Êsai 49:25 - Nau Brah Ndu Ngơi 2023

²⁵ Ƀiălah Brah Yêhôva lah: “Nanê̆, đơ phung bunuyh tă nơm dăng bu nhŭp mra dơi rklaih, Bu mra mplơ̆ tay ndơ bơh phung janh ƀai sŏk pit; Yorlah Gâp mra tâm rdâng đah phung tâm rdâng đah may, Jêh ri Gâp yơh mra tâm rklaih phung kon may.

Êsai 49:25 ပူးပေါင်းရင်းမြစ်များ

Nau Ntơm 12:3

Gâp mra ăn nau ueh uĭn ma mbu nơm ăn nau ueh uĭn ma may, Rak rtăp ma mbu nơm rtăp rak may; Lĕ rngôch mpôl băl bunuyh klơ rplay neh Mra yor tă bơh may geh nau ueh uĭn.”

Nau Mprơ Ơm 35:1

Ơ Brah Yêhôva, dăn tâm rlăch đah phung tâm rlăch đah gâp, Dăn tâm lơh đah phung tâm lơh tâm rdâng đah gâp.

Êsai 10:27

Tâm nar nây, mbăk jâk khân păng mra sŏk lơi tă bơh săng nglik may bu mra sŏk lơi, mâng mbăk khân păng bu mra sŏk lơi tă trô ko; mâng mbăk mra đoh jêh yorlah may jêng lay jêh.”

Êsai 10:6

Gâp njuăl păng hăn tâm rdâng đah bri dak mâu blau yơk ma Brah Ndu ôh, Gâp ntăm păng hăn tâm lơh đah phung ƀon lan nsônh ăn Gâp ji nuih, Gay ntŭng ndô ndơ, pit sŏk Jêh ri jot khân păng tâm ban ma neh bŏk ta trong.

Êsai 14:1

Ngăn yơh, Brah Yêhôva mra yô̆ nđach ma Yakôb jêh ri hôm du tơ̆ đŏng săch Israel. Păng mra ăn ma khân păng gŭ tâm bri khân păng nơm. Phung bu năch mra tâm rnglăp đah khân păng jêh ri mra gŭ ndrel đah ngih Yakôb.

Êsai 14:2

Phung ndŭl mpôl bunuyh mra njŭn leo phung Israel plơ̆ sĭt ta ntŭk khân păng nơm. Ta neh Brah Yêhôva, ngih Israel mra pit rvăn phung ndŭl mpôl bunuyh aơ jêng phung oh mon bu klâu jêh ri oh mon bu ur. Phung Israel mra nhŭp phung hŏ nhŭp jêh khân păng, jêh ri chiă uănh phung tŭn jot jêh khân păng.

Êsai 19:20

Nĕ jêng nau mbên jêh ri nau mbơh ma Brah Yêhôva ma phung tahan tâm bri Êjipt. Dôl khân păng kuăl dăn ma Brah Yêhôva yor bu tŭn jot, Păng mra njuăl ma khân păng du huê nơm sâm rklaih tât gay king n'gang jêh ri rklaih khân păng.

Êsai 25:4

Yorlah May jêng ntŭk phung o ach nsing, Jêng ntŭk nde nâp ma phung nau ndĭt trơi tâm nôk jêr jŏt ngăn, Jêng ntŭk krap bơh sial phŭt, Jêng gui n'hâm der nôk nar duh, Nôk phung ƀai khôm n'hâm luh Tâm ban ma sial phŭt njach mpêr ƀon,

Êsai 25:9

Tâm nar nây, bu mra lah: “Ri, aơ jêng Brah Ndu he; He kâp gân Păng, jêh ri Păng hŏ tâm rklaih he jêh. Aơ yơh jêng Brah Yêhôva he kâp gân, Ăn he hâk răm jêh ri maak yor nau Păng tâm rklaih!”

Êsai 33:22

Nanê̆, Brah Yêhôva jêng Nơm Phat Dôih he, Brah Yêhôva jêng Nơm Ăn Nau Vay ma he, Brah Yêhôva jêng Hađăch he; Păng yơh mra tâm rklaih he.

Êsai 35:4

Lah hom ma phung geh nuih n'hâm klach pô aơ: “Gŭ nâp hom nuih n'hâm, lơi klach ôh! Aơ, Brah Ndu khân may mra văch ma nau plơng bôk, Jêng nau plơng bơh Brah Ndu. Păng yơh mra văch jêh ri tâm rklaih khân may!”

Êsai 40:2

Ngơi hom ma nau rdơ̆ ma Yêrusalem, Jêh ri mbơh pô aơ nau păng tâm lơh lĕ dŭt jêh, Nau tih păng yô̆ ăn jêh; Păng hŏ dơn bar tơ̆ bơh ti Brah Yêhôva, Ma lĕ rngôch nau tih păng.”

Êsai 5:29

Nau ngrông khân păng tâm ban ma yau mŭr, Khân păng rđuh ngrông tâm ban ma kon yau mŭr; Khân păng mra ngrông jêh ri djôt leo mpa khân păng kăp, Mâu geh nơm dơi rklaih ôh.

Êsai 51:14

Bu mra tâm rklaih gơnh phung jêng bu nă; Khân păng mâu mra khĭt tâm ndrung ngo ôh, Mâu lĕ khân păng pưt ndơ sông sa.

Êsai 51:22

Kôranh Brah jêng Brah, Yêhôva, Brah Ndu may Jêng Nơm ngơi n'gang ma phung ƀon lan Păng, lah pô aơ: “Aơ, Gâp sŏk lơi jêh kachok nau hăn ndĭt ndĭl bơh ti may, Jêng kachok nau Gâp ji nuih; May mâu mra nhêt đŏng ôh.

Êsai 54:13

Brah Yêhôva mra sâm nti lĕ rngôch phung kon may, Jêh ri khân păng mra geh nau đăp mpăn ngăn.

Yêrêmi 15:21

“Gâp mra rklaih may bơh ti phung ƀai, Jêh ri sâm chuai may bơh phung kôranh djơh mhĭk.”

Yêrêmi 29:10

Brah Yêhôva lah: “Lah lôch jêh pơh jât năm ăn ma phung Babilôn, Gâp mra hăn chop khâl khân may, mra ƀư lôch nau ton ueh jêh ma khân may, jêh ri mra njŭn leo khân may plơ̆ sĭt ma ntŭk aơ.”

Yêrêmi 31:11

Yorlah Brah Yêhôva sâm chuai jêh Yakôb, Rklaih jêh khân păng tă bơh ti nơm dăng ktang lơn.

Kan Lêvi 25:54

Tơlah păng mâu dơi geh nau chuai tâm ban pônây, tâm năm ueh maak, bu mra plơ̆ păng jêh ri ndrel ma oh kon păng.

Nahum 2:13

Brah Yêhôva ma phung tahan lah: “Aơ, Gâp tâm rdâng đah may. Gâp mra su ndeh seh may tât luh nhhŭk, Đao mra sa rvăn lĕ kon yau mŭr may; Gâp mra chalơi mpa may bơh ta neh, Jêh ri bu mâu mra iăt ôh bâr phung may hăn mbơh đŏng.”

Sakari 14:12

Aơ jêng nau rêh ni Brah Yêhôva ƀư gay phat dôih tâm rmal ma lĕ rngôch phung ƀon lan hăn tâm lơh đah Yêrusalem: Păng mra ƀư ma ăp nơm, dôl jâng khân păng hôm dâk nglay săk khân păng mra ôm, măt khân păng ôm tâm trôm ndăr măt, mpiăt khân păng ôm tâm trôm mbung păng.

Sakari 14:3

Nôk nây, Brah Yêhôva mra hăn tâm lơh đah lĕ rngôch bri dak nây, nâm bu Păng hŏ lơh jêh tâm rnôk tâm lơh.

Sakari 9:11

“Bi ma may tâm ban đŏng, yorlah mham Gâp tâm rnglăp đah may, Pôri Gâp mra mƀơk phung bu nă may luh bơh ntu jru mâu geh ôh dak.

Markôs 3:27

Bu mâu dơi lăp tâm ngih du huê bunuyh ktang gay pit drăp ndơ păng, ƀiălah mâu chăp lơi păng lor; ăn chăp bunuyh nây, jêh nây mơ dơi ntŭng ndô ndơ păng.

Galati 4:26

Ƀiălah ƀon Yêrusalem ta klơ trôk jêng kon me; nây jêng me he.

I Yôhan 3:8

Mbu nơm ƀư tih jêng bunuyh brah mhĭk; yorlah brah mhĭk ƀư tih jêh ntơm bơh saơm. Yor nĕ Kon Brah Ndu tâm mpơl jêh gay ƀư rai kan brah mhĭk.

Nau Tâm Mpơl 18:20

Hơi trôk, răm maak hom yorlah păng! Hơi phung kloh ueh, phung kôranh oh mon, jêh ri phung nơm mbơh lor răm maak hom đŏng! Yorlah Brah Ndu tâm rmal jêh păng tĭng nâm nau păng ƀư jêh đah khân may!”