Êsai 5:17 - Nau Brah Ndu Ngơi 2023

¹⁷ Rnôk nây, phung kon biăp mra sa gơ̆ nâm bu ndrêch gơ̆ khân păng nơm, Phung bu gŭ njưh mra sa ta ntŭk rlâm rai nchah phung ndrŏng.

Êsai 5:17 ပူးပေါင်းရင်းမြစ်များ

Nêhêmi 9:37

Yor ma nau tih hên, kao play rmeh ler nây mpeh ma phung hađăch Kôranh Brah hŏ ƀư jêh ma hên. Khân păng geh nau dơi chiă uănh săk jăn hên jêh ri mpô mpa hên rong, ƀư moh nau tĭng nâm khân păng ŭch. Hên dôl gŭ tâm nau rêh ni toyh.

Nau Mprơ Ơm 119:70

Nuih n'hâm khân păng men, mbâl nâm bu ngi, Ƀiălah gâp rŏng ma nau vay May.

Nau Mprơ Ơm 17:10

Khân păng nchăng nâp nuih n'hâm khân păng nơm; Bâr mbung khân păng sưr rlau.

Nau Mprơ Ơm 17:14

Ơ Brah Yêhôva, dŏng ti May rklaih an gâp tă bơh phung bunuyh neh ntu, Jêng phung khân păng knŏng geh tâm rnôk aơ. May ăn ndŭl khân păng bêng ler lĕ drăp ndơ May ăn prăp ma khân păng; Phung kon khân păng dơi rmeh ler tâm ban lĕ Jêh ri kŏ hôm e rmeh ăn ma phung sau khân păng.

Nau Mprơ Ơm 73:7

Măt khân păng luh mpơl tâm ngi; Nuih n'hâm khân păng bêng nau mĭn brŭt moih.

Êsai 1:7

Bri dak khân may jêng rngot njăp, Lĕ ƀon toyh khân may bu su ma ŭnh Phung bu năch sŏk pit neh khân may, Tanăp măt khân may, Ƀư bri khân may jêng rngot njăp lah phung bu năch tŭn jot.

Êsai 10:16

Yor nây, Kôranh Brah jêng Brah Yêhôva ma phung tahan Mra ƀư ma phung janh ktang hađăch nây plơ̆ jêng rgay grol; Jêh ri tâm dâng nau chrêk rmah hađăch nây, Ŭnh mra sa tâm ban ma du mbŭch ŭnh su.

Êsai 17:2

Lĕ ƀon Arôer mra jêng rngot njăp Jêh ri mra jêng ntŭk ma phung biăp bê̆ch rlu, Mâu geh nơm ƀư ma khân păng râm sâr ôh.

Êsai 32:14

Ngăn yơh, bu mra chalơi ngih hađăch, Ƀon toyh mra jêng rngot njăp; Yôk jêh ri ngih tŭm gak mra jêng trôm mpa bri lĕ rngôch rnôk n'ho ro Ntŭk pâl ma seh bri, Jêh ri ƀư ndrêch gơ̆ ma phung mpô mpa sa,

Êsai 40:11

Păng mra chiăp biăp Păng tâm ban ma bunuyh rmăk biăp; Rgum phung kon biăp tâm ti Păng Jêh ri chông ut khân păng tâm ntang ntơh; Mbrơi mbrơi njŭn leo phung biăp me dôl ăn pu kon.

Êsai 65:10

Ma phung ƀon lan Gâp, phung tĭng joi jêh Gâp, Sarôn mra jêng ntŭk ndrêch gơ̆ ma phung biăp, Jêh ri rlŭng Akôr mra jêng ntŭk rlu ma phung ndrôk kuen.

Êsai 7:25

Khân may mâu hôm đŏng hăn tâm mir yôk khân may hŏ vay kai pŏk yorlah klach ma rtau lok jêh ri pih pŭm; ƀiălah ntŭk nây mra jêng ntŭk bu mra mƀơk ndrôk jêh ri ăn biăp jot hăch ntŭk nây.

Yêrêmi 5:28

Khân păng toyh jêh ri lay. Nau tih mhĭk khân păng lĕ rlau keh; Khân păng mâu phat dôih ma nau di gay ma phung kon đơi dơi geh, Ăt mâu sâm kơl nau geh ma phung o ach.”

Nau Nhĭm Vơl 5:2

Drăp ndơn hên lĕ sĭt ma ti phung bu năch jêh, Ngih vâl hên jêng ndơ phung bu năch.

Ndrom Samƀŭt bơh Ôsê 4:16

Yorlah Israel dăng bôk Nâm bu ndrôk me druh dăng ko; Di lĕ aƀaơ Brah Yêhôva siăm khân păng Nâm bu biăp kon hăn nsong tâm ndrêch gơ̆ huy?

Ndrom Samƀŭt bơh Ôsê 8:7

Yorlah khân păng hŏ srih jêh sial mra rek phŭt chuănh. Khân păng jêng tơm ba dâk mâu geh găr, Mâu mra luh jêng rnih môi ôh. Tơlah păng mâu geh luh rnih môi Pôri phung bu năch ăt mra rvăn lĕ.

Mika 2:12

“Hơi Yakôb! N'hêl nanê̆ Gâp mra tâm rƀŭn lĕ rngôch khân may, Nanê̆ ngăn Gâp mra rgum lĕ phung Israel hôm e, Jêh ri djôt khân păng gŭ nsum tay Nâm bu phung biăp tâm ndrung, Nâm bu du phung biăp gŭ ta nklang tâm ndrêch khân păng; Ta ntŭk nây mra geh bâr bunuyh drơu drơu.

Sôphôni 2:14

Phung mpa rong mra kuen ta nklang ƀon; Lĕ rngôch ntil phung mpô mpa êng, Nđâp ma klang grât jêh ri blŏ, Gŭ ta ăp chiông meh gâng tâm ban lĕ, Nteh sĭm ndrau huy prot ta mpông bloh, Nau lĕ rngol ta ntŭk mbong mpông, Yorlah ăp ntil ndơ bu ƀư ma tơm si sêdar lĕ rơih lơi.

Sôphôni 2:6

Ta kơh dak mƀŭt mra jêng ndrêch gơ̆, Gay phung chiăp ƀư ntŭk chiăp biăp Jêh ri ƀư ndrung ma phung biăp.

Luka 21:24

Bu mra nkhĭt khân păng ma đao bu njŭn khân păng jêng bu nă tâm lĕ rngôch mpôl băl, jêh ri phung bu năch mra jot ƀon Yêrusalem tâm dâng jâng khân păng, tât rnôk phung bu năch mra ƀư lĕ.

Nau Vay Nkah Tay 28:33

Du phung ndŭl mpôl khân may mâu mâp gĭt năl ôh mra sa lĕ ro play kao bơh n'gor khân may jêh ri bơh lĕ n'hâm suan khân may pah kan; bu mra tŭn jot jêh ri jot nkrâm khân may ƀaƀơ,

Nau Vay Nkah Tay 32:15

Dôl Yêsurun văch ma lay jêh ri chưng, — Khân may lay đŏng, săk jăn rmŏng — Chalơi Brah Ndu, Nơm njêng jêh khân may nơm Jêh ri mưch ma Lŭ Toyh tâm rklaih khân may nơm.