Êsai 49:20 - Nau Brah Ndu Ngơi 2023

²⁰ Phung kon may deh tâm rnôk roh bunuyh rnăk sa Mra lah ma tôr may: ‘Ntŭk aơ rhăt ir ma hên, Ăn hom ntŭk toyh lơn ma hên dơi gŭ.’

Êsai 49:20 ပူးပေါင်းရင်းမြစ်များ

II Phung Hađăch 6:1

Phung oh mon ma phung nơm mbơh lor lah ma Y-Êlisê: “Uănh hom, ntŭk hên gŭ iăt nau may ntĭm nti, rhăt ngăn ma hên.

Êsai 29:23

Ƀiălah tơlah Yakôb saơ phung kon păng, Jêng kan ti Gâp ƀư ta nklang khân păng, Khân păng mra yơk ma amoh Gâp jêng Kloh Ueh: Khân păng mra yơk ma Nơm Kloh Ueh Y-Yakôb, Jêh ri klach yơk ma Brah Ndu Israel

Êsai 51:3

Yorlah Brah Yêhôva bonh leng Siôn; Păng bonh leng lĕ rngôch ntŭk păng lĕ rlâm. Păng rgâl bri rdah jêng ma n'gar Êđen, Ndrêch rdah jêng n'gar Brah Yêhôva. Ta nklang đang trao nây mra geh nau maak, răm rhơn, Nau tâm rnê jêh ri bâr mprơ.

Êsai 60:4

N'gơr hom măt may jêh ri uănh văr jŭm; Lĕ rngôch khân păng tâm rƀŭn ndrel, văch ma may. Phung kon bu klâu may mra văch tă bơh ntŭk ngai, Bu chông ta ti phung kon bu ur may.

Ndrom Samƀŭt bơh Ôsê 1:10

“Ƀiălah rnoh kơp phung kon sau Israel mra âk nâm bu choih dak mƀŭt, mâu dơi nhueh, mâu lĕ dơi kơp ôh. Ta ntŭk khân păng tăng bu lah: ‘Khân may mâu di phung ƀon lan Gâp,’ mra tăng đŏng: ‘Khân may jêng kon Brah Ndu gŭ rêh mro mrăng.’

Sakari 10:10

Gâp mra djôt leo khân păng sĭt tă bơh n'gor bri Êjipt, Rgum tay khân păng tă bơh bri Asiri; Gâp mra leo khân păng ma bri Gilêat jêh ri ma bri Liban, Ƀiălah khân păng mâu hŏ tŏng ôh ntŭk ma khân păng gŭ.

Sakari 2:4

jêh ri lah ma păng: “Hăn nchuăt hom, ngơi lah đah bu klâu ndăm nây: ‘Yêrusalem mra jêng nâm bu ƀon mâu geh ôh mpêr ƀon jŭm, yor geh âk ngăn bunuyh jêh ri mpô mpa gŭ ta nklang păng.’

Mathay 3:9

jêh ri lơi mĭn êng pô aơ: ‘Y-Abraham jêng chô yau hên’; yorlah gâp mbơh ma khân ay may gĭt pô aơ Brah Ndu klăp lah ƀư ăn lĕ grăp lŭ aơ plơ̆ jêng kon sau ma Y-Abraham.