Êsai 5:14 - Nau Brah Ndu Ngơi 2023

¹⁴ Yor nây, ƀon phung khĭt pơk huy nuih n'hâm kơnh ŭch khân păng Jêh ri hă ăn huy mbung păng rlau keh; Phung ndrŏng jêh ri phung ƀon lan, Phung vay tâm djrel jêh ri phung nhŭl ndrănh, tŭp tâm nây da dê.

Êsai 5:14 ပူးပေါင်းရင်းမြစ်များ

Nau Mprơ Ơm 49:14

Khân păng jŭr tâm ƀon phung khĭt nâm bu phung biăp; Nau khĭt mra mât njrăng khân păng Ơm ôi, phung sŏng mra jot sôt khân păng. Săk jăn khân păng bu mra ƀư rai lơi. Ƀon phung khĭt jêng ntŭk khân păng gŭ.

Nau Mprơ Ơm 55:15

Ŭch ma nau khĭt tât ma khân păng gơnh ro! Ŭch ma khân păng hôm gŭ rêh mra tŭp tâm ƀon phung khĭt! Yorlah nau mhĭk gŭ tâm ngih khân păng jêh ri tâm nuih n'hâm khân păng.

Nau Hôr 1:12

Phung he mra rvăn rêh khân păng nâm bu ƀon phung khĭt, Jêh ri rvăn glŏm nâm bu phung hăn trŭnh ma ntu môch;

Nau Hôr 27:20

Găr măt kon bunuyh mâu blau dĭl, Nâm bu ƀon phung khĭt jêh ri brŏng jru mâu blau bêng.

Nau Hôr 30:16

Nây jêng: Ƀon Phung Khĭt, ndŭl băt bă kon, Neh kroh dak, jêh ri ŭnh, Mâu prot lah: “Tŏng jêh!”

Êsai 14:11

Nau lư geh ndrel ma nteh gong rêng loih may Bu hŏ djôt leo jŭr tâm ƀon phung khĭt da dê. Rhai ƀư sưng bê̆ch may, Bi ndrŭng rvơng ƀư nah ntâk!’”

Êsai 14:9

Ƀon phung khĭt jru âk râk ƀư mpât đŏng yorlah may Gay chuă vơt may tât. Păng hŏ rlay phung phan bunuyh khĭt yor may, Jêng lĕ rngôch phung kôranh chiă uănh ta klơ neh ntu; Păng hŏ ƀư lĕ rngôch hađăch lĕ bri dak Dâk bơh sưng hađăch khân păng.

Êsai 21:4

Nuih n'hâm gâp uh ah, Nau klach krit ƀư ăn gâp hih rhâl; Gâp kâp gân tâm kêng măng Plơ̆ jêng nau klach krit ma gâp.

Êsai 24:8

Bâr gâr maak hŏ nsrŭng jêh, Nteh nau răm maak lôch jêh, Maak nteh gong rêng loih mâu hôm ôh.

Êsai 30:33

Yorlah Tôphet hŏ ndrăp jŏ jêh, bu nkra păng ma hađăch. Păng jru jêh ri dĭ, geh âk ŭnh jêh ri long; n'hâm Brah Yêhôva tâm ban ma n'hor dak mô ŭnh su sa păng.

Êsêkiêl 7:12

Mông hŏ tât jêh, nar lĕ dăch jêh! Nơm rvăt lơi ta răm, nơm tăch lơi ta rngot ôh, yorlah nau ji nuih dôl gŭ ma lĕ rngôch phung âk.

Daniel 5:30

Măng nây ro, bu nkhĭt Belsasar, hađăch phung Kaldê.

Nahum 1:10

Yorlah nđâp lah khân păng tâm pêng nâm bu pŭm lok Jêh ri ndĭt ndiu nâm bu phung nhŭl ndrănh, Khân păng mra ŭnh sa nâm bu rhe kro.

Habakuk 2:5

N'hêl nanê̆, păng geh ndrănh mƀruh, Păng sưr jêh ri mâu geh ôh nau gŭ đăp mpăn. Nuih n'hâm ŭch kơnh păng pơk huy nâm bu ƀon phung khĭt, Nâm bu nau khĭt, păng mâu blau mpay ôh; Păng tâm rgum lĕ rngôch bri dak Jêh ri sŏk lĕ rngôch phung ƀon lan sĭt ma păng nơm.”

Mathay 7:13

Lăp hom tâm mpông huêt, yorlah mpông huy jêh ri trong toyh njŭn leo ma nau rai yot, jêh ri geh âk bunuyh lăp ta trong nây.

Luka 17:27

Bu nhêt, sa, tâm gŭ ur sai, ƀư ndrôi, kŏ tât nar Y-Nôê lăp tâm kumpăn, jêh nây dak rdŭl bŭk lip tât ƀư rai lĕ rngôch.

Luka 21:34

Pôri, njrăng hom! Klach lah yorlah nau sông sa rlau keh ir, nhŭl ndrănh jêh ri nau rvê nau rêh aơ ƀư ma nuih n'hâm khân may pâl maak, jêh ri Nar nây tât ƀât lât tâm ban ma dăk rlâm klơ khân may,