Êsai 49:9 - Nau Brah Ndu Ngơi 2023

⁹ Gay lah ma phung bu nă: ‘Luh hom,’ Lah ma phung gŭ tâm nau ngo, ‘Mpơl hom tâm nau ang!’ Khân păng mra chiăp phung biăp ta rŏ trong, Jêh ri ndrêch gơ̆ khân păng mra gŭ ta klơ lĕ rngôch yôk hil.

Êsai 49:9 ပူးပေါင်းရင်းမြစ်များ

Nau Mprơ Ơm 102:20

Păng iăt nau phung bu nă nđêng nđor, Jêh ri rklaih phung bu jao jêh ma nau khĭt.

Nau Mprơ Ơm 146:7

Păng ƀư nau di ma phung bu tŭn jot, Jêh ri ăn ndơ sông sa ma phung ji ngot. Brah Yêhôva rklaih phung bu nă jêng kon me.

Nau Mprơ Ơm 22:26

Phung blau tông bâr mra sông sa jêh ri dơi hơm; Phung tĭng joi Brah Yêhôva mra tâm rnê ma Păng; Ăn bunuyh geh nuih n'hâm dêh rhêt dơi rêh lĕ rngôch rnôk n'ho ro.

Nau Mprơ Ơm 69:33

Yorlah Brah Ndu iăt nau phung pưt kƀah, Jêh ri păng mâu tâm rmot ma gâp phung ƀon lan May dôl gŭ tâm ndrung.

Êsai 41:18

Gâp mra ƀư ăn ma dak krong hoch tă bơh yôk hil, Jêh ri dak n'hor bruh hao ta nklang lĕ rlŭng. Gâp mra ăn bri rdah jêng dak nglao, Jêh ri neh sơh jêng lĕ tu dak.

Êsai 42:16

Gâp mra njŭn phung chieh măt hăn ta trong khân păng mâu mâp gĭt năl ôh, Têk khân păng tâm lĕ trong jê̆ ê hŏ gĭt ôh. Gâp mra rgâl nau ngo tanăp khân păng jêng nau ang, Lĕ ntŭk neh nduh ndăp jêng neh lâng. Ngăn yơh, Gâp mra ƀư lĕ nau nây, Jêh ri mâu mra chalơi khân păng ôh.

Êsai 42:7

Gay pơk măt phung chieh măt, Ngluh phung bu nă bơh ndrung bu krŭng, Phung gŭ tâm nau ngo ngluh bơh ndrung bu krŭng.

Êsai 48:17

Brah Yêhôva, Nơm Tâm Chuai may, Jêng Nơm Kloh Ueh Israel lah pônây: “Gâp jêng Yêhôva Brah Ndu may, Jêng Nơm sâm nti may gay may dơi geh nau khlay, Jêh ri njŭn may tâm trong may mra hăn.

Êsai 5:17

Rnôk nây, phung kon biăp mra sa gơ̆ nâm bu ndrêch gơ̆ khân păng nơm, Phung bu gŭ njưh mra sa ta ntŭk rlâm rai nchah phung ndrŏng.

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Êsai 65:13

Yor nây, Kôranh Brah Yêhôva lah: “Aơ, phung oh mon Gâp mra sông sa, Bi khân may mra ji ngot; Aơ, phung oh mon Gâp mra nhêt, Bi khân may mra ji hir; Aơ, phung oh mon Gâp mra maak, Bi khân may mra geh nau bêk;

Êsai 9:2

May hŏ ăn bĭk rơ̆ jêh ƀon lan nây, Jêh ri May ăn ma khân păng bêng nau răm maak. Khân păng hâk maak tanăp May Tâm ban ma nau maak tâm yan rek, Tâm ban ma bu hâk maak tơlah tâm pă ndơ pit in.

Êsêkiêl 34:23

Gâp mra ndâk ta khân păng knŏng du huê rmăk biăp, păng mra mât rong phung nây, jêng Y-Đavit oh mon Gâp. Păng yơh mât rong khân păng, ƀư jêng du huê bunuyh chiăp khân păng.

Êsêkiêl 34:29

Gâp mra ndâk ma khân păng n'gar play lư amoh, khân păng mâu mra khĭt ji ngot đŏng ôh tâm bri khân păng nơm, jêh ri khân păng mâu mra dơn đŏng ôh nau lĕ bri dak văr jŭm ƀư bêk prêng.

Yôel 3:18

Tâm nar nây, lĕ yôk luh ndrănh njŭng; Lĕ dor mra luh hoch dak toh, Lĕ rngôch ăp n'hor dak Yuđa mra geh dak hoch ktang. Du n'hor dak mra luh tă bơh ngih Brah Yêhôva Jêh ri tŏ rlŭng Sitim.

Kan Lêvi 25:54

Tơlah păng mâu dơi geh nau chuai tâm ban pônây, tâm năm ueh maak, bu mra plơ̆ păng jêh ri ndrel ma oh kon păng.

Mika 5:4

Păng nơm mra jêng nau đăp mpăn ma he. Lah phung Asiri mra tât tâm bri he Jêh ri tŭn jot plên tâm ngih hađăch he, Pôri he mra n'hao pơh nuyh rmăk biăp Jêh ri pham nuyh kôranh bơh phung ƀon lan gay tâm rdâng đah păng.

Luka 1:79

Gay ma sol ang phung bunuyh gŭ tâm ntŭk ngo klĕng jêh ri tâm dâng gui nau khĭt, Jêh ri njŭn leo he chuat lăp trong đăp mpăn.”

Luka 2:32

Jêng nau ang sol trong ma phung bu năch, Jêh ri jêng nau chrêk rmah phung Israel, jêng phung ƀon lan May.”

Luka 4:18

“Brah Huêng Ueh Brah Kôranh Brah gŭ ta klơ Gâp, Yorlah Păng tŏ jêh dak ƀâu kah ma Gâp gay mbơh nkoch Nau Mhe Mhan Ueh ma phung o ach.

Yôhan 10:9

Gâp jêng mpông, tơlah mbu nơm lăp ta Gâp păng mra geh nau tâm rklaih. Khân păng mra lăp luh jêh ri mâp ndrêch gơ̆ nse.

Yôhan 8:12

Brah Yêsu lah đŏng ma phung ƀon lan pô aơ: “Gâp jêng nau ang ma neh ntu, mbu nơm tĭng Gâp mâu mra hăn tâm nau ngo ôh, ƀiălah mra geh nau ang ma nau rêh.”

Kôranh Oh Mon 26:18

gay ma pơk an măt khân păng, ăn khân păng du bơh nau ngo hăn tâm nau ang, tă bơh nau dơi ktang Satan plơ̆ sĭt ma Brah Ndu; gay ma nau chroh ma Gâp, khân păng dơn nau yô̆ an nau tih jêh ri dơn kô̆ drăp ndơ ndrel ma phung kloh ueh.’

Êphêsô 5:14

Yor nây, geh nau lah pô aơ: “Hơi nơm dôl bê̆ch, kah rngăl hom, Dâk hom may tă bơh nklang phung bunuyh khĭt, Ri mơ Brah Krist mra nchrat ang may.”

Êphêsô 5:8

Kăl e ri khân may jêng nau ngo, ƀiălah aƀaơ tâm Kôranh Brah, khân may jêng nau ang. Chuat hăn hom tâm ban ma phung kon nau ang;

Nau Vay Nkah Tay 32:13

Păng ƀư ăn khân păng hao ăp ntŭk prêh tâm n'gor, Sa jêh kao play bơh tâm mir, Păng ăn ma khân păng djrêp dak sŭt tă bơh lŭ toyh, Jêh ri dak ngi brul luh bơh lŭ dăng;

Kôlôh 1:13

Păng rklaih jêh he bơh nau dơi tâm nau ngo, jêh ri djôt leo he lăp tâm ƀon bri hađăch Kon Păng rŏng ngăn ngên;

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.