Êsai 5:11 - Nau Brah Ndu Ngơi 2023

¹¹ Rêh ni ngăn ma phung kah rngăl ơm Gay tĭng joi ndrănh, Gŭ nhêt kŏ tât măng Gay ndrănh pâr su khân păng!

Êsai 5:11 ပူးပေါင်းရင်းမြစ်များ

II Samuel 19:35

Nar aơ gâp geh jêh pham jât năm, hôm gĭt vât nau ueh mâu lah nau mhĭk đŏng? Oh mon may kŏ mâu hôm gĭt năl kah mâu lah sât ndô ndơ he sa jêh ri nhêt, mâu hôm geh nau maak lĕ tơlah tăng bu klâu mâu lah bu ur mpât mprơ? Pônây, mâm ƀư oh mon may ƀư tay nau jâk ma hađăch jêng kôranh gâp?

Nau Hôr 20:1

Ndrănh ƀư ăn bu tâm mưch, ndơ nhêt nhŭl ƀư ăn nau ngơi drơu drơu; Mbu nơm dŏng păng rlau keh ir mâu di ôh jêng blau mĭn.

Nau Hôr 23:32

Nglĕ dŭt, păng kăp nâm bu bêh, Luh kăch nâm bu kăch bêh khu.

Êsai 22:13

Ntrok đah nau aơ, khân may nkhơng ma hâk răm: Chôk ndrôk, nkhĭt biăp, Sa puăch jêh ri nhêt ndrănh. Khân may lah: “Aƀaơ, sông sa nhêt hom, Yorlah nar ôi taơ he mra khĭt!”

Êsai 24:9

Mâu hôm geh nơm ƀă nhêt ndrănh ƀă mprơ; Ndrănh mra jêng tăng ma nơm nhêt păng.

Êsai 28:1

Rêh ni ngăn ma đon hađăch sưr phung mơng nhêt ndrănh ta bri Êphraim, Rêh ni ngăn ma rvang kao gơnh nhop, jêng ndơ nkrơ̆ khlay prăk Ma ƀon toyh ta klơ kô yôk rlŭng jêng ngăn, ma phung vay nhŭl ndrănh!

Êsai 28:3

Đon hađăch sưr phung vay nhŭl ndrănh ta bri Êphraim. Mra jot rchiăt tâm jâng

Êsai 5:22

Rêh ni ngăn ma phung dăng nhêt ndrănh, Jêh ri phung blau kan nau lŭk lai lĕ ndơ nhêt nhŭl!

Êsai 56:12

Khân păng jă ndrăng khân păng: “Văch hom, gâp mra sŏk ndrănh, He mra nhŭl yor ndrănh dăng; Nar ôi taơ tâm ban đŏng ma nar aơ, Jêh ri nau khlay rlau lơn ma nĕ.”

Habakuk 2:15

Rêh ni ngăn ma nơm n'hơk ndrănh ma phung chiau meng păng N'hơk kachok nau ji nuih kŏ tât khân păng nhŭl ndrănh, Gay uănh nau rhôk khân păng!

Habakuk 2:5

N'hêl nanê̆, păng geh ndrănh mƀruh, Păng sưr jêh ri mâu geh ôh nau gŭ đăp mpăn. Nuih n'hâm ŭch kơnh păng pơk huy nâm bu ƀon phung khĭt, Nâm bu nau khĭt, păng mâu blau mpay ôh; Păng tâm rgum lĕ rngôch bri dak Jêh ri sŏk lĕ rngôch phung ƀon lan sĭt ma păng nơm.”

Luka 21:34

Pôri, njrăng hom! Klach lah yorlah nau sông sa rlau keh ir, nhŭl ndrănh jêh ri nau rvê nau rêh aơ ƀư ma nuih n'hâm khân may pâl maak, jêh ri Nar nây tât ƀât lât tâm ban ma dăk rlâm klơ khân may,

Samƀŭt Pôl Njuăl Ăn Ma Phung Nsing Ta Ƀon Rôm 13:13

Gŭ rêh hom tâm nau sŏng srăng nâm bu hăn dôl nôk nar, lơi rlau rnâng jêh ri nhŭl ndrănh ôh, lơi văng tĭr, lơi gŭ blă blơ, lơi tâm jin tâm lah tâm djrel jêh ri lơi mâu nach.

I Kôrintô 6:10

Lơi ta ndơm mƀruh khân may nơm. Phung văng tĭr, phung mbah rup brah, phung tâm lâm, bu klâu ndrăng bu klâu jêh ri bu ur ndrăng bu ur, phung ntŭng, phung kơnh rlau ir, phung nhŭl ndrănh, phung dăng suai rak, phung ntŭng, mâu mra dơi dơn ƀon bri hađăch Brah Ndu ôh.

Galati 5:21

keh nach, nhŭl ndrănh, nhêt sa blă blơ, jêh ri lĕ nau êng tâm ban kơt nây. Gâp mbơh lor ma khân may, tâm ban gâp hŏ tă mbơh lor: Mbu nơm ƀư tih pônây mâu mra dơi dơn ƀon bri hađăch Brah Ndu.

I Samuel 25:36

H'Abigêl plơ̆ sĭt ma Y-Nabal. Aơ, Y-Nabal dôl ƀư nau nhêt sa tâm ngih păng, nâm bu nau nhêt sa ma hađăch. Y-Nabal răm maak ngăn tâm trôm nuih n'hâm jêh ri yorlah păng lĕ nhŭl ndrănh hâu ngăn jêh, pôri H'Abigêl mâu nkoch ôh du ntil ndơ ma păng, nđâp lah nau toyh mâu lah jê̆, kŏ tât kêng ang ôi.