Êsai 5:20 - Nau Brah Ndu Ngơi 2023

²⁰ Rêh ni ngăn ma phung rnha ntơ nau mhĭk jêng ueh, Lah nau ueh jêng mhĭk; Sŏk nau ngo jêng nau ang, Sŏk nau ang jêng nau ngo; Sŏk nau tăng jêng nau njŭng, Sŏk nau njŭng jêng nau tăng.

Êsai 5:20 ပူးပေါင်းရင်းမြစ်များ

Ndrom Samƀŭt bơh Yôp 17:12

Khân păng sŏk măng ƀư jêng nar; Tâm ntŭk ngo khân păng lah pô aơ nau ang dăch jêh.

Nau Ngluh Êjipt 23:7

Ăn kon der ngai đah lĕ nau ngơi nklă jêh ri lơi ta nkhĭt ôh bunuyh mâu geh nau tih mâu lah nơm sŏng srăng, yorlah Gâp mâu mra kơp ôh nau sŏng srăng ma nơm djơh mhĭk.

Nau Hôr 17:15

Mbu nơm kơp bunuyh mhĭk jêng sŏng srăng jêh ri nơm nduyh bunuyh sŏng srăng, Lĕ bar hê tâm rmot ma Brah Yêhôva da dê.

Nau Hôr 4:17

Khân păng sa piăng let ma nau djơh mhĭk Jêh ri nhêt ndrănh ma nau janh ƀai.

Êsai 24:9

Mâu hôm geh nơm ƀă nhêt ndrănh ƀă mprơ; Ndrănh mra jêng tăng ma nơm nhêt păng.

Êsai 29:21

Nây jêng phung dŏng nau ngơi ƀư ma bu geh nau phat dôih, Ƀư dăk sân nơm phat dôih ta mpông ƀon, Phung dŏng nau mbơh mƀruh ƀư nsak ma nơm sŏng srăng chŭn.

Êsai 30:10

Khân păng lah ma phung geh nau tâm saơ: “Lơi saơ nau tâm saơ đŏng,” Jêh ri lah đah phung saơ nau tâm saơ pô aơ: “Lơi nkoch ma hên lĕ nau tâm saơ ma nau nanê̆ ngăn đŏng ôh! Ngơi hom ma hên lĕ nau ƀư maak ma tôr hên, Jêh ri nkoch hom ma hên lĕ nau mâu geh ngăn.

Êsai 32:5

Bu mâu mra rnha bunuyh rluk jêng nơm khư bu yơk ôh, Mâu geh bunuyh yơk ma nơm ƀlăch ƀlêr ôh.

Êsêkiêl 13:19

Khân may ƀư bêk jêh Gâp ta nklang phung ƀon lan Gâp yor lĕ mbăt ba ôrgơ jêh ri lĕ rlat piăng let. Khân may ndơm phung ƀon lan Gâp jêng phung ŭch iăt lĕ nau mƀruh nây gay ŭch nkhĭt bunuyh mâu khư đah nau khĭt ôh jêh ri om rêh phung mâu khư ma nau rêh ôh.’

Amôt 5:7

Khân may rgâl nau sŏng luh jêng nau tăng Jêh ri mƀăr nau sŏng srăng ta neh!

Mika 3:2

Khân may jêng phung ji nuih đah nau ueh, ŭch ma nau mhĭk; N'huk ntâu phung ƀon lan Gâp Jêh ri tah doih puăch tă bơh nting khân păng.

Habakuk 1:4

Yor nây, nau vay mâu hôm chrê ôh, Nau di mâu ŭch ƀư ôh. Phung janh ƀai nchueng bunuyh sŏng srăng, Yor ri nau di geh nau kue.

Malachi 2:17

Khân may hŏ rsuak jêh Brah Yêhôva ma nau khân may ngơi, khân may lah đŏng pô aơ: “Ntŭk geh hên ƀư rsuak Păng?” Nây jêng lah khân may ngơi: “Ăp nơm ƀư nau mhĭk jêng ueh tanăp măt Brah Yêhôva, jêh ri Păng ŭch ngăn phung bunuyh pônây.” Mâu lah ôp: “Ta ntŭk gŭ Brah Ndu nau sŏng?”

Malachi 3:15

Aƀaơ, hên kơp phung sưr jêng geh ueh lăng ngăn; phung ƀư nau djơh mhĭk mâu knŏng dơi geh nau chăt hao, ƀiălah khân păng hôm e rlong uănh Brah Ndu, jêh ri hŏ dơi klaih jêh!”

Luka 16:15

Păng lah ma khân păng: “Khân may ŭch jan sŏng srăng tanăp bunuyh, ƀiălah Brah Ndu gĭt năl nuih n'hâm khân may; yorlah nau bunuyh n'hao jêng nau mưch rmot tanăp Brah Ndu.

Nau Vay Nkah Tay 25:1

“Lah lĕ bar đah geh nau tâm rlăch jêh ri khân păng hăn ma nau phat dôih pôri phung kôranh phat dôih mra ngơi an dôih ma khân păng: Mbơh nau sŏng srăng ma bunuyh geh nau sŏng srăng jêh ri mbơh nau tih ma bunuyh geh nau tih.

II Pêtrôs 2:1

Ƀiălah geh jêh âk phung mbơh lor nklă mpơl tâm phung ƀon lan, jêh ri mra geh đŏng kôranh nti nklă tâm khân may; khân păng mra mbơh nkoch ndâp lĕ nau chroh nklă blau hâu ngăn, dun ma Kôranh Brah jêng Nơm tâm chuai jêh khân păn nơm, sŏk dơn nau ƀư rai gơnh ro ma khân păng nơm.