Êsai 5:18 - Nau Brah Ndu Ngơi 2023

¹⁸ Rêh ni ngăn ma phung dŏng rse nau kue đŏt nau mhĭk, Nâm bu rse brăt mphâk ndeh đŏt leo nau tih.

Êsai 5:18 ပူးပေါင်းရင်းမြစ်များ

Nau Mprơ Ơm 10:11

Păng mĭn tâm nuih n'hâm: “Brah Ndu chuêl jêh, Păng lĕ pôn măt jêh ri mâu mra saơ nau aơ ôh.”

Nau Mprơ Ơm 14:1

Bunuyh rluk lah tâm nuih n'hâm pô aơ: “Mâu geh Brah Ndu ôh.” Khân păng rai yot da dê, ƀư lĕ kan ƀơ̆ ƀơch; Mâu geh du huê ƀư nau ueh ôh.

Nau Mprơ Ơm 36:2

Yorlah păng n'gơr n'hao êng păng nơm pô aơ, Nau tih păng mâu mra mpơl jêh ri mâu geh bunuyh tâm rmot ma păng ôh.

Nau Hôr 4:17

Khân păng sa piăng let ma nau djơh mhĭk Jêh ri nhêt ndrănh ma nau janh ƀai.

Êsai 28:15

Yorlah khân may lah jêh: “Hên hŏ ƀư jêh nau tâm rnglăp đah nau khĭt, Hên geh du nau tâm rnglăp đah ƀon phung khĭt Lah nau tât geh ƀư rai rmeh ler rgăn Mâu mra tât ma hên ôh. Yorlah hên sŏk jêh nau mƀruh jêng ntŭk hên nsing, Sŏk nau ndơm jêng ntŭk hên du krap.”

Yêrêmi 23:10

Bri dak bêng ma phung văng tĭr; Geh nau rak rtăp rĭ dĭng bri dak geh nau rngot rvê, Lĕ rngôch ndrêch gơ̆ tâm bri rdah kro da dê jêh. Trong khân păng hăn jêng nau kue, Nau dơi khân păng djôt jêng nau mâu di.

Yêrêmi 23:14

Ƀiălah nklang phung mbơh lor gŭ ta Yêrusalem, Gâp hŏ saơ jêh nau mhĭk: Khân păng ƀư tih văng tĭr, chuat hăn tâm nau mƀruh; Khân păng ƀư ntop nau dăng ktang ăn ma ti phung ƀai, Kŏ tât mâu geh bunuyh chalơi nau mhĭk khân păng. Gâp uănh lĕ rngôch khân păng nâm bu Sôdôm, Jêh ri phung ƀon lan gŭ ta Yêrusalem nâm bu Gômôrơ.”

Yêrêmi 23:24

Brah Yêhôva lah: “Mbu dơi nde krap păng nơm tâm ntŭk ndâp gay Gâp mâu dơi saơ lĕ?” Brah Yêhôva lah đŏng: “Mâu di hĕ Gâp mpơl ăp ntŭk, ăp lĕ ndâr trôk jêh ri neh ntu hĕ?

Yêrêmi 36:23

Ăp tơ̆ Y-Jêhudi rŏ geh pe puăn kô̆ tâm ndrom samƀŭt, hađăch sŏk pêh tor samƀŭt koh lơi jêh ri klŭp mƀăr tâm năk ŭnh, kŏ tât ŭnh sa lĕ ndrom samƀŭt tâm ŭnh năk.

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Êsêkiêl 13:22

Yorlah khân may sŏk nau nchơt mƀruh ƀư rngot nuih n'hâm phung sŏng srăng nđâp lah Gâp mâu mâp ƀư rdja nuih khân păng ôh. Ƀiălah khân may ƀư ma ti phung ƀai ktang lơn gay ma khân păng mâu chalơi ôh bơh trong nau mhĭk păng gay dơi geh nau rêh.

Sôphôni 1:12

Nôk nây, Gâp mra djôt ŭnh rdo sek joi ƀon Yêrusalem, Jêh ri mra tâm rmal phung geh nau mpay jêh nâm bu ndrănh djah dăch dŭt, Jêng phung lah êng pô aơ: ‘Brah Yêhôva mâu mra ăn nau ueh ôh, Mâu lĕ ăn nau mhĭk.’

Yôhan 16:2

Khân păng mra nsot lơi khân may luh bơh ngih rƀŭn; jêh ri mra tât mông rnôk mbu nơm ƀư nkhĭt khân may mra mĭn păng pah kan ma Brah Ndu.

Kôranh Oh Mon 26:9

Nanê̆, lor panăp aơ gâp mĭn jêh joi lĕ rngôch nau tâm rdâng đah amoh Brah Yêsu bunuyh Nasaret.

Phung Kôranh Phat Dôih 17:13

Y-Mika lah: “Aƀaơ gâp gĭt ma Brah Yêhôva mra ăn nau ueh uĭn ma gâp, yorlah gâp geh du huê bunuyh Lêvi jêng kôranh ƀư brah.”

Phung Kôranh Phat Dôih 17:5

Pônây, ngih Y-Mika jêng du ntŭk jay rhŏ brah. Păng ƀư du mlâm êphôt, jêh ri rup brah jê̆, jêh nây njêng du huê kon bu klâu păng ƀư kôranh ƀư brah.