Êsai 5:13 - Nau Brah Ndu Ngơi 2023

¹³ Yor ri, phung ƀon lan gâp mra hăn jêng bu nă yorlah pưt nau gĭt mĭn; Phung bu yơk tâm khân păng khĭt ji ngot, Bi phung ƀon lan geh nau ji hir.

Êsai 5:13 ပူးပေါင်းရင်းမြစ်များ

II Phung Hađăch 17:6

Tâm năm rơh sĭn rnôk rô̆ Y-Hôsêa chiă uănh, hađăch Asiri sŏk ƀon Samari jêh ri veng leo phung ƀon lan Israel rlet ma Asiri. Hađăch ăn ma khân păng gŭ tâm ƀon Hala, ta kơh dak krong Habôr n'gor Gôsan jêh ri tâm lĕ ƀon bri dak phung Mêdơ.

Nau Hôr 10:21

Bâr mbung bunuyh sŏng srăng siăm âk bunuyh rêh, Bi phung rluk khĭt yor mâu geh nau gĭt vât.

Êsai 1:3

Ndrôk hôm gĭt năl nơm mât păng, Seh bri hôm gĭt năl hip gơ̆ kôranh păng; Ƀiălah phung Israel mâu gĭt ôh, Phung ƀon lan Gâp mâu gĭt vât ôh.”

Êsai 1:7

Bri dak khân may jêng rngot njăp, Lĕ ƀon toyh khân may bu su ma ŭnh Phung bu năch sŏk pit neh khân may, Tanăp măt khân may, Ƀư bri khân may jêng rngot njăp lah phung bu năch tŭn jot.

Êsai 23:9

Brah Yêhôva ma phung tahan yơh hŏ dăp nal nau nây, Gay ma ntrŭnh nau sưr lĕ rngôch nau chrêk rmah, Gay ƀư bêk lĕ rngôch phung bu yơk ta neh ntu.

Êsai 27:11

Lah n'gĭng păng kro jêh ri bu nkê̆ch pă, Phung bu ur sŏk gay ƀư long sŭnh ŭnh. Yorlah phung ƀon lan aơ mâu ŭch gĭt rbăng ôh, Yor nây Nơm njêng khân păng mâu yô̆ nđach ma khân păng ôh, Nơm njêng khân păng mâu ăn nau ueh ôh.

Êsai 3:1

Aơ, Kôranh Brah jêng Brah Yêhôva ma phung tahan Mra sŏk rdu lơi bơh Yêrusalem jêh ri bri Yuđa Tu nau kâp kơl jêh ri ntŭk rnơm, Nĕ jêng lĕ tu ăn ma ƀănh jêh ri dak.

Êsai 3:3

Kôranh chiă uănh toyh ma prăm jât nuyh tahan Jêh ri phung kôranh toyh, kôranh nchră, Phung blau kan rƀên Jêh ri phung n'hŭm gĭt blau kan.

Êsai 44:19

Mâu geh nơm gŭ mĭn ôh, mâu lĕ geh nơm dŏng nau gĭt rbăng mâu lah nau sek uănh, kŏ tât lah pô aơ: “Gâp sŏk jêh du gâl tơm si nây sŭnh ŭnh, ta klơ sa ônh gâp hŏ gŭch piăng let, gâp hŏ gŭch puăch jêh ri gâp sa; jêh ri gâl hôm e, gâp ƀư du ndơ bu tâm rmot lĕ? Mâm gâp hăn chon mon mbah đŏng tanăp du n'gâng tơm si?”

Êsai 49:21

N'hêl nanê̆ may mra lah tâm nuih n'hâm: ‘Mbu nơm deh jêh phung kon aơ ma gâp? Gâp roh lĕ jêh kon; Gâp hŏ jêng bu nă mâu geh kon jêh ri nhhơt! Pônây mbu nơm sâm mât rong an phung kon jê̆ aơ? Aơ, bu chalơi jêh gâp gŭ êng; Pôri, phung kon jê̆ bơh tă khân păng luh?’”

Êsai 65:13

Yor nây, Kôranh Brah Yêhôva lah: “Aơ, phung oh mon Gâp mra sông sa, Bi khân may mra ji ngot; Aơ, phung oh mon Gâp mra nhêt, Bi khân may mra ji hir; Aơ, phung oh mon Gâp mra maak, Bi khân may mra geh nau bêk;

Yêrêmi 14:18

Tơlah gâp hăn tâm mir, Ta nây saơ phung khĭt yor đao; Tơlah gâp lăp tâm ƀon, Ta nây saơ phung ji kuet yorlah sa sât ji ngot. Lĕ rngôch phung nơm mbơh lor nđâp ma phung kôranh nơm ƀư brah Hăn da dê tât du n'gor khân păng mâu gĭt ôh.’”

Yêrêmi 14:3

Phung ndrŏng prơh phung oh mon hăn joi dak; Khân păng hăn tât nglao, Ƀiălah mâu saơ dak ôh, Djôt yăng dơm plơ̆ sĭt; Khân păng prêng, rŭng răng, Nkŭm lơi bôk.

Yêrêmi 8:7

Nđâp sĭm njơch dak mpăr klơ trôk Hôm gĭt yan trơn ntŭk; Sĭm ntơp, sĭm rlêng, sĭm klang kreo, Hôm kah gĭt yan plơ̆ sĭt; Ƀiălah phung ƀon lan Gâp mâu gĭt ôh Nau Brah Yêhôva phat dôih!

Nau Nhĭm Vơl 4:9

Phung khĭt yor đao Hôm geh nau ueh lơn ma phung khĭt ji ngot: Khân păng khĭt mbrơi mbrơi tâm nau nđêh nji, Yor mâu geh ndơ tă bơh mir.

Êsêkiêl 7:12

Mông hŏ tât jêh, nar lĕ dăch jêh! Nơm rvăt lơi ta răm, nơm tăch lơi ta rngot ôh, yorlah nau ji nuih dôl gŭ ma lĕ rngôch phung âk.

Ndrom Samƀŭt bơh Ôsê 4:6

Phung ƀon lan Gâp hŏ rai yot yor mâu geh nau gĭt rbăng; Yorlah may hŏ dun jêh nau gĭt rbăng, Yor ri Gâp ăt mâu ăn may ƀư kôranh nơm ƀư brah ma Gâp đŏng ôh; Yorlah may hŏ chuêl jêh nau vay Brah Ndu may, Yor ri Gâp mra chuêl kon sau may tâm ban lĕ.

Amôt 8:13

Tâm nar nây, phung druh ueh jêh ri phung bu klâu ndăm Mra huăr rgănh yor ji hir.

Luka 19:44

Khân păng mra ƀư rai may jêh ri phung kon sau ta nklang may đŏng. Khân păng mâu mra ăn glo lŭ aơ gŭ ta klơ glo lŭ ri, yorlah may mâu gĭt ôh mông may geh nau khâl.”

Samƀŭt Pôl Njuăl Ăn Ma Phung Nsing Ta Ƀon Rôm 1:28

Yorlah khân păng mâu ŭch gĭt năl Brah Ndu ôh, pônây Brah Ndu n'ho jao khân păng ma nau mĭn mhĭk gay ƀư âk nau mâu khư ôh.

II Pêtrôs 3:5

Khân păng ndra ƀư mâu gĭt ma lĕ ndâr trôk tâm mpơl jêh ntơm bơh jŏ jêh tă bơh nau ngơi Brah Ndu, rplay neh njêng ntơm bơh dak jêh ri tă bơh dak;