Êsai 5:23 - Nau Brah Ndu Ngơi 2023

²³ Rêh ni ngăn ma phung yor dơn drăp blŏl gay kơp nau sŏng srăng ma phung geh nau tih, Jêh ri pit sŏk nau sŏng srăng ma phung sŏng srăng!

Êsai 5:23 ပူးပေါင်းရင်းမြစ်များ

I Phung Hađăch 21:13

Nôk nây, bar hê phung mhĭk văch gŭ panăp Y-Nabôt. Bar hê phung mhĭk nây phong mƀruh ma Y-Nabôt panăp phung ƀon lan pô aơ: “Y-Nabôt rak rtăp jêh ma Brah Ndu jêh ri ma hađăch.” Jêh nây khân păng njŭn leo păng luh padih ƀon jêh ri klŭp păng ma lŭ kŏ tât khĭt.

II Nau Rêh Jêng 19:7

Pôri aƀaơ ăn khân may geh nau yơk klach ma Brah Yêhôva, njrăng hom moh nau khân may ƀư, yorlah Yêhôva Brah Ndu he, mâu dơn nau mâu di, gŭ mpeh du ding, mâu lah dơn ndơ bu blŏl.”

Nau Mprơ Ơm 94:21

Khân păng tâm rgum gay ƀư mhĭk ma nau rêh bunuyh sŏng srăng Jêh ri tâm rmal nkhĭt phung mâu geh nau tih.

Nau Hôr 17:15

Mbu nơm kơp bunuyh mhĭk jêng sŏng srăng jêh ri nơm nduyh bunuyh sŏng srăng, Lĕ bar hê tâm rmot ma Brah Yêhôva da dê.

Nau Hôr 17:23

Bunuyh ƀai dơn ndơ bu blŏl ma nau ndâp Gay ƀư vĭ mâng njing nau di.

Nau Hôr 24:24

Mbu nơm lah ma phung ƀai pô aơ: “May jêng bunuyh sŏng srăng,” Phung ƀon lan mra rak rtăp, jêh ri lĕ bri dak mra tâm rmot ma păng.

Êsai 1:23

Phung chiă uănh may jêng phung tâm rdâng, Tâm rnglăp ndrel ma đah phung ntŭng. Ăp nơm rŏng ma drăp blŏl, Jêh ri nchuăt tĭng nau nkhôm. Khân păng mâu phat dôih nau di ma phung kon đơi, Mâu lĕ khân păng chrê ma nau phong dôih bu ur ndrô.

Êsai 10:1

Rêh ni ngăn ma phung nchih nau vay mâu sŏng, Phung nchih nau vay dăp mâu di,

Êsai 10:2

Gay pit sŏk nau geh phung mâu geh nau ktang Jêh ri sŏk roh nau di bơh phung o ach tâm phung ƀon lan Gâp, Plăch rgâl phung bu ur ndrô sai jêng mpa sa ma khân păng, Jêh ri phung kon đơi jêng ndơ pit sŏk!

Êsai 28:7

Rlau ma nĕ phung aơ vĕt ta vĕng đŏng yor ndrănh, Jêh ri hăn ndĭt ndĭu yor nhŭl ndrănh. Phung kôranh ƀư brah jêh ri phung nơm mbơh lor hăn ndĭt ndĭu da dê yor ndrănh ktang, Ndrănh hŏ rvăn khân păng, Jêh ri hăn ndĭt ndĭu yor ndrănh ktang; Khân păng but bi tâm saơ, Jêh ri ƀư vĭ dôl gŭ phat dôih.

Êsai 29:21

Nây jêng phung dŏng nau ngơi ƀư ma bu geh nau phat dôih, Ƀư dăk sân nơm phat dôih ta mpông ƀon, Phung dŏng nau mbơh mƀruh ƀư nsak ma nơm sŏng srăng chŭn.

Êsai 32:7

Phung ƀlăch ƀlêr dŏng ndơ tâm lơh mhĭk, Mĭn ma nau ƀư ƀai jêh ri nau ngơi mƀruh, Gay ƀư mhĭk phung dêh rhêt jêh ri phung o ach, Nđâp tơlah nau khân păng dăn jêng di.

Êsai 59:15

Nau ngăn mâu hôm, Mbu nơm der đah nau mhĭk njêng păng nơm jêng ndơ bu pit.” Brah Yêhôva hŏ saơ pô aơ Tâm dâng măt Păng, lĕ rngôch mhĭk da dê, mâu geh nau sŏng.

Amôt 5:12

Yorlah Gâp gĭt nau ƀư tih khân may âk ir, Nau tih khân may mâu hôm dơi kơp; Khân may tŭn jot phung sŏng srăng, Dơn sŏk drăp bu blŏl, Jêh ri mâu koh dŏng nau di ma phung o ach tâm ntŭk mpông ƀon.

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Mika 7:3

Ti khân păng vay ƀư nau mhĭk. Kôranh chiă uănh ŭch geh drăp ndơ, Kôranh phat dôih dơn ndơ bu blŏl; Bi ma kôranh toyh nuih n'hâm bêng ma nau ŭch kơnh, Khân păng tâm nchră ndrel.

Mathay 23:35

gay ăn ma mham phung sŏng srăng hoch luh jêh ta neh ntu mra nkhŭt ta khân may da dê, ntơm bơh mham Y-Abel mâu geh nau tih tât ta mham Y-Sakari jêng kon bu klâu Y-Baraki, nơm khân may nkhĭt jêh tâm vah vang Ntŭk Kloh Ueh jêh ri nơng ƀư brah.

Nau Vay Nkah Tay 16:19

Khân may mâu dơi ôh ƀư tih đah nau di, mâu gŭ nding, mâu dơn ôh drăp bu blŏl, yorlah drăp bu blŏl mra ƀư chieh măt phung blau mĭn jêh ri nsak nau ngơi bơh phung nơm sŏng srăng.

Yakơ 5:6

khân may tâm rmal jêh ri nkhĭt jêh phung sŏng srăng, ƀiălah păng mâu tâm rdâng đah khân may ôh.