Êsai 49:2 - Nau Brah Ndu Ngơi 2023

² Păng ƀư ăn trôm mbung gâp jêng tâm ban ma đao hơr ngăn, Păng pôn jêh gâp tâm gui ti Păng. Păng ƀư ma gâp tâm ban chiông hăr mplanh, Jêh ri Păng pôn jêh gâp tâm dĭng hăr Păng.

Êsai 49:2 ပူးပေါင်းရင်းမြစ်များ

Nau Mprơ Ơm 91:1

Mbu nơm gŭ tâm ntŭk ndâp Nơm Dŭt Prêh. Mra dơi gŭ tâm dâng gui Nơm Geh Lĕ Nau Brah.

Nau Ngluh Êjipt 33:22

Lah nau chrêk rmah Gâp prot rgăn, Gâp mra ăn may tâm trôm lŭ jêh ri Gâp mra nkŭm may ma ti Gâp kŏ tât Gâp hăn n'hot jêh

Êsai 11:4

Ƀiălah Păng mra phat dôih tâm nau sŏng srăng ma phung mâu geh nau ktang, Jêh ri phat dôih nau sŏng ma phung rdơ̆ rbăn ta neh ntu. Păng mra dong neh ntu ma mâng jra bơh trôm mbung Păng, Jêh ri sŏk n'hâm bơh trôm mbung gay nkhĭt phung ƀai.

Êsai 42:1

Aơ jêng oh mon Gâp, Nơm Gâp kâp kơl, Jêng Nơm Gâp hŏ săch jêh, jêh ri tâm Păng huêng Gâp geh nau maak. Gâp hŏ dơm jêh Brah Huêng Gâp ta klơ Păng, Jêh ri Păng mra mpơl nau sŏng ma lĕ bri dak.

Êsai 50:10

Mbu nơm tâm phung khân may klach yơk mbah ma Brah Yêhôva, Jêh ri tông bâr ma oh mon Păng, Mbu nơm hăn tâm nau ngo Jêh ri mâu geh nau ang ôh Rnơm nsing hom ma amoh Brah Yêhôva, Jêh ri nsing ma Brah Ndu păng.

Êsai 50:4

Kôranh Brah Yêhôva ăn jêh ma Gâp Mpiăt phung nti jêh, Gay ma Gâp blau ngơi N'hao nuih phung rgănh. Ăp ôi Păng rlay Gâp, Păng pơk tôr Gâp Gay ma Gâp gŭ iăt tâm ban ma nơm nti.

Êsai 51:16

Gâp dơm jêh nau gâp ngơi tâm trôm mbung may, Jêh ri pôn jêh may tâm dâng gui ti Gâp, Tâm nôk ndâk lĕ ndâr trôk, Dơm mbon rplay neh, Jêh ri lah ma ƀon Siôn pô aơ: ‘Khân may jêng phung ƀon lan Gâp.’”

Yêrêmi 1:18

Aơ nar aơ, Gâp nơm ndâk may hao ƀư du rplay ƀon nâp ktang, ƀư n'gâng loih, mpêr kông gay rdâng ma lĕ n'gor aơ, tâm rdâng lĕ hađăch Yuđa, lĕ phung kôranh, lĕ kôranh ƀư brah, jêh ri phung ƀon lan tâm n'gor.

Ndrom Samƀŭt bơh Ôsê 6:5

Yor ri, Gâp dŏng jêh phung nơm mbơh lor koh lơi khân păng; Gâp hŏ nkhĭt khân păng ma nau ngơi tă bơh trôm mbung Gâp, Nau Gâp phat dôih luh hăn nâm bu nau ang.

Habakuk 3:11

Nar, khay gŭ gâng du ntŭk, Yor nau nchrat ang bơh chiông hăr May, Yor nau lơp bơh chiông tak May sol ang.

Luka 23:46

Brah Yêsu nter dŭt dăng ngăn pô aơ: “Hơi Mbơ̆, Gâp jao huêng Gâp tâm ti Mbơ̆!” Păng ngơi lôch, Păng tăch n'hâm.

Êphêsô 6:17

Ndô hom môk nau tâm rklaih jêh ri djôt đao Brah Huêng Ueh, jêng nau ngơi Brah Ndu.

ហេឞ្រើ 4:12

Yorlah nau ngơi Brah Ndu jêng nau ngơi rêh jêh ri geh nau dơi, hơr lơn ma đao bar măt, lăp băm kŏ tât tâm nglah nuih n'hâm đah huêng, ntŭk nting tâm ntrŭp đah glo, phat dôih lĕ nau mĭn jêh ri nau ŭch tâm nuih n'hâm.

Nau Tâm Mpơl 1:16

Ti pa ma Păng djôt pơh mănh mbing; geh du mlâm đao bar măt mplônh ngăn luh tă bơh trôm mbung Păng; muh măt Păng tâm ban ma nar nchrat ang ma lĕ nau ktang.

Nau Tâm Mpơl 19:15

Tă bơh trôm mbung Păng geh du mlâm đao hơr ngăn gay ma dong lĕ bri dak; Păng mra chiă uănh khân păng ma du mlâm mâng jra loih. Păng mra jot mpet thŭng play krăk ƀâu ma nau ji nuih Brah Ndu Geh Lĕ Nau Brah.

Nau Tâm Mpơl 2:12

“Nchih hom ma phung tông mpăr Phung Ngih Brah Ndu ta ƀon Pergam nâm pô aơ: Aơ jêng nau ngơi bơh Nơm geh đao bar măt mplônh ngăn:

Nau Tâm Mpơl 2:16

Pôri, rmal hom nau tih! Tơlah mâu, Gâp mra văch ma may gơnh, sŏk đao gưm bơh trôm mbung Gâp tâm lơh đah khân păng.’