Êsai 49:3 - Nau Brah Ndu Ngơi 2023

³ Păng lah ma gâp: “Ơ Israel, may jêng oh mon Gâp, Gâp mra geh nau tâm rnê tă bơh may.”

Êsai 49:3 ပူးပေါင်းရင်းမြစ်များ

Êsai 41:8

Ƀiălah ơ phung Israel, khân may jêng oh mon Gâp, Ơ Yakôb, jêng nơm Gâp hŏ săch jêh, Khân may jêng noi deh Y-Abraham, mĭt jiăng Gâp.

Êsai 42:1

Aơ jêng oh mon Gâp, Nơm Gâp kâp kơl, Jêng Nơm Gâp hŏ săch jêh, jêh ri tâm Păng huêng Gâp geh nau maak. Gâp hŏ dơm jêh Brah Huêng Gâp ta klơ Păng, Jêh ri Păng mra mpơl nau sŏng ma lĕ bri dak.

Êsai 43:21

Gâp hŏ njêng phung ƀon lan aơ ma Gâp, Khân păng mra mprơ nau tâm rnê ma Gâp.

Êsai 44:23

Ơ lĕ ndâr trôk, mprơ rhơn hom, Yorlah Brah Yêhôva hŏ ƀư jêh nau nây! Ơ lĕ ntŭk tâm dâng neh ntu, troh nter hom! Ơ phung yôk, ơ krŏng jêh ri lĕ rngôch tơm si ta nây, Mprơ huy hom! Yorlah Brah Yêhôva tâm chuai jêh phung Yakôb, Jêh ri tâm mpơl nau chrêk rmah Păng tâm phung Israel.

Êsai 50:10

Mbu nơm tâm phung khân may klach yơk mbah ma Brah Yêhôva, Jêh ri tông bâr ma oh mon Păng, Mbu nơm hăn tâm nau ngo Jêh ri mâu geh nau ang ôh Rnơm nsing hom ma amoh Brah Yêhôva, Jêh ri nsing ma Brah Ndu păng.

Êsai 52:13

Aơ, oh mon Gâp mra pah kan ma nau blau mĭn, Mra bu yơk, dơi tâm rnê, dơi geh nau mât ton, Jêh ri n'hao dŭt prêh.

Êsai 53:10

Brah Yêhôva maak nuih n'hâm ăn Păng ji, Jêh ri dơn nau rêh ni. Tơlah jêh nhhơr nau rêh Păng jêng ndơ ƀư brah chuai nau tih, Păng mra saơ phung kon sau Păng; Lĕ nar Păng gŭ rêh mra ntop jong, Jêh ri nau Brah Yêhôva ŭch dơi jêng ngăn tâm ti Păng.

Kan Lêvi 10:3

Jêh nây Y-Môis lah ma Y-Arôn: “Aơ jêng nau Brah Yêhôva hŏ ntăm jêh: ‘Ta nklang phung văch dăch Gâp Gâp mra mpơl nau kloh ueh Gâp; Jêh ri tanăp lĕ rngôch bunuyh ƀon lan Gâp mra dơi tâm rnê.’” Y-Arôn gŭ rklăk.

Sakari 3:8

Hơi Y-Yôsuê, kôranh ƀư brah toyh lơn, may jêh ri nđâp phung mĭt jiăng gŭ panăp măt may, iăt hom! Yorlah lĕ phung aơ jêng nau ntĭt ma nau mra tât pô aơ Gâp mra ăn ma phung oh mon Gâp jêng Nkeh Nse văch mpơl.

Mathay 17:5

Dôl Y-Pêtrôs ngơi, geh du ndâr tŭk ang ral hâu ngăn nkŭm khân păng; jêh ri tă bơh tŭk geh bâr ngơi pô aơ: “Aơ jêng Kon Gâp rŏng ngăn ngên, tâm Păng Gâp geh nau maak ngăn; iăt hom nau Păng!”

Yôhan 12:28

Ơ Mbơ̆, tâm rnê hom ma amoh May.’” Nôk nĕ geh bâr ngơi tă bơh trôk lah: “Gâp hŏ geh nau mât ton jêh, Gâp mra geh tay nau tâm rnê đŏng!”

Yôhan 15:8

Bơh nau nây Mbơ̆ Gâp mra geh nau tâm rnê, lah khân may dơi geh play âk jêh ri khân may jêng phung oh mon Gâp.

Yôhan 17:1

Jêh Brah Yêsu ngơi nau nây, Păng n'gơr măt klơ trôk jêh ri ơh pô aơ: “Ơ Mbơ̆! Mông tât jêh, dăn tâm rnê Kon, gay ma Kon dơi tâm rnê Mbơ̆ đŏng.

Yôhan 17:4

Gâp hŏ tâm rnê jêh Mbơ̆ tâm neh ntu jêh ri ƀư lôch jêh nau kan Mbơ̆ jao ăn Gâp ƀư.

Êphêsô 1:6

gay ma tâm rnê ma nau yô̆ chrêk rmah Păng hŏ ăn jêh ma he tâm Kon Păng rŏng ngăn ngên!

II Têsalônik 1:10

tơlah Păng plơ̆ văch tâm nar nây, gay geh nau tâm rnê ta nklang phung kloh ueh Păng jêh ri lĕ rngôch phung chroh geh nau n'gơr uănh, tâm nây geh khân may, yor ma khân may chroh jêh ma nau hên mbơh tanăp măt khân may.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.