nau rnam dŭt prêh ngăn, May dơi lơh phung rlăng. May mpơl nau ji nuih, Su khân păng nâm bu ŭnh sa rhe.

Nau Ngluh Êjipt 5:12

Phung ƀon lan hăn bra lam bri Êjipt gay ma dônh bun jia kro ntrok ƀư rhe.

Êsai 1:31

Bunuyh ktang mra tâm ban ma rse mhay bu ƀư brai, Nau kan păng tâm ban ma mprănh ŭnh, Lĕ bar ŭnh mra sa ndrel n'grŭp, Mâu geh nơm dơi buh nhhât.

Êsai 1:4

Rêh ni yơh ma bri dak ƀư nau tih, Phung ƀon lan ƀư nau tih jâk jêr Noi deh ƀư mhĭk, Phung kon gŭ ƀư nau ƀơ̆ ƀơch! Khân păng chalơi jêh Brah Yêhôva, Mưch rmot ma Nơm Kloh Ueh Israel, Plơ̆ jêng bu êng jêh ri nkhah du.

Êsai 24:6

Yor nây, nau rak rtăp sa rvăn neh, Phung ƀon lan klơ păng krêp nau tih. Yor nây phung gŭ tâm neh ŭnh sa, Knŏng hôm klen djê̆ bunuyh.

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 30:12

Yor nây, Nơm Kloh Ueh Israel lah pô aơ: “Yorlah khân may mưch ma nau ngơi aơ, Rnơm ma nau tŭn jot jêh ri nau mƀruh, Jêh ri rnơm ma nau nây,

Êsai 30:9

Yorlah khân păng jêng du phung ƀon lan tâm rdâng, Jêng phung kon mƀruh, Phung kon mâu ŭch iăt ôh Nau ntrŭnh bơh Brah Yêhôva.

Êsai 47:14

Aơ, khân păng mra plơ̆ jêng tâm ban ma rhe, Ŭnh sa; Khân păng mâu dơi tâm rklaih khân păng nơm ôh Bơh nau brah mpiăt ŭnh; Ŭnh aơ mâu jêng ôh tâm ban ma ônh rnga bu njâr, Mâu lah gŭ pĭt ŭnh.

Êsai 7:9

Bôk Êphraim jêng Samari, Bôk Samari jêng Y-Rêmalia. Tơlah khân may mâu iăt nanê̆ ôh, Khân may mra mâu nâp ôh.’”

Êsai 8:6

“Yorlah phung ƀon lan aơ hŏ dun jêh ma n'hong dak Silôê đăp mpăn, jêh ri klach râm nsâr tanăp măt Y-Rêsin ndrel ma kon bu klâu Y-Rêmalia;

Êsai 9:18

Yor nau Brah Yêhôva ma phung tahan ji nuih, Bri neh ŭnh sa, phung ƀon lan jêng tâm ban ma ndơ ăn ŭnh sa. Bu mâu geh nhhuach ôh ma oh nâu păng.

Êsai 9:19

Khân păng sŏk ndơ pa ma ƀiălah ât ji ngot, Khân păng sa ndơ pa chiau ƀiălah ăt mâu hơm ôh; Ăp nơm sa nglay săk kon păng nơm.

Yêrêmi 6:19

Hơi neh, iăt hom! Gâp mra djôt nau mhĭk tât ma phung ƀon lan aơ, Nây jêng nau play bơh lĕ mĭn nchră khân păng, Yorlah khân păng mâu rkêng tôr iăt tât ma nau Gâp, Jêh ri dun nau vay Gâp.

Yêrêmi 8:9

Phung blau mĭn mra prêng, Roh nau duh nđơr jêh ri geh dăk. Khân păng hŏ chalơi nau Brah Yêhôva, Mâm hôm dơi blau mĭn đŏng?

Êsêkiêl 15:6

Yor ri, Kôranh Brah Yêhôva lah: “Nâm bu rtau tơm krăk ƀâu ta nklang tơm si tâm krŏng Gâp sŏk ƀư long mƀăr tâm ŭnh, Gâp mra jao phung gŭ tâm ƀon Yêrusalem tâm ban pônây lĕ.

Ndrom Samƀŭt bơh Ôsê 11:9

Gâp mâu mra ƀư ôh tĭng nâm nau Gâp ji nuih Jêh ri mâu mra ƀư rai ôh Êphraim. Yorlah Gâp jêng Brah Ndu mâu di jêng bunuyh ôh; Gâp jêng Nơm Kloh Ueh gŭ ta nklang may, Gâp mâu mra văch ma may tâm nau ji nuih.

Ndrom Samƀŭt bơh Ôsê 5:12

Yor nây, Gâp jêng nâm bu du mlâm nchiăr ƀon Êphraim Jêh ri nâm bu nau ôm ƀư rai ma ngih Yuđa.

Ndrom Samƀŭt bơh Ôsê 9:16

Êphraim bu lơh jêh; Reh păng lĕ kro. Khân păng mâu mra play đŏng ôh; Nđâp tơlah khân păng deh kon Tâm ban lĕ Gâp nkhĭt lơi lĕ kon nau rŏng khân păng hŏ ntreo jêh.”

Yôel 2:5

Khân păng ta lô̆ nsăt ta klơ yôk tăng nâm bu nteh ndeh seh, Nâm bu nteh rtoh ŭnh sa rhe; Nâm bu du phung tahan ktang ndrăp hăn ta ntŭk tâm lơh.

Amôt 2:4

Brah Yêhôva lah: “Yor nau tih mhĭk Yuđa ntop hôm nau tih mhĭk Yor ri Gâp mâu rhuăt tay nau tâm rmal bơh păng. Yorlah khân păng dun jêh ma nau vay Brah Yêhôva, Jêh ri mâu djôt prăp ôh nau vay păng ntĭnh, Ƀiălah lĕ nau mbruh ƀư vĭ trong, Hăn tĭng trong chô yau khân păng,

Amôt 2:9

Nđâp tơlah pônây, Gâp nơm yơh hŏ ƀư rai jêh phung Amôrit tanăp măt khân păng, Jêng phung bunuyh prêh nâm bu tơm si sêdar, Jêh ri dăng ktang nâm bu tơm si guyh. Gâp ƀư rai jêh play khân păng ta klơ n'gĭng Jêh ri reh khân păng tâm dâng neh.

Nahum 1:10

Yorlah nđâp lah khân păng tâm pêng nâm bu pŭm lok Jêh ri ndĭt ndiu nâm bu phung nhŭl ndrănh, Khân păng mra ŭnh sa nâm bu rhe kro.

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

Mathay 3:12

Păng djôt dông nsiăng kloh plên ba Păng nơm, jêh nây rgum ba tâm jay; bi njŏk rhe su lơi tâm ŭnh mâu blau nhhât.”

Luka 10:16

Mbu nơm iăt khân may, jêng iăt Gâp; mbu nơm dun khân may, jêng dun Gâp. Mbu dun Gâp, jêng dun Nơm hŏ njuăl Gâp.”

Luka 3:17

Ti Păng djôt dông nsiăng kloh plên ba Păng nơm jêh ri rgum ba tâm jay; ƀiălah njŏk rhe su lơi tâm ŭnh mâu blau nhhât.”

Luka 7:30

Ƀiălah phung Pharisi jêh ri phung kôranh nchih samƀŭt mâu ŭch Y-Yôhan ƀư ƀaptem ma khân păng, pôri khân păng dun nau ŭch Brah Ndu prăp ma khân păng.

Yôhan 12:48

Mbu nơm dun Gâp, mâu sŏk dơn ôh nau Gâp nti lah, hŏ geh jêh Nơm phat dôih păng; nau Gâp nti lah mra phat dôih păng ta nar nglĕ dŭt.

Kôranh Oh Mon 13:41

‘Hơi phung dăng mưch! Klach krit hom jêh ri du roh hom! Yorlah tâm rnôk khân may, Gâp mra ƀư du ntil kan, Nđâp tơlah bu nkoch bri, khân may mâu chroh đŏng ôh!’”

Nau Vay Nkah Tay 28:24

Dak mih ta n'gor khân may, Brah Yêhôva mra rlơ̆ jêng choih jêh ri ndruyh tŭp tă bơh trôk kŏ tât khân may rai lôch.

I Têsalônik 4:8

Yor ri, mbu nơm dun nau hên ngơi, mâu di dun kon bunuyh ôh, ƀiălah jêng dun Brah Ndu, Nơm ăn jêh Brah Huêng Ueh Păng ma khân may.

I Samuel 15:23

Nau tâm rdâng geh nau tih nâm bu nau tih n'hŭm nklă, Nau dăng bôk geh nau tih nâm bu nau tih mbah rup brah. Yorlah may chalơi jêh nau Brah Yêhôva ngơi Pôri Păng ăt chalơi may, mâu ăn ma may chiă uănh đŏng ôh.”

I Samuel 15:26

Y-Samuel plơ̆ lah ma Y-Sôl: “Gâp mâu plơ̆ sĭt ndrel ma may ôh. Yorlah may lĕ chalơi jêh nau Brah Yêhôva ngơi, yor ri Brah Yêhôva chalơi jêh may, mâu ăn ma may chiă uănh phung Israel đŏng ôh.”