Êsai 49:5 - Nau Brah Ndu Ngơi 2023

⁵ Aƀaơ aơ, Brah Yêhôva, Nơm hŏ njêng jêh gâp jêng oh mon păng, bơh tâm ndŭl me, Gay ma gâp njŭn phung Yakôb plơ̆ sĭt ma Păng Jêh ri tâm rƀŭn phung Israel ma Păng; Yorlah gâp geh nau yơk tâm dâng măt Brah Yêhôva, Jêh ri Brah Ndu gâp jêng nau ktang gâp;

Êsai 49:5 ပူးပေါင်းရင်းမြစ်များ

Nêhêmi 8:10

Y-Nêhêmi lah ma khân păng: “Hăn hom sa ndơ rmŏng-ngi, nhêt dak njŭng jêh ri njuăl du kô̆ ndơ nây ma nơm bu mâu geh nkra ôh; yorlah nar aơ jêng nar prăp êng kloh ueh ma Kôranh Brah he. Lơi ta rngot klâng ôh, yorlah nau răm maak bơh Brah Yêhôva jêng nau ktang khân may.”

Êsai 11:12

Păng mra ndâk du n'ha kơ ma lĕ bri dak, Rgum lĕ phung Israel bu nsot jêh, Rgum phung Yuđa nsong mblêng Bơh puăn njônh neh ntu.

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 25:1

Ơ Brah Yêhôva, May jêng Brah Ndu gâp! Gâp mât ton May, gâp tâm rnê ma amoh May; Yorlah May ƀư jêh lĕ nau kan khlay ngăn Jêng lĕ nau kan May hŏ dăp jêh bơh kăl e tâm nau răp jăp jêh ri nau nanê̆ ngăn.

Êsai 27:12

Jêh nây mra tât nar Brah Yêhôva mra mbang ba ntơm bơh Dak Krong Me tât ta dak n'hor bri Êjipt; ơ phung ƀon lan Israel, khân may mra dônh tĭng du huê du huê!

Êsai 43:4

Yorlah Gâp uănh may jêng khlay jêh ri geh nau yơk. Gâp yơh hŏ rŏng ma may, Rĭ dĭng Gâp mra ăn nơm ntrok ma may, Jêh ri ăn lĕ ntil mpôl bunuyh ntrok nau rêh may.

Êsai 44:2

Brah Yêhôva jêng Nơm njêng jêh may, Hŏ mon jêh may tâm ndŭl me, jêh ri mra kơl may; Păng lah: Ơ phung Yakôb, oh mon Gâp, Jêh ri Yêsurun, nơm Gâp săch jêh, lơi klach ôh!

Êsai 49:1

Ơ lĕ gôl dak mƀŭt, iăt hom gâp! Ơ phung ƀon lan gŭ ngai, rkêng hom tôr: Brah Yêhôva kuăl jêh gâp bơh ndŭl me, Păng nkah amoh gâp dôl gâp hôm tâm ndŭl me.

Êsai 50:4

Kôranh Brah Yêhôva ăn jêh ma Gâp Mpiăt phung nti jêh, Gay ma Gâp blau ngơi N'hao nuih phung rgănh. Ăp ôi Păng rlay Gâp, Păng pơk tôr Gâp Gay ma Gâp gŭ iăt tâm ban ma nơm nti.

Êsai 52:13

Aơ, oh mon Gâp mra pah kan ma nau blau mĭn, Mra bu yơk, dơi tâm rnê, dơi geh nau mât ton, Jêh ri n'hao dŭt prêh.

Êsai 56:8

Kôranh Brah jêng Brah Yêhôva, Nơm tâm rƀŭn phung Israel nchah rai pru pra jêh, lah pô aơ: ‘Đơ phung hŏ tâm rƀŭn jêh, Gâp mra tâm rƀŭn phung êng đŏng plơ̆ sĭt ma păng.’”

Yêrêmi 1:5

“Êlor rhăk njêng may tâm trôm ndŭl mê̆, Gâp hŏ gĭt jêh may, Êlor may deh, Gâp hŏ prăp êng may; Gâp hŏ ndâk may ƀư nơm mbơh lor ma lĕ bri dak.”

Sakari 6:13

Păng Nơm ro mra ndâk ngih Brah Yêhôva, păng nơm mra dơi geh nau rnam, gŭ chiă uănh ta klơ sưng hađăch păng, jêh ri ƀư kôranh ƀư brah gŭ klơ sưng hađăch păng; mra geh nau tâm rnglăp ăn đăp mpăn lĕ bar nau kan.’

Mathay 11:27

Mbơ̆ Gâp jao jêh lĕ rngôch nau ma Gâp, padih Mbơ̆, mâu geh bu gĭt Kon. Padih Kon jêh ri mbu moh Kon ŭch tâm mpơl pôri ăt mâu dơi bu gĭt Mbơ̆.

Mathay 15:24

Păng plơ̆ lah: “Bu njuăl Gâp văch, knŏng ma phung biăp nkhah du ngih Israel.”

Mathay 17:5

Dôl Y-Pêtrôs ngơi, geh du ndâr tŭk ang ral hâu ngăn nkŭm khân păng; jêh ri tă bơh tŭk geh bâr ngơi pô aơ: “Aơ jêng Kon Gâp rŏng ngăn ngên, tâm Păng Gâp geh nau maak ngăn; iăt hom nau Păng!”

Mathay 23:37

“Hơi Yêrusalem, Yêrusalem! May nkhĭt phung nơm mbơh lor jêh ri klŭp ma lŭ phung bu njuăl ma may! Âk tơ̆ jêh Gâp ŭch tâm rgum phung kon may tâm ban ma iăr me rtŭk kon păng, gay pôn lơi tâm dâng năr păng, ƀiălah khân may mâu ŭch ôh!

Mathay 28:18

Brah Yêsu hăn tât jêh ri lah ma khân păng pô aơ: “Lĕ rngôch nau dơi ta klơ trôk jêh ri ta neh ntu hŏ jao jêh ma Gâp.

Mathay 3:17

Aơ, geh bâr ngơi tă bơh trôk lah: “Aơ jêng Kon Gâp rŏng ngăn ngên, tâm Păng Gâp geh nau maak ngăn.”

Luka 19:42

“Ŭch ngăn, ta nar aơ, may dơi gĭt lĕ nau ƀư nau đăp mpăn ma may! Ƀiălah aƀaơ lĕ nau nây pôn ndâp bơh măt may.

Yôhan 3:35

Mbơ̆ rŏng ma Kon jêh ri hŏ jao lĕ ntil ndơ tâm ti Kon.

Kôranh Oh Mon 10:36

Brah Ndu hŏ njuăl nau ngơi tât ma phung kon Israel, mbơh nkoch ma Nau Mhe Mhan Ueh đăp mpăn tă bơh Brah Yêsu Krist, jêng Kôranh Brah ma lĕ rngôch bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 15:8

Gâp lah, Brah Krist jêng nau ngăn Brah Ndu, ƀiălah plơ̆ jêng oh mon ma phung bunuyh koh ntâu, gay ƀư n'hêl nanê̆ lĕ nau ton ăn jêh ma phung chô yau,

Galati 1:15

Ƀiălah tơlah Brah Ndu, Nơm prăp êng gâp bơh tâm ndŭl mê̆ jêh ri kuăl gâp ma nau yô̆,

I Pêtrôs 3:22

jêng Nơm hao jêh ta klơ trôk, dôl gŭ pa ma Brah Ndu, geh phung tông mpăr, phung chiă uănh jêh ri lĕ rngôch nau ktang yơk tâm Păng da dê.