Êsai 49:24 - Nau Brah Ndu Ngơi 2023

²⁴ Mâm dĭng dơi sŏk lơi ndơ pit in bơh ti nơm ktang? Bu dơi tâm rklaih đŏng bunuyh sŏng srăng bơh tâm ndrung?”

Êsai 49:24 ပူးပေါင်းရင်းမြစ်များ

Êsra 9:13

Pakơi lĕ nau mhĭk ăn tât nây ma hên, yor lĕ nau djơh jêh ri nau tih toyh hên, — hơi Brah Ndu hên! Nanê̆ ngăn Kôranh Brah mâu tâm rmal ôh hên ăn di nâm bu nau tih hên, ƀiălah hŏ ăn ma hên du kô̆ hôm e klen tâm ban pônây, —

Êsra 9:9

Yorlah hên jêng phung ƀư dĭk, ƀiălah Brah Ndu hên mâu chalơi phung kon ôh tâm nau ƀư dĭk nây. Păng hŏ ăn jêh ma hên geh nau yô̆ tanăp măt phung hađăch n'gor Persi, ƀư ăn hên dơi rêh đŏng gay plơ̆ sĭt ndâk tay ngih brah ma Brah Ndu phung kon, nkra đŏng lĕ ntŭk hŏ rlâm jêh, jêh ri ăn ma hên du ntŭk gŭ đăp mpăn tâm n'gor Yuđa jêh ri ƀon Yêrusalem.

Nêhêmi 9:33

Tâm lĕ nau hŏ tât jêh ma hên, Kôranh Brah ăt sŏng srăng; yorlah Kôranh Brah ƀư nau di ngăn, Bi hên ƀư jêh ma nau djơh mhĭk.

Nêhêmi 9:37

Yor ma nau tih hên, kao play rmeh ler nây mpeh ma phung hađăch Kôranh Brah hŏ ƀư jêh ma hên. Khân păng geh nau dơi chiă uănh săk jăn hên jêh ri mpô mpa hên rong, ƀư moh nau tĭng nâm khân păng ŭch. Hên dôl gŭ tâm nau rêh ni toyh.

Êsai 42:22

Ƀiălah aơ jêng du phung ƀon lan bu ntŭng jêh ri bu pit sŏk jêh ndô ndơ; Lĕ rngôch khân păng dăk sân tâm trôm da dê, Jêh ri bu krŭng tâm ndrung; Khân păng jêng ndơ bu pit sŏk jêh ri mâu geh nơm tâm rklaih ôh, Jêng jêh ndơ bu pit sŏk Mâu geh nơm sâm lah pô aơ: “Mplơ̆ tay hom!”

Êsai 5:29

Nau ngrông khân păng tâm ban ma yau mŭr, Khân păng rđuh ngrông tâm ban ma kon yau mŭr; Khân păng mra ngrông jêh ri djôt leo mpa khân păng kăp, Mâu geh nơm dơi rklaih ôh.

Êsai 53:12

Yor nây, Gâp mra tâm pă ma Păng du kô̆ ndrel ma phung toyh. Păng mra pă ndơ pit sŏk ndrel ma phung ktang; Yorlah Păng nkhŭt jêh nau rêh Păng kŏ tât khĭt, Bu kơp păng ndrel ma phung tih, Păng hŏ tuy jêh nau tih âk bunuyh, Jêh ri mbơh sơm kơl an ma phung tih.

Êsêkiêl 37:11

Păng lah ma gâp: “Hơi kon bunuyh, đơ nting aơ jêng lĕ rngôch ngih Israel. Aơ, khân păng ngơi pô aơ: ‘Nting hên lĕ kro jêh, nau kâp gân hên lĕ roh, hên bu ƀư rai lĕ jêh!’”

Êsêkiêl 37:3

Păng lah ma gâp pô aơ: “Hơi kon bunuyh, dơi lĕ nting aơ dâk rêh tay?” Gâp plơ̆ lah: “Ơ Kôranh Brah Yêhôva, May nơm yơh gĭt nau nây!”

Nahum 2:13

Brah Yêhôva ma phung tahan lah: “Aơ, Gâp tâm rdâng đah may. Gâp mra su ndeh seh may tât luh nhhŭk, Đao mra sa rvăn lĕ kon yau mŭr may; Gâp mra chalơi mpa may bơh ta neh, Jêh ri bu mâu mra iăt ôh bâr phung may hăn mbơh đŏng.”

Mathay 12:29

Mâu lah, mâm ƀư bu dơi lăp tâm ngih du huê bunuyh ktang gay pit drăp ndơ păng, tơlah bu mâu chăp lơi bunuyh ktang nây lor? Ăn păng chăp bunuyh nây, jêh nây mơ dơi ntŭng ndô ndơ tâm ngih păng.

Markôs 3:27

Bu mâu dơi lăp tâm ngih du huê bunuyh ktang gay pit drăp ndơ păng, ƀiălah mâu chăp lơi păng lor; ăn chăp bunuyh nây, jêh nây mơ dơi ntŭng ndô ndơ păng.