Êsai 49:4 - Nau Brah Ndu Ngơi 2023

⁴ Bi gâp, gâp lah: “Gâp hŏ pah kan jêh dơm dam, Gâp hŏ dŏng nau n'hâm suan ma nau dơm dam jêh ri mâu dơi jêng ôh.” Ƀiălah Brah Yêhôva mra phat dôih sŏng ma gâp, Kôranh Bah mra ăn nau nkhôm ma gâp.

Êsai 49:4 ပူးပေါင်းရင်းမြစ်များ

I Phung Hađăch 19:10

Păng plơ̆ lah: “Gâp khŏm nsrôih ngăn ma Yêhôva Brah Ndu ma phung tahan. Yorlah phung ƀon lan Israel lĕ chalơi jêh nau tâm rnglăp đah May, ƀư rai lĕ nơng ƀư brah May, sŏk đao nkhĭt lơi phung nơm mbơh lor May; knŏng êng du huê gâp hôm e klen, jêh ri khân păng dôl tĭng joi gay nglôch lơi nau rêh gâp.”

Nau Hôr 29:26

Âk bunuyh tĭng joi nau yô̆ bơh phung kôranh chiă uănh, Ƀiălah nau di ăn kon bunuyh tă bơh Brah Yêhôva.

Êsai 25:1

Ơ Brah Yêhôva, May jêng Brah Ndu gâp! Gâp mât ton May, gâp tâm rnê ma amoh May; Yorlah May ƀư jêh lĕ nau kan khlay ngăn Jêng lĕ nau kan May hŏ dăp jêh bơh kăl e tâm nau răp jăp jêh ri nau nanê̆ ngăn.

Êsai 35:4

Lah hom ma phung geh nuih n'hâm klach pô aơ: “Gŭ nâp hom nuih n'hâm, lơi klach ôh! Aơ, Brah Ndu khân may mra văch ma nau plơng bôk, Jêng nau plơng bơh Brah Ndu. Păng yơh mra văch jêh ri tâm rklaih khân may!”

Êsai 40:10

Aơ, Kôranh Brah Yêhôva mra văch ma nau brah, Păng mra chiă uănh ma ti Păng. Aơ, nau Păng nkhôm gŭ ndrel Păng, Nau Păng plơng gŭ tanăp Păng.

Êsai 40:27

Pôri ơ Yakôb, mâm ƀư khân may lah; Ơ Israel, mâm ƀư khân may lŭng nter “Trong gâp hŏ dơi pôn ndâp jêh đah Brah Yêhôva, Brah Ndu gâp mâu hôm mĭn rvê ôh nau gâp geh”?

Êsai 57:21

Brah Ndu gâp lah: “Mâu geh nau đăp mpăn ôh ma phung ƀai!”

Êsai 59:18

Păng mra mplơ̆ ma ăp nơm tĭng nâm kan păng ƀư: Nau ji nuih ma phung rdâng đah Păng, jêh ri nau plơng ma phung rlăng đah Păng; Păng mra mplơ̆ sĭt ma lĕ gôl dak mƀŭt.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Êsai 62:11

Aơ, Brah Yêhôva mbơh jêh Tât dŭt rplay neh: “Lah hom ma kon bu ur Siôn pô aơ: ‘Aơ, nau tâm rklaih may văch dăch! Păng djôt leo nau nkhôm, Jêh ri ndơ nkhôm hăn lor Păng.’”

Êsai 65:2

Lĕ nar Gâp yơr ti Mpeh du phung ƀon lan vay tâm rdâng; Jêng phung hăn tâm trong mâu ueh, Tĭng nâm nau mĭn khân păng nơm;

Êsai 65:23

Khân păng mâu mra pah kan dơm dam ôh, Nau tât ji tưp ndal mâu tât ma phung kon khân păng ôh; Yorlah khân păng jêh ri phung kon sau khân păng Jêng noi deh Brah Yêhôva ăn nau ueh uĭn.

Êsêkiêl 3:19

Ƀiălah, tơlah may lah lor ma nơm mhĭk ƀiălah păng mâu chalơi nau ƀư mhĭk ndrel trong nau djơh mhĭk păng, păng mra khĭt tâm nau tih păng, ƀiălah may mra dơi tâm rklaih huêng may nơm.

Kan Lêvi 26:20

n'hâm suan khân may mra roh dơm dam, neh tâm n'gor khân may mâu deh kao play ôh, tơm si mâu geh play.

Mathay 17:17

Brah Yêsu plơ̆ lah: “Hơi ndŭl mpôl mâu chroh jêh ri dăng bôk, ndah nâm jŏ Gâp mra gŭ ndrel đah khân may? Ndah nâm jŏ Gâp mra nsrôih dơn đah khân may? Njŭn leo hom kon se nây ma Gâp.”

Mathay 23:37

“Hơi Yêrusalem, Yêrusalem! May nkhĭt phung nơm mbơh lor jêh ri klŭp ma lŭ phung bu njuăl ma may! Âk tơ̆ jêh Gâp ŭch tâm rgum phung kon may tâm ban ma iăr me rtŭk kon păng, gay pôn lơi tâm dâng năr păng, ƀiălah khân may mâu ŭch ôh!

Luka 24:26

Mâu di hĕ Brah Krist dơn lĕ nau nđêh nji tâm ban pônây jêh nây Păng hăn lăp tâm nau chrêk rmah Păng?”

Yôhan 1:11

Păng hŏ văch tâm bri dak Păng nơm, ƀiălah phung ƀon lan Păng mâu ŭch rom dơn Păng ôh.

Samƀŭt Pôl Njuăl Ăn Ma Phung Nsing Ta Ƀon Rôm 10:21

Ƀiălah ma phung Israel, Păng lah: “Lĕ nar Gâp yơr ti mpeh du phung ƀon lan mâu tông jêh ri dăng bôk.”

II Kôrintô 12:15

Gâp maak ngăn dŏng mpŭng moh ndơ gâp geh, suăt lĕ nau dăng ktang yor huêng khân may. Tơlah gâp rŏng ma khân may lơ âk lơn, mâm ƀư khân may rŏng ma gâp lơ hô djê̆?

II Kôrintô 2:15

Yorlah hên jêng n'hôl ƀâu kah Brah Krist nhhơr ma Brah Ndu, ta nklang phung bunuyh geh nau rklaih jêh ri phung bunuyh geh nau rai yot.

Galati 4:11

Gâp rvê klach ma khân may, klach lah gâp pah kan jâk jêr dơm dam jêh ma khân may.

Philip 2:16

Djôt nâp hom nau ngơi rêh mro mrăng, gay tâm nar Brah Krist, gâp dơi tâm rnê êng ma gâp nơm mâu nchuăt dơm dam jêh ri mâu jâk jêr dơm dam.

ហេឞ្រើ 12:2

Uănh hom ma Brah Yêsu, Nơm ntơm bơh saơm jêh ri lôch nau chroh, jêng Nơm yor nau răm maak dơm jêh tanăp măt Păng nơm, maak dơn si tâm rkăng, tâm rmot ma nau bêk prêng, jêh ri gŭ jêh mpeh pa ma sưng hađăch Brah Ndu.