Êsai 5:22 - Nau Brah Ndu Ngơi 2023

²² Rêh ni ngăn ma phung dăng nhêt ndrănh, Jêh ri phung blau kan nau lŭk lai lĕ ndơ nhêt nhŭl!

Êsai 5:22 ပူးပေါင်းရင်းမြစ်များ

I Phung Hađăch 20:16

Nklang bôk nar, nôk nây Y-Ben-Hadat gŭ nhêt ndrănh jêh ri nhŭl tâm trôm ndưp rmlak păng nơm ndrel ma pe jât ma bar phung hađăch mpeh băl păng, phung Israel leo phung tahan hăn luh.

Nau Ngluh Êjipt 23:8

Lơi may dơn ôh drăp bu blŏl, yorlah drăp bu blŏl mra ƀư chieh măt nơm gĭt blau jêh ri nsak nau ngơi bơh phung nơm sŏng srăng.

Nau Hôr 20:1

Ndrănh ƀư ăn bu tâm mưch, ndơ nhêt nhŭl ƀư ăn nau ngơi drơu drơu; Mbu nơm dŏng păng rlau keh ir mâu di ôh jêng blau mĭn.

Nau Hôr 23:29

Mbu nơm geh nau rêh ni? Mbu nơm nter lah? Mbu nơm tâm rlăch? Mbu nơm lŭng nter? Mbu nơm rmanh mâu geh kô̆? Mbu nơm geh măt chăng?

Nau Hôr 31:4

Hơi Y-Lêmuêl, mâu ueh ôh ăn ma phung hađăch, Mâu ueh ôh ăn hađăch nhêt ndrănh, Mâu lah phung kôranh ôp: “Mbah ntŭk ndrănh?”

Nau Hôr 31:5

Klach lah nôk nhêt nhŭl, khân păng chuêl nau vay ntăm, Ƀiălah hăn rlơ̆ đah nau di ăn phung rêh ni.

Êsai 22:13

Ntrok đah nau aơ, khân may nkhơng ma hâk răm: Chôk ndrôk, nkhĭt biăp, Sa puăch jêh ri nhêt ndrănh. Khân may lah: “Aƀaơ, sông sa nhêt hom, Yorlah nar ôi taơ he mra khĭt!”

Êsai 24:9

Mâu hôm geh nơm ƀă nhêt ndrănh ƀă mprơ; Ndrănh mra jêng tăng ma nơm nhêt păng.

Êsai 28:7

Rlau ma nĕ phung aơ vĕt ta vĕng đŏng yor ndrănh, Jêh ri hăn ndĭt ndĭu yor nhŭl ndrănh. Phung kôranh ƀư brah jêh ri phung nơm mbơh lor hăn ndĭt ndĭu da dê yor ndrănh ktang, Ndrănh hŏ rvăn khân păng, Jêh ri hăn ndĭt ndĭu yor ndrănh ktang; Khân păng but bi tâm saơ, Jêh ri ƀư vĭ dôl gŭ phat dôih.

Êsai 5:11

Rêh ni ngăn ma phung kah rngăl ơm Gay tĭng joi ndrănh, Gŭ nhêt kŏ tât măng Gay ndrănh pâr su khân păng!

Êsai 56:12

Khân păng jă ndrăng khân păng: “Văch hom, gâp mra sŏk ndrănh, He mra nhŭl yor ndrănh dăng; Nar ôi taơ tâm ban đŏng ma nar aơ, Jêh ri nau khlay rlau lơn ma nĕ.”

Habakuk 2:15

Rêh ni ngăn ma nơm n'hơk ndrănh ma phung chiau meng păng N'hơk kachok nau ji nuih kŏ tât khân păng nhŭl ndrănh, Gay uănh nau rhôk khân păng!