Êsai 49:18 - Nau Brah Ndu Ngơi 2023

¹⁸ N'gơr hom măt may uănh văr jŭm; Lĕ rngôch khân păng tâm rƀŭn ndrel văch ma may!” Brah Yêhôva lah: “Tĭng nâm Gâp gŭ rêh mro mrăng, May mra văn lĕ rngôch khân păng tâm ban ma ndơ nkrơ̆, Jêh ri may djôt khân păng tâm ban ma nse vân bŭt bu ur nđăp ma sai!

Êsai 49:18 ပူးပေါင်းရင်းမြစ်များ

Nau Ntơm 13:14

Jêh Y-Lot tâm nkhah bơh Y-Abram, Brah Yêhôva lah ma Y-Abram: “Bơh ntŭk may dôl dâk, n'gơr hom măt uănh lam puăn njônh, mpeh luh nar, mpeh nhâp nar, mpeh bơh dâng jêh ri mpeh bơh lơ.

Nau Ntơm 22:16

jêh ri lah: “Brah Yêhôva lah: ‘Yorlah may hŏ ƀư jêh nau aơ, mâu nhhuach kon may, nđâp lah knŏng du huê kon nây dơm, rĭ dĭng Gâp sơm ton đah Gâp nơm pô aơ,

Nau Hôr 17:6

Đon hađăch ma phung bu ranh, nây jêng phung kon sau, Bi nau mƀrơn phung kon sau, nây jêng phung chô yau.

Êsai 45:23

Gâp hŏ tâm amoh Gâp nơm ton Nau ngơi sŏng srăng luh jêh bơh bâr mbung Gâp Mâu mra plơ̆ sĭt ôh; Lĕ rngôch kômâk mra chon mon tanăp Gâp, Jêh ri lĕ rngôch mpiăt mra ton săk tâm amoh Gâp.

Êsai 49:12

Aơ, phung aơ mra văch tă bơh ngai, Phung ri mra văch tă bơh mpeh pa lơ, jêh ri bơh mpeh nhâp nar, Jêh ri phung êng tă bơh bri Syene.

Êsai 49:22

Kôranh Brah jêng Brah Yêhôva lah: “Aơ, Gâp mra yơr ti Gâp ma lĕ bri dak, Ndâk n'ha kơ ma lĕ rngôch ƀon lan. Aƀaơ, khân păng mra chông phung kon bu klâu may ta ntang ntơh khân păng, Mbăk phung kon bu ur may ta klơ săng nglik hăn tât.

Êsai 52:1

Ơ ƀon Siôn, kah rngăl hom, Kah rngăl hom, nsoh hom nau ktang may! Ơ Yêrusalem, ƀon kloh ueh, Nsoh hom bok ao ueh may! Yorlah phung mâu koh ntâu jêh ri phung ƀơ̆ ƀơch Mâu mra hôm lăp tâm may ôh.

Êsai 54:7

“Gâp chalơi jêh ay ƀât lât, Ƀiălah Gâp mra vơt ay sĭt ma nau yô̆ nđach mâu blau lôch.

Êsai 54:9

“Gâp kơp nau aơ jêng tâm ban ma rnôk dak rdŭl bŭk rô̆ Y-Nôê, Tâm ban ma Gâp hŏ sơm ton jêh dak rdŭl bŭk rô̆ Y-Nôê, Mâu mra hôm bêng ler neh ntu ôh, Gâp hŏ sơm ton jêh Gâp mâu mra ji nuih đah ay Jêh ri mâu đŏng nduyh ay ôh.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Êsai 66:20

Brah Yêhôva lah: “Phung bu năch mra njŭn lĕ rngôch phung oh nâu khân may plơ̆ sĭt bơh lĕ rngôch bri dak. Khân păng rdeng khân may klơ seh, ndeh, tâm ưn, ncho seh bri jêh ri seh samô, hăn ta yôk kloh ueh Gâp jêng Yêrusalem, gay nhhơr khân păng tâm ban ma du mpa nhhơr ma Brah Yêhôva; tâm ban đŏng phung Israel djôt leo mpa nhhơr tâm ndơ dŏng kloh rsang lăp ma ngih Brah Yêhôva.”

Yêrêmi 2:32

Geh đŏng bu ur druh chuêl ndơ păng nkrơ̆, Mâu lah geh đŏng bu ur chuêl nsoh ao ueh ta nar tâm nđăp păng nơm? Ƀiălah ƀon lan Gâp chuêl Gâp Bơh jŏ nar mâu dơi kơp ôh.

Yêrêmi 31:8

Aơ, Gâp mra njŭn khân păng sĭt bơh bri mpeh pa lơ, Rgum tâm rƀŭn khân păng bơh nglĕ dŭt rplay neh. Ta nklang khân păng mra geh nơm chieh măt, nơm rvĕn, Phung bu ur ntreo jêh ri bu ur veng deh, Jêng du phung âk ngăn ngên mra sĭt ta aơ.

Yêrêmi 43:12

Gâp mra klŭp su ma ŭnh lĕ jây rhŏ brah phung brah n'gor bri Êjipt; Y-Nêbukatnetsar mra su ma ŭnh jêh ri njŭn leo phung brah khân păng. Hađăch nây djôt ntŭng lĕ bri Êjipt nâm bu rmăk biăp nhŭp lĕ si tâm bok ao păng, jêh nây du hăn ma nau đăp mpăn.

Êsêkiêl 33:11

Lah hom ma khân păng pô aơ: ‘Kôranh Brah Yêhôva lah: Tĭng nâm Gâp gŭ rêh mro mrăng, Gâp mâu maak ôh ma nau khĭt nơm mhĭk, ƀiălah maak yor nau păng chalơi trong păng jêh ri dơi rêh. Khân may chalơi hom, chalơi trong djơh mhĭk khân may! Mâm ƀư khân may ŭch khĭt, hơi ngih Israel?’

Nau Kơp Bunuyh 14:21

Ƀiălah, Gâp sŏk nau rêh jêh ri nau chrêk rmah bêng ma lam n'gor Gâp jêng Brah Yêhôva gay sơm ton pô aơ:

Yôhan 4:35

Mâu di hĕ khân may lah: ‘Hôm puăn khay đŏng rĭ mơ tât yan rek?’ Ƀiălah Gâp lah ma khân may: ‘N'gơr hom jêh ri uănh hom lôk mir ba lĕ dŭm, hŏ rơm ndrăp jêh ma yan rek.

Nau Tâm Mpơl 21:2

Gâp saơ đŏng ƀon kloh ueh, jêng Yêrusalem mhe, jŭr tă bơh ntŭk Brah Ndu ta klơ trôk, ndrăp nkra jêh nâm bu du huê bu ur mhe nkrơ̆ gŭ kâp sai păng nơm.

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.